Khenpi 1

Page 4

                              

Ngimna le Thupiangte Atom:

2015 February – May kha Sunga MYUM-Zuma Thupiangte:

Ngimna

1.       2015 kipat lamin Southern-Asia Pacific Division of SDAs(SSD) in Myanmar Union Mission of SDAs(MYUM) makaipi(officers) thumte term beinailo-in zakhia suka,  MYUM-EC ah “Leave of Absence” cih kammal zangin khensatna vabawlpih uh hi.

2.     MYUM officer-te kikhawlsakna pen Mismanagement, Administrative corruption hi, cih ciang bek kiza hi. Koi munte ah Mismanagement le corruption piang hiam cih genna omlo-a, mipi in theilo ahihmanin dotna thupi penin ong om hi.  A hang thei lehang mailam ah organization khatpeuh adingin kidop ding mitvakna tampi kinei thei ding hi, cih ka um hi.

3.     Tuamanin, alunghimawh pawlkhat in ong dotzelna zui-in, mipi theihhuai pawlkhat kong hawmsawn hi. Hih kong gelh thute pen mimal mudahna hilo hi. Hun khat sunga, thupiangsa history pulakna bek hia, etkik theih le lesson lak theih ding deihna bek ahi hi. Ih lakding lesson itheih nadingin athupiangte zong theih ong kisam ahihmanin, kei batciang pawlkhat kong gelh hi.

Thupiangte Atomin:

February kipat, 2015 in SSD ulian pawlkhat MYUM ah vapai-in, union officer-te amau-le amau khawl (resign) dingin va gen uh hi. Union President in bang khialhna nei ka hiam? ci, cih kiza hi. Ahizongin a tawpna ciangin, officer thumteng “Leave of absence” in a panmun pan un khawlsakna action la uh hi.

2015 May kha ciangin tua panmun awngte ah SSD in mithak guang uh hi. Tuama, Feb, March, April ciang kha 3 sung pen, union makaipiteg, a khasum le a omna inn ngeina mahuh tawh om zomsak lai uh hi. Tua kikalsungin MYUM administration pen Pr. Kelly P. Lyan(Pum Thian Pau), MYUM Edu director; le Treasurer mun pen Saw Lar Gee in len sak uh hi. EC meeting ding a omleh SSD pan chair ding ci-uh hi.

May 2015 in Pr. Timothy Paul, UMM president pen union president; Pr Kelly, Union Edu. Director pen MYUM Secretary; le Sia Cally Thein, SEM Treasurer pen MYUM Treasurer in koih uh hi. Tua khitin MYUM in Pr  Memory Tun pen  Ayeyawadi Mission Adventist Seminary(AYAS) siapi; Pr  Min Lwin pen AYM Stewardship director, le Pr Nang Do Dal pen South East Local Mission(SEM) ah Treasurer in koih hi. 2015 Year End akipan in Pr Nang Do Dal pen Yangon Attatch ah Treasurer in seh uh hi. Pr Memory Tun pen nasepna pan khawlin USA lam ah pai hi.

Tua bangteng apian nadingin, MYUM makaipite nasepna hoihlo-te Dr. Paul Tanbauknaw, Dr. Htwe Lay le adang mitampi in SSD le GC dong ah zasak uh hi.

Thukhupna

Hih teng pen Kawlgam union sunga thupiang atoma lahpakna le hih laigelhna-ii ngimna bulpite ahi uh hi. Athute le lakding lessonte azomin ih en ding hi.

Pages: 1 | 2  | 3 | 4 | 5 | 6 | 7 | 8  | 9  | 10  | 11 | 12 | 13 | 14 | 15 | 16 |  17 | 18 | 19 | 20 | 21 |  22 | 23 | 24 | 25 | 26 

Please click for more details Apiangsa thute in mailam ading thulamlak