APENDIX-A:

Memory in Tulsa SDA pastor tunga Zomi SDA-te akhiatna lai hi. 

Apendix-te sungah atunga thute tawh kisai mutheih ding references malgol diak pawlkhat bek kiguanga athu atomin kigelh hi. Kumpizum atuamtuam tunga kikhiatna lai copy-te Kalemyo ah nusiazaw kahihmanin kong lak kei hi.

1.       Hih Apendix A pen Conference deihte dal nadinga Memory Tun, MYUM President in US a pastor Moyer tungah alaikhak ahi hi. Hih tawh kizom laikhak pawlkhat omlai hi. Hih lai apian nadingin Tulsa khua ah Zomi SDA te in khawmpi ah kituiphum nuam pawlkhat in Sia Lianpau tuiphum ding adeih ciangin, kankuat nadingin Sia Mungno in MYUM tungah alaigelhzia ding zong zasak hi.

2.     Tua ciangin, MYUM pupi Pr Memory Tun le Secretary Pr Min Lwin in kankuatna lai gelh uh hi.  Alai sungah Pr Memory Tun in, hih pawlte(Tulsa-a Zomi SDA pawlkhat ) pen  ka disfellowship sa uh mi 1170 te tawk kipawl hi ci hi.

Ahizongin, Apendix C sunga 2007-2012 dong MYUM Statistic alahna sungah Conference deihte “disfellowship”, “apostasy” ah koihna om ngeilo-a, “missing” ah 1519 kikoih bek om hi.  Tua manin MYUM leader-te in Pr Moyer alaikhakna ah “Disfellowship” cih kammal azat pen manzo taklo zel hi.   Disfellowship le Missing ahelzau gawp hiam, ahihkei leh,  a mi lawtna uh ah a lipkhap huai theithei dingin “disfelloship” kammal zangin, asazian etlawmloh ding alau manun Statistic sungah “Missing” ci-a, zuauphuak-a mikhem zialzial uh hiam cih lungkham huai hi.

Pages: 1 | 2  | 3 | 4 | 5 | 6 | 7 | 8  | 9  | 10  | 11 | 12 | 13 | 14 | 15 | 16 |  17 | 18 | 19 | 20 | 21 |  22 | 23 | 24 | 25 | 26 

Please click for more details Apiangsa thute in mailam ading thulamlak