MUC

Print Friendly and PDF

Friday, October 7, 2016

PAI KHIATNA




PAI KHIATNA

Sia  Kham Sian Kim

LUNGSIM KHAT TAWH KI HO



Moses om loh zawh kum sawmthum bang hong pha ding hita in Israelte dinmun pen a ngei-in ngei lai hi. A muan uh pawlkhat a sisi tawh a ki that tawh, kihawlkhia tawh om-in khangthak pawlkhat hong ham kik pian uh hi. Kikhopna munte ah Pasian suahtak sak ding pen bang hun hi ding hiam cih ki ngaklah tek uh hi. Sal cih hangin thu neih dan kibang lo leh neihsa kibang lo hi-in pawlkhatte kumpi lam ah maipha amu pawlkhat, amakte khawng galkap mang ahi khawng, kumpi zum nasem a zalian khawngte mah sungh leh makin om ngeingai uh hi. A hi zongin a dinmun uh sal ahi hi. Suahtakna om thei lo-in mimal man neihna bei-in bawng dinmun tung uh ahih manin tua dinmun panin suakta nuam tek uh hi. Mimal in ki lamdanna khattek a neih uh hang a dinmun sal hi-in sal cih dinmun pan suahtak ding hong lunggulh mahmah tek, suahtak nalam ah kipumkhat ding deih takin hong hanciam uh hi. Pasian in tua mungtup lung kihual hanciamna ka za hi cih genkhia hi. (Pai. 3:1-7) Moses zong tua hun sungin thuhilhna tuucin na pan tampi na ngah, a diakdiakin makaihna ah lungduaina, ki pawlkhop theihlohna makaih hamsatzia leh kipumkhatna ii thakhauhzia leh mazanzia cihte hong tel mahmah hi. Israel mite suahtak nading lampi ah khat guak bek tawh piang thei hetlo ding cih thei-in kipumkhatna ii thahatna deihtakin hong thei tel mahmah hi. Mediante kikhoi kikem zia leh amau ki uk dan minam it dan leh anengtawngin aneu pen nangawn kithupi bawlin thu vaihawmkhawm theihnate zong a muibut dan hong tel mahmah hi. Egypt gam ah thu neihna tawh na kisemin Median gam ah a theih thak thu in lungsim veina leh supthuak nasem tawh sepna leh itna tawh nasep a hoih zawkna hong thei tel hi.

Kibat lohna tampi lak ah, dinmun ki batna tawh lawng khatin hong luan khop theih uh ciangin Pasian in salpan suahtakna lampi ki patpih kik hi. Ni dangin kei a kici tek mimal khempeuh a hapak uh hong bei ciang Kei (Pai.3:14) a kici Pa tatak in mun la thei panin Israelte thu luan khopna tungtawnin gualzawh pih ding kamciam hi. Bangzah Moses dinmun kikhel hiam cih leh, ni dang ama thuneihna bek ultungsakin thupi sim lo a mipite in amah a nawlkhin khak ding a uploh khak ding laupi-in lau, ama makaihna bek in bangmah muibun lo-in mipi, mimal vaipuak gawmkhawm bek tawh gual zo ding cih thei lua ahih manin mi Nang hong dong leh bang ci ding ka hiam ci hi. Moses in makai dinmun Pasian ahih na Pasian tung a pulakna hi gige hi. Pasian in Kei mahmah in kong makaih ding cih kamciam hi. Moses in mipi tawh vaipuak a kibat loh khak ding laupi-in lau ahihna kilangh sak hi. Mipi thusimin mimal vaipuak thupi seh hi. Tua mah bangin mimal mahmah in a vaipuak uh luangkhawm sakin hanciamna khat gawmkhawm thei uh ahih manin tua pen Pasian mai leh namdangte mai ah kilang ki pumkhatna kikopna ahi hi.

PHUNPHUN


Israelte khualzitna ah a lam nawngkai sak pen in Phunphun na ahi hi. Pasian makaihna tawh Egypt panin paikhia uh aa Pasian phatna late sa luailuai kawmin kipakin paikhia uh hi. A hi zongin San tuipi in dalin a nung vuah Egypt galkapte zong a dim aha in hong delhin bei dongin hong om uh ciangin a lungsim cihtak lohna uh hong kipan hi. Hong phun uh aa tua lak ah mipi huzap khakna tawh salsuahtakna hong kihel kha te kipan masa hi. Zi-in pasal phunsan, Pasal in makaite, tate in nu leh pate, kikawkin ei hih gun piau ah a si Vol . 2 Conference Thu kizakna Jul- Sep, 2016 lel ding maw, hih phun na in huzap tampi hong nei-in, mipi lametna beisakin lungkiatna lianpi piangsak a, a suakta khin napi uh a siathuai Egypt gam aa a hankhukte lungzuang zaw uh hi. Matut nading ah lampial sak thei phunphun na hang Moses in thuak lah tua a phunphun nate uh pen Topa langpanna a hih lam tel gen hi. (Pai.16:7-8) Bang hang hiam cih leh Pasian mah in pai khiat pih in Pasian mah matut pih ding cih pen lung kituakin a om lai un a kamciam hi, tun muang lo-in hong phun ngam uh ciangin a lauhuai mahmah Topa langpanna ahi hi. Topa'n hi zo ding ci-in Israel mite hi zo kei ni Egypt hankhuk deih zaw ung hong cih uh khasiathuai leh langpanna hih sang alianzaw omlo hi.

Gilkial dangtak hunin phunphun uh aa ama uh a zan zah ding zang zolo uh hi. A phunphun na un a thu hoih pen nagawn a sia penin musakin up lohna piangsakin kipumkhat thei nawnlo uh hi. A zuat ding uh gam a gi tung napi uh a phun thei mi tawmno hangin Israel mipi a tamzaw nungtolhin gamsung lut nading kum tampi zawt bek lai khangkhat kipan thakte hun sung bek lut zo bek mawk uh hi. Khat hong phun ciangin huzap nei a, tua phunphun matut zawh lohna piangsakin bei mangna piangsak tolai hi.A tatakin Israel mite in bangmah hamsatna thasan omlo-in khapsa gam tung hilhel nuam uh hi .Angsung khual hi-in, amau thasan ding hong tun ciangin phunphun niloh in, lungkia in om den uh hi. Tua phunphun na nung ah uplohna om hi aa up zawh lohna in Israel mite khualzitna ah gallian pen hi-in a lauhuai pen gu ahi hi.


VAI PUAK LATEK


Moses pen theihna leh phutkhakna ah kicing mahmah ta a, a mipihte zong it mahmah hi. A buaina khempeuh ah thuhoih ding deih luat man a akhualzitna uh hong nawngkai khak ding patau den a hih manin thu leh la khemepuh anengtawng nangawn amahmah in geel pih hi. (patenalism) . Buai-in mazan ding zang thei lo-in vai kinelhsiah tampi hong nei mahmah hi. Muanglo leh thu hoih ding pen deihna in na khempeuh a vaihawm manin Israel mipite sunga thu leh la khat peuhpeuh ah a thu tawm a vaipuak lak theihna hong bei, na khat ah kikhin muang lo-in Moses tung a vekin hong kinga peuhpeuh gai uh a, Moses om kei leh khapsa gam tungzolo ding zahin vaipuak sia penna lungsim hong nei uh hi. Bangzah ciang buai hiam cih leh Moses pen Sinai mual tung ama thukham sawm alak hun ni tampi hong sawt ciangciang i Moses a si hi. I makai ding bawng lim biakna dong tung hi. (Pai. 32) Hih in Moses in vai khempeuh sem keei a sunghpa in amuh ciang gimhuai lua sa in Moses kiang hawm dingin ngaihsut pia (Pai.18) Ukna thuneihna, vaineihna a deidei khenin hong kimakaih uh ciangin a vai puak zangin thei-in a ma uh zang zaw hi. Tua bang vai puak hong khen ciangin mailam ding mi teitang hon khat hong kilangkhia in vai makai hawmna khat lak peuhpeuh mailam hun ding hong zai zaw deuh hi. Tua ah Joshua bang zong a picing pen hong suak hi. Moses in a mipihte it in lungmuang lua un muan loh luat man vai khemepuh hong sep ciangin khangthak te tot nading lampi aphiat tawh kibangin mailam sang makai ding leh mi tei hong omlo hi. A lampite ah amau zong kimuang lo-in thanemna in nei uh hi. A hi zong in vaipuak a hawm theih uh ciang a mau vai puak tek hanciamna nei-in khantohna hong om hi. A theih loh uh thute makai te tung hilh in tua tawh mipi gensawnin makai teng thuhilh zel, thu kuppih zel leh ngaihsut piakna hong lak zel teh ki thuhual na hong om in kipumkhatna hong khang hi. Amau vaipuak tek ah thuneihna hong neihsak tek ciang ama vai lianpi hong dawn hi, ahi zongin tua thuneihna pen Israel mipite zuih ding thukhun tungah kinga thuneihna ahi hi. Moses in zong makai neute panpihin hong om takteh makai neute in zong Moses panpihin kithuhual in a lampi uh hong zangin ki thu tuak mahmah uh hi.


ARON MAKAIH ZIA


Aron pen Moses om loh hun ciangin makai dingin vaipuak a nei hi a amah zong makaipi lak ah khat ahi hi. A hi zongin Aron thuman sangin mipi et khialh ding a lau mahmah zaw makai khat ahi hi. Moses makaih zia pen ngaihsunsunin mipite hehpih lo-in thu khen lianlian sa lua hi. Hi bang mawk le mipi in amah langpan leh bang cih mawk ding ci-in kha lau-in thuman sangin mipi huu a lauzaw khat ahi hi. Moses Sinai mualtungah a si maw a hing cih hong kitheih loh ciangin mipi patau in Aron kiangah kote hong makaih ding lim khat hong bawl sak in ci-in ngen uh hi. Mipi deihna tawh kituakin Egypt pasiante lakah alian ahi bawng lim khat bawl uh hi. A deihna in Egypt gam zuat kik khak uh leh Egyptte in san theihna ding cih geelna hi aa deihtak kikumin a bawl uh ahi hi. Pai.32 sungah Moses in hiteng a muh ciang Aron tawh kikupna-ah Aron kammal ah ki langkhia hi. Hih mite in hih bawng lim hong piang hi ci-in gen hi. Aron in mipite makaihna-ah thuman ding sang mipi cih bangbangin makaih ding lunglut zaw hi. Thu man ah adin ngap loh manin mi tampi abeh a phung un sih lawh zel uh hi. Israel mipite ahih leh tua bawng bia nuam pen mi tawmno khat bek hi uh a, ahi zongin huzaap zawhna tawh mipi a lang bang awng sak gawp zo in makaite linglawng sak hi. Mipi lak ah a tam zaw huzaap a neih zawk manun Israelte khualzitna a nung lamah kileh pih kik sawm uh aa makaite huzaap gawpin amau deihna semsak ding hanciam uh hi. Aron in ama makaihna kho takin vaipuak na la lo-in a khial mipi lam na gamtatpih ahih manin Israel mipi sungah tampi lampialna hong om hi. Mipi in thuman ngaihsun lo-in thu hong vaihawm uh teh khialhna lianpi hong vaihawm mawk uh hi. 

ARON LEH MIRIAM LUNGKIM LO


Aron pen biakpiakna-ah makai pi hi-in mipi tung zong huzap nei mahmah hong suak hi. Meihal biakpiakna leh mawhsutnate ah mipi aitangin dingin hong om ciangin zong mitatzia leh lungsim puakzia khempeuh zong thei-in Moses pen mipi bangzahin zahtak thupi bawl leh thu neihna koi ciang cih a dangte sangin zong tel zaw hi. Miriam ahih leh Aron mah tawh anai penin ki thuahin biakpiaknate leh mipi huaisiamna ah vaipuak nei-in mipi it mahmah khat ahi hi. A nih un amau dinmun tuak leh vai neihna tuak ah thupi dinmun ban ah amau sep theih , a siam pen na mun tuak ah Pasian in vaipuak a na piak ahi hi. Vaipuak a lak cil un kician tak leh lungkim tak nasem uh himah taleh mite pahtaak leh mite it hong hih tak uh ciangin a mau sangin a vangnei zaw leh thu nei zaw Moses om ahih lam hong thei uh hi. Nidangin Moses amau tungah om ahih lam a theih uh hang tutung a lungsim uh leh a theih dan zia hong ki lamdang hi. Nasep pih sanggam khat a hih hangin mite

zahtak leh thuneihna tawh hong khinkhai uh ciangin Moses sangin ei kilamsang leng cih lungsim hong nei uh hi. Moses mawhna ding hong zon uh ciangin namdang zi neih bek mah hong kawk thei uh hi. (Gam.12) Moses utna lungsim tawh namdang mi zi aneih mawhkawk in Pasian in ei tungah zong thu hong gen thei hi ci-in mipi tung gen khia in mipi lungsim la in Moses nawlkhin ding kipan uh hi. Moses pen namdang zi nei hi, mailam makai dingin muanhuailo hi cih mawhmatna ahi hi. Amau vaipuak siamna mun pan Pa dang khat ii vaipuak siamna hong hazat uh ciangin a tel theih mahmah Topa a heh suakin Aron leh Miriam dan pia tuak hi. Pasian hehna bulpi pen in amau dinmun hilo midang dinmun khat hong it mawk uh ciang leh amau dinmun tung hong lungkim nawnlo-in angsung khualna tawh deidanna lungsim aneihna mun uh ahi hi. A mau siamna tek mun panin vaipuak kicingtakin a lak lai un Israelte khualzitna mazang mahmah hi, ahi zongin ama mun kei mun cih hazatna hong neih uh ciangin kilang neihna lungno a khawi tawh hong ki bangin Israel mipi sung khat leh khat kimuan mawhna tampi hong khangin buaina nasia takin hong om aa Pasian mahmah in lem tuah ciang dong hong tung hi.

Pasian muhna ah amau vaipuak tekah kiciantakin na hong sep laitakin a lianzaw cih om lo-in a vek a kikim hi aa a ki lamdanna in vaipuak ki banglo, sep theihna mun kibang lo cih hibek a a thupitna kibang ahi hi. A hizongin asiahuai pen lungno in Israelte lungtang aa om angsung khualna lungsim ahi hi.


Thukhupna:


Israelte gualzawh nading leh gamthak ah nuntakna zia ding ah amau khut sungah Pasian in ama kamciamna tawh apiaksa ahi hi. Thuman Pasian in tua khapsa mungtup ah a kalsuan lai teng uh na ompih aa ahi zong Ama thuneihna leh a hih theih na tawh Israelte ut lo pipi-in aana in nasem lo hi. A hi zong tua mungtup ah a kithuhual teng leh veina vaipuak tek tawh a pang Israel mipite tonpihin khapsa gam lut pih hi. Tupna kibang, khualzitna kibang, vaipuak kibang hong neih mateng uh Israelte khapsa gam Pasian in tunpih lo hi. A hi zongin i Pasian in taisan lo-in a zat theih Israel mite tawh khut kilenin mungtup lampi ah tonpihin gualzawhpih veve hi. Israelte khualzitna ah Egypt gam pan a kithawi limlim vua kipanin a buaipih uh a dolah pi pen leh nawngkaina tampi a piangsak pen in Israel minamte sung mah aa a om lungsim puakzia leh vaipuak lak zia te ah mungtup ah ki thuhual zawhlohna ahi hi. Namdang sa dangte leh apua lam pan a hong pai gal leh sate in amau lampi khaktan zo hi cih kimu lo napi, amau sungah khat leh khat buaina hong neih uh teh tua in nakpi-in a mungtup lampi a zuatna uh mial sakin khaktan zaw hi. A dahhuai penpen ah Pasian nangawn kisiikin Israel minam khempeuh vatmai ding ciang ngaihsun hi. A tatak amauteng mungtup Vol . 2 Conference Thu kizakna Jul- Sep, 2016 ah lawngkhat ah ki batlohna, vaipuak tuamtuam tek luangkhawm thei uh hi leh Pasian gualzawhpih ding kamciam omsa, leh amau khut sungah a piaksa ahi hi. A hih hangin mungtup leh lampi kibanglo Israel mipite sungah Pasian in nasem thei lo-in kum tampi sung kipuah kizuun na in hun hong bei to hi.

## Quarter 2 na 2016... azom ahi hi.

Ngaihsut lakna laibu: Tuan Pupate leh Kamsangte

Source: Conference Thu kizakna   Jul- Sep, 2016

To get the latest update of me and my works

>> <<