KHAWKPI 2 (CIAPTEHNA) THU OMZIA

KHAWKPI 2 (CIAPTEHNA)

THU OMZIA

Ciaptehna piakna in, mihing mit tawh a ki mu thei lo kha lam nasep ahi hi. Tu khawng a kisep lai tak hi a, hehpihna kong ki khak ciang dong bek ding hi a, nai mahmah ta hi. Mi malmal tunga kipia ding ahih mah bangin tapidaw te peuh mah akikhel ni a kipan hehpihna kong kikhak ding ahiam? ama sih dong ahiam? Kantel thu khen na abei teh ahiam? A mong atung hi ding hi. Hih nasepna ah Pasian vantung mite leh Kha Siangtho in ma-hial ding uh a, zo ding uh hi. Pasian upadi zang in (thupiak) thukham lina zong aki hel in aki-aap mihing te tel sit uh hi.

Anuai a thute tawh saikak in ciaptehna kipia hi.

Pasian thupiak sawmte zui in anung ta hiam?

Bawlsiatna a thuak manin lampial tuan lo in Sabbath muanhuai takin a tang hiam?

Tua in haksat ni hun, palai om nawn loh hun sung zong mawhna bawl lo in a om na diam?

Tua ciaptehna in kisiatna hunpi pan in amaute humtuam ding hi.

NA PIANGTE TELLAHNA

“Tua khit ciangin vantung mili in lei kiuli ah ding in, leitung, tuipi, leh singkungte, susia thei huih lite a nun’ loh na dingin len in om ka mu hi. A dang vantung mi khat nisuahna lam pan kahto aa, a nungta Pasian ciamtehna tawi kawm in, nakpi kiko aa, vantung mi lite kiangah: Ih Pasian’ nasemte a taltang tung uah ka ciamteh khit mateng in, leitung, tuipi, singkungte na gimsak kei un” a ci ka za hi. A ki ciamteh te kism ka za aa, Israel suante lak ah, sang khat leh tul sawm li leh tul li, apha hi.” Mang 7:1-4.

“Pasian mite a taltanguh ah aki ciapteh khit phet ciangin amaute thu maan sungah kip uha, khalam thu ahi a, leitung thu ahi zongin kikhin khia sak thei nawnlo in, tua ciamtehna angah ding teng in angah khit the, haih khiatna kibawl ding hi. A tatak in tu pan kipan khin aa, leitung a Pasian thukhenna pen aom khit vai patau kohna a tuamtuam te tawh ih thei hi.” 4 BC 1161.

“Pawl khat in sapi ciamtehna ngah in leitung anaa sungah akipiak lai tak un, pawl khat te in Pasian ciaptehna pom in A ma anaa sungah kipna teel uh hi.” GC 605.

“Vantung mi thumte’ tangkona nasep kizawh hun hong laksuk hi. Pasian vangliatna a mite tungah ki nga hi. Amau in a nasep uh aa, amai mahmah a aphut khak ding uh hun haksa adingin kigingkhol uh hi. Guah nunung sangkhin uh aa, Topa mai ah kipuahphatna ngah in, anuntak zia te uh tawh teci a pang ta uh hi. Patau kohna nunung mun citing ah kizel ta aa, tua thu a sang nuam lo leitung a mihing teng peuh mah heh in kissing kheukho ta uh hi.. Vantung ah vantung mite akicing lah in kisuk leh ki to leh ka mu hi. Vantung mi khat leitung pan hong ciah to aa, laikung tawisa in, Zeisu kiangah nasep kizawhna hong gen aa, mi siangtho te kisim khin in ki ciamteh khin hi, hong ci hi. Tua ciang in Zeisu pen thukham sawm koihna kuang mai a mawh mai sak na nasep sem kim lai in, a tawi belta lei ah paai in aw ngaih mahmah tawh, “A zo zo hi,” ci in a awng hi. EW 279.

“Satan in amah anial te bawlsia in sumang dingaa a zonzon lai tak in, a siangtho vantung mite in mit tawh kimu lo in misiangtho lo omte tungah a nungta Pasian ciaptehna khen in a diang kheu kho uh hi. Tua mite in Zion mual tungah Tuuno tawh dinga a taltang tung uh a PA min kigelhsa mite ahi uh hi.” 6T 475, 476 (2TT 179).

“Hih Pasian nasemte ki ciaptehna vai pen Ezekiel mangmuhna a ki laksa pen mah ahi hi. John in zong a mangmuh kipat phet aa, teci pansa ahi hi. Amah in tuipi leh tuihual gingte nawk gawp aa, mite lungsim laulua in puuk uh amu hi. Amah in leitung ki khin khia aa, mualte tuipi sungah ki lawnlut (tua pen a tatak a piang ding) tuite ki lok gawp aa, mualte kilok tan gawp amu hi.” TM 445, 446.

“Ni suahna lam pan a vanglian vantung mi kahto aa, anungta Pasian ciaptehna a khut ah tawi hi. Amah bek nuntak nang a pia thei, kua in a taltang ah ciaptehna piak tuak aa, kua in a tawntung nuntakna, muat theihlohna ngah ding kilawm hiam? ci aa, a khentel vantung mi vanglian penpa ahi hi.” TM 444, 445.

“Topa in Ama nasep sem hi. Vantung te ki lok kheukho hi. Leitung aa thu khen mang khempeuh Ama anaa nuai ah hong thuum bek ding uh hi. Hot khiatna ding ciaptehna pen, Pasian thukhamte zui aa, A thukhamte awl mawh aa, sapi ciaptehna leh sapi milim a nial mite tung bek ah ki khen ding hi.” 5 T 451, 452 (2 TT 151)

“Satan in asiam theih tawpna zang in, Pasian mite ciaptehna a kipiak laitak in, thumaan pan a lung patauh theihna ding un, hanciam hi. Pasian mite a lungkham lai tak uh aa, akem ding amaute tungah a liahna tawh hong khuh aa, thumaan mah ah kip ding lung sim siangtho a khentat mite thahatpipa vang tawh a tuam hi.” EW. 43. 

PASIAN CIAPTEHNA BANG AHI HIAM?

Ciaptehna Ih cih ciangin thu nih kikop hi. (1) Tua ciaptehna’ khetna van pen, leh (2) Tua a ki khen thu pen ahi hi.

Pasian ciaptehna ih cih ciangin, tua ciaptehna avan pen in, Pasian thukham zuihna hi aa, nambat lina Sabbath zong akihel cihna hi. Tua thukham in, thukham a pia khia pa min, A zaliatna, A gam zaina anaa ki hel pen teek teek hi se hi. Tua thukham leh a Sabbath in Topa ki cin’na lak aa, Kha Siangtho na sepna dawk sak hi.

A dang khat pan in, Pasian ciaptehna ih cih teh, tua ciamtehna pen tawh Khris tawh a kibang mite bek aki ciamteh hi aa, Pasian mite nuntakna gamtat hoih kicing cihna ahi hi. Tua ciamtehna a kipia mite in, a nuntak sung uh thumaan kiplet upadi (thukham) zuite cihna ahi hi.

Thamlo in, tua ciaptehna pen tapidaw taktak, aki pumpiak mite bek, Khris sisan tawh aki sawp siang, Pasian thukham bang zui aa, anun takna puah thak aa, a siangtho te tung bek ah Pasian in a ciaptehna pia thei ahi hi.

“Note in, ahong kikhaam Kha Siangtho tawh a hong ki ciamteh zo hi” Eph. 1:13. “A hong gupna ni a tun’ dong in note a hong ciamteh Khasiangtho na khasia sak kei un” Eph. 4:30.

“A nungta Pasian ciaptehna A mite taltang ah aki koih pen bang ahi hiam? Tua in Mihing mit tawh aki mu thei lo, a susia ding vantung mite hong piak ciang a gup ding mite a khen tel theih nading uh aa, vantung mite muh theih ciamtehna ahi hi.” 4 BC 1161.

Thukham sawmte lakah a nambat lina pen sung bek ah tua, thukham piakhia, anei pa min leh A zaliatna kidawk thei hi. Tua bek in a thukham pia khia Pa’ Anaa lak tel hi. Tua bek mah in Pasian ciaptehna keem aa, A thukham te lak ah kihel in, A thu neih khauhna teci pang hi.” PP 307.

A muat thei mihing te lak ah tang kona thupi penpen a ki tangko lai takin mihing nungta a na hi kha, Seventh-day Adventist a kici te teek teek mah zong, Pasian ciaptehna neih theih na ding in Ih gamtat leh Pasian thukham taih ni, ci kawm kawm sa mah in tua, thukham siangtho a palsat veve lai uh hi. 2 T 468.

“Pasian ciaptehna in, Topa in Piangsak pa ahihna phawk na dingin ni sagih ni Sabbath tan’ na ahi hi. Topa in, Mosi kiang ah, Israel te kiangah gen in, Ka Sabbath maantak in na tang ding uh hi. Tua in note leh Kei kikal ah, na khang tawntung un, ki ciamtehna, Kei mah in, note hong siangtho sak Topa ka hih na nong phawk na ding uh ahi hi.” EX. (Paik.) 31:12,13. Hih lai ah, Sabbath tan’na pen Pasian leh A mite kikal aa ki ciamtehna hi, cih teltakin ki mu hi.” 8 T 1117 (3 TT232).

BANG HUN CIANGIN CIAPTEHNA HONG DAWK HIAM: A HUN LEH A SAWT TAN

Ciaptehna hun pen, tom mahmah a kizo pah vat ding hi. Tu lai tak in a hun hi aa, vantung mi lite in huihte len lai uh hi. Ih sapna leh ih teelna nasep ih sep theih nading ahi hi.” EW 58.

“Hih bang thu hong tung aa, mawhnei leitung te thu a ki khen na lak pan in Pasian mite koi ah bu ding uh hiam? tua hehna teng a bei mateng bang beel ding uh hiam? John in, nate omzia, zinlingpi te, huihpi lom nungte, leitung ki-uk zia haksa te, vantung mi lite in lenlai, mu hi. Tua huihte pen Pasian in, khah ta un, a cih mateng ki lencip lai ding hi. Pasian pawlpi ahih leh muan huai hi. Pasian vantung mite in tua leitung huihte lencip aa, leitung tuipi leh sing kung te gim pai suak nailo aa, Pasian mite taltang ah ciamteh sak phot hi. A vanglian vantung mi nisuah na lam ah kahto hi. Tua vangliang pen vantung mi in a nungta Pasian ciaptehna a khut sungah tawi aa, a tawntung nuntakna muat theih lohna a kipia ding mite taltang ah ciamtehna amah bek in akhen thei hi. Hih a sang pen vantung mi mah in, hih nasep a ki zawh matengin leitung huih lite lencip lai dingin asawl pa pen hi, “Khah ta un” a cih mateng lencip lai ding uh hi.” TM 444,445.

Hih buaina hun hong tun’ ciangin mite khempeuh thu a kikhen khin hong hi ding hi. Hun hoih om nawnlo hi. Hehpihna in hongzol nawnlo hi. Pasian mite tungah ciamtehna ki koih khin ta hi.” 6 T 213 (2 TT 67).

CIAPTEH THEIH DING OMZIA TE

Ciaptehna ngahte bek mah in haksatna paltan zo ding aa lungnop in Topa dawn thei bek ding uh hi. “Mi tampi tak mah hehpihna in zol aa, ki sittel in, tawm kha bek in a nungta Pasian ciamtehna ngah uh hi. Tawm bek mah in naupangte bangin kiniam khiat uh aa, tua te bek mah vantung gam nuam ah lut uh hi.” 5 T 50.

“Tu hun in kigin’ kholh hun ahi hi. A siangtho lo numei, pasal tungah Pasian ciaptehna kipia ngei lo ding hi. Tua na pen, leitung ah ngimna hau mite taltang ah kikhen lo ding hi. Zuau a phuak thei, lungsim maanlo, nei te taltang ah kikhen lo ding hi. Tuuno ciaptehna ngah mite in, Pasian mai ah a kawk bang lo vantung tawh a kilawm mite ahi uh hi.” 5 T 216

“Zeisu in A biakinn siangtho sungah tu laitakin om aa, ih biakpiak nate, ih thu ngetnate, ih mawhna pulak nate, hong sang in hong maisak lai hi. A biak innpi a nusiat matengin ih mawhnate hong phiat sak thei lai hi. Zeisu in biakinn a hong nusiat khit ciangin, a siangtho te siangtho lai aa, a dik te dik lai ding hi. Bang hang hiam cih leh, amaute mawhnate kiphiat khiat sak khin aa, Pasian ciaptehna a kipia khinte ahi uh hi. Ahih hang in tua hun aa, amaan lote, maan lo pai suak, kih huai paisuak ta ding hi.” EW 48.

“Tua Pasian ciaptehna a ngah aa, lungkham hun aa, kepna a ngah mite in Zeisu lim kicing takin sun ding a, akhua vak a leng sawn sak ding uh hi.” EW 71.

“Khuavak sung a Khris tawh a ton khawm mite in, mawhna a kici peuh mah lawng kha nuam lo ding uh hi. Puan nin sia peuh mah suah khia in, Khris thumaanna puanpak tual silh ding uh hi. Kisik kikna leh upna tawh Pasian thukhamte khempeuh kizui zo thei ding hi. Ama mai ah kawk bang lo ding hi. Tua bang a Pasian’ sittelna, a thuak zo ding mite in, tu in amah leh amah ki sittel aa, ama palai Zeisu kiangah mawh maisakna nakpi a angente ahi ding uh hi.” 5 T 472 ( 2 TT 175).

“Eite khat peuh in kawk banana khat peuh ih neih lai teng, Pasian ciaptehna hong kipia ngei lo ding hi. Ih gamtat siatna te dam sak a, ih biakinn pumpi ginatlohnate puah siang ding thu hong pia hi. Tua ciangin sawltakte khang Pentecost pawi a guah masa abuah mah bang in, eite tungah guah nunung hong buak ding hi.” 5 T ( 2 TT 69).

“A nunung mipawl khat in, Pasian leh a vantung mite mai ah teng thei ding in, kumpipa mel hoih muh theih nading a haksatna hun pi paltan zo ding in Pasian ciaptehna neih theihna ahi siantho na, thuak siatna, Khris hanga thuak nate thei nuam in, thumaan pen deih in pom vieu veu ding uh hi. “Tu in ahun bei dek dek hi. Oh, kum tampi ih thuaksa thute amau kha tawmno sung bek thuak kha uh hi. Phut khak nailoh tampi mah nei uh aa, phu kha lai ding uh hi.” EW. 67.

“Leitung ci leh sa leh dawi deihna a zote in, anungta Pasian ciaptehna a ngah thei dingte ahi uh hi. A khut sianglo, a lungsim siang lote in bel, ngah thei lo ding hi. Mawh ding ngim a, asem te bei mang ding hi. Pasian mai ah, kisik kik aa, mawhna pulaak aa, mawh sut na taktak mai ah siansuah ni aa aki siansuah te bek in, Pasian kepna ngah tham cing, ci-in kisang ding hi.” TM 445.