KHAWKPI 4| (HAIH KHIATNA AHIH KEI LEH SINKHIATNA)

                          A HANG’

1. Awlmawh lohna leh kikhel lohna

“Nang in lumlel na hi hi” Mang 3:16

“Tua ka muh a lom a omte ki haihkhiatna hong en sak hi. Ka muh ngeisa kha lam lungkham a nakpi kap a thungen te hong ki lak hi. Amaute a kem vantung mite a zah nih ki piak beh hi. A lu uh pan in a khe dong un galhiam silh sak uh hi. Amaute galkap hon bang in maanmaan in ki hei diamdiam uh hi. Amau phut haksatnate a thuak zia uh a maisuah un ki thei thei hi. A lungkham nate uh ki mu thei ahih hangin, vantung minthan’na tawh a maitang te uh taang hi. Amaute in zawhna angahte hi uh a, a siangtho lungdamna leh nuamna ngah ding aa saapkhiat te a hi uh hi.”

“Hih mihonte ki kiam sak mahmah hi. Kim khat te ki haih khia in lam gei ah ki nusia hi. Awlmawh lo aa, a kikhel lote, hih zawhna ngah nadinga a thuak tentan lote in, ngah zo lo mah uh aa, khuamial sungah ki nusia in, midangte in amau mun hong luah uh aa, thumaan din’mun hong lento pahpah lel uh hi. Tua mihonte kimkot ah Satan’ migilote in kiim umm in, a nawk gawpgawp nop uh hangin, amaute tungah nawkgawp theihna vaang nei lo uh hi.”

“Hih kikhekna lian bang in bawl hiam ci-in ka dong hi. Vantung mi khat in hong dawngaa, “Tua in guah nunung hi, Topa mai a kipuah siang na, vantung mithumna awgiing ngaihpi pen ahihi” hong ci hi. EW 271.

2. Sunday law anaa in a kizat man in bawlsiatna

“Paul genkholh thu hong tung kim ta ding hi. “Khris sunga Pasian deih banga gamta mi peuh mah in bawl siatna thuak ding hi. 2 Tim. 3:12. Sunday nipi anial a, thumaan a len mi peuh mah kim khatte thong sungah kikhia dinga, kim khatte ki nawh mang ding aa, kim khat te sila bangin ki bawl ding hi.”

“Tua khua zingpi hong tun’ ciangin, vantung mi thumna thu puak ka um hi, aci mi tampi mah in, thumaan len cinten lo in, na kipuah siang zolo uh ahih ciangin, amau dinmun nusia in alang lam akoppih zaw uh hi.” GC 608.

“Haihkhiatna lianpi in mai nawtnawt lai ahih ciangin, Pasian biakpiakna leh a nasepna ah khahsuah lo a, hang tak a alen tentan te lo buang, kihaihkhia mang ding hi” EW 50.

“Pawlpi mite a mimalmal ciat in ki ze-et ding hi. Amaute thumaan teci a pan’ theihna mun dingte ah kikoih ciat hi. Tampi te Council mai ah leh thukhenna zumte ah, kisam in thu kigen sak ding aa, a tuam a sitna te zong kinei ding hi. Hih bang munte ah a maute pauna huh dingin, hun beisa a atheih theih na ding uh a kilawm hunpha a neihte uh a awlmawh lo a aomnate uh pammaih sa mahmah ding uh hi.” 5 T 463 (2 TT 164).

  

“Pasian mite asawt lo in mei-am bang ze-etna kipia dingaa, tulai tak a amaan tak bang a ki mu pawlkhat te sik kekseu bang hi ding uh hi. Langpan’ na in a kipsak, a khauh sak sangsik in, satna thuak a aki taigawp ciangin, meidawi in langpangte lamah akop ding hi.” 5 T 136 (2 TT 31).

3. LAODECEA THU KIPIA NIALNA

“Bang hang hiam cih leh nang mah in na lum lel hi” Thumaan teci pang Zeisu in ci hi. “Sa lah salo, vot lah vot lo, ka kamsung pan kong sia khia ding hi” Mang 3:16. Khris in hih a thu hilhna awlmawh lo aa, kikhelna mel anei lo mite, tua haih khiatna ah kia ding uh hi.

“Thumaan teci pan’na in, a lang zong tun nailo ka mu hi. Pawlpi vai lakah alian pen, tua teci pan ding, kizangkhai ngaihsut aa, ki awlmawh lo hi. Hih thu in kisik kikna takpi pia a, asang mite in, a thu mang a kipuahsiang takpi uh hi”. EW 270.

4. A PUA THAM BEK A THEIHNA HANG IN A KHIAL UPNA TAWH MI TAMPI KHEM NA THUAK OM

“Satan in leitungah sawl tang zang tampi ka nei dinga mite in thumaan tawmtawm helkawm in amaan lo upna ah mite ka khemsak ding hi.”

Topa in a patau tangkona tawh kizom in, thu um tak zolo mite, muanlahna kam zang ding mi ka koih ding hi. Tua thupiak na a awl mawh pah veu mite bel zawh hak ding hi. Ahih hangin tua thupiak a lawpna pan un heikhia zo le ung, ko ngian hei leh ko vang ahih lam thei lo ding uh aa, atawp na ah kote’ din’mun mah hong tung ding uh hi’ ci hi. TM 4V5.

“Buai gawp a lungkhamna ni ding hong nai hanhan hi. Satan in a dik vantung mi bangin ki zem in, ahih theih leh a telsate teekteek mah hong khem ding aa, Pasian leh Topa te hong tam ding hi. Upna na tampi hong leeng ding hi. Topa in nasem muanhuaite nei a, haihkhiatna leh ze-et nate thuak khanawn lo ding uh hi.” 5 T 80,81.

“Pasian Khasiangtho in lai siangtho dal khempeuh khuavak pia a ahih hangin mun khatkhat te, akhiatna kitel pha lo ahih manin, mite lawp pha lo mun om hi. Tua haihkhiatna hun hong tun’ ciangin upna maanlo tawh tua munte sim in, a lenkip ding sikkawi omlo a, aki nil kawikawi seh nel bang hi ding uh hi.” TM 112.

“Hih sikha hopih theihna upna anei to dente in, (Lawkite upna bang hi a) a tapidaw na uh siasak in, Pasian tawh a ki zopna uh tat dinga, tawntung nuntakna taan ding uh hi.

“Pasian thu ah khelpil a, leitung bup a om tampidaw khem ahi te, thu um a ki gen napi a zui ngap lote pilna pen, a khial vantung mite makaih hi a, tua a thu muampa pen bel Laisiangtho siam mahmah, mite zuih ding thu hoihte zong a thei, mite thumaan lampi pan in bang ci zol khiat ding, cih zong a sin sin mai, leitung a thupiang dingte ah mite a kigin’ kholh khak ding a susia ngit ngiat pa’ nasep ahi hi. 8 T 292 (3 TT 270).

“Hun beisa a thuakna omsate bang mah in ki thuak kik ding hi. Satan in khanglui lai a upnate, mailam ah thu tuam khat in hei kawi in hong thak bawl ding hi. Thukhial pen alawphuai khembawlna tawh hong lak ding hi. A khial upna pen thumaan khuavakk tawh tuamciip dinga, Pasian mite mai ah hong lak ding hi. Tua bangin Satan in hong khem dinga, aki teel sa te teekteek mah hong zol ding hi. Mite maihum theih na penpen te hong zang ding hi. Lungsimte mialsak in, nongg sak ding hi.” 8 T 292 (3 TT 271).

“Pasian thukham hong ki nilkhiat ciangin, Pasian mite mei-am bang ze-etna tawh hong ki bawlsia ding a, tu a ih upmawh sangin ih lawmte a tam zaw tham in, kha gilote upna ah maihum thuakin zol lut in hong om ding uh hi. Lam maan ah kitha khauh sak ding sangsik in, amaute in lenggui dik tawh a kizom lo hiang hi mawk lo ih hiam? ci zaw lai ding uh hi. Amauten gah nei lo ding uh ahih ciangin innteekpa in a satkhia ding hi.” 2 SM 368.

Kha ki muam kamsang pa in, Pasian mite lakah sinkhiatna om ding a lim cin’ na tawh a gen na ah: “Ngai un, mi namte lak pan in, Israel innkuan sung haih khiat ding in ka sawl dinga, a tak tangkhat zong leitungah a haihkhiat khak loh nading un, ciang-zing tawh vaimim haih bang in ka haih sak ding hi.” Amos 9:9.

Peter in Topa Zeisu a nial lai tak in a dawn kik na ah, “Simon, Simon aw, Satan in nang hong deih a, mang buh haih bangin hong haih nuam hi. Ahih hang in nang upna a puk loh nading in, thu ka ngen hi: ci hi. Lk. 22:31,33.

Pasian mite, a mimal mal leh a pawlpi bup in, a upna uh ki ze-et ding hi. Hih ze-et na pen sin’ khiatna ahihkeileh haih khiatna kici hi. Hih thu pen a hun beisa ah zong om aa, a diak diak in hun bei kuan ciang hi phadeuh ding hi. Galpa in ahun tomta cih thei ahih ciangin, atam theithei lam pial sak dingin a thahatna hong thasaan ding hi.

Tua haihkhiatna pen Pasian mite lakah, teel thamcing leh a lampial dingte ki khenkhiatna dinga kiseh ahihi. Ciang-zing tawh a haih ciangin Ciang-vang ah akia te leh a om laite bangin a vai leh, a tak leh a ngiam a khentel na dingin a seepkhiat bang in a vaite ahih leh a leng mang ding uh hi.

Tua bang a pawlpi pai suksuk a mong a tun’ ciangin pawlpi mite lak ah haihkhiatna hong om ding hi. A lengkhia dingte hih a nuai a thute hang hong hi ding hi.

(1) Biakna lam awl mawh lo aa, kilam dan’na nei lote

(2) Sunday-law hanga bawl siatna thuak zolote (3) Khris in Laodecea tunga a thu piak kisikkikna leh ki puahphatna thu a sang lote leh (4) Thumaan om bang a theih tel nading hanciamna nei lo a thu zuau in a khem zawh khak te hong leng khia ding uh hi.

Sin’khiat hun a alauhuai mahmah thu khat in, tu mahmah in zong mai nawt aa khang khang hi. Din’ mun sang pipi lente mah zong lampial sak ding hi. HIh te in Pasian mite lakah gal lian pen ahi ding uh hi. Ahih hangin ama nuntakna ki puahpha den aa, Pasian tawh kizom aa, aki-ap den te ading in lauhuai lo hi.

A THU KUAN ZIA TELLAHNA

Pasian in amite a haih khiat laitak ahi hi. Amaute kiheek zia leh a ngimnate uh ze-et hi. Tampi mah in buhsi bang hi ding uh hi. Buh tak nei lote ki man’na omlo hi.” T 51. “Satan in vanglianpi tawh hong pai suk in, thumaan lo lamah khem theihna vannuai zangin, a ki haih khia thei khempeuh haih khia dinga, a ki haih khia thei hetlo te bek mah cian khia ding uh hi.” 9T 62 (3TT 312).

“Pasian in a pawlpi a sian’tho nadingin puah sianga a mite haih siang hi. Eite in mite lungsim ih mu thei kei hi. A hih hangin Topa in tua lungsim te dawhkhiat na ding, Pawlpi a siangtho tak a keptheih nadingin, lampi hong bawlsak hi.” 1T 99.

  

“Van kim lai ah vantung mi khat leng a, mi tampi khut ah Immanuel din’ mun koih aa, tangkona aw ngaihpi a ki tangko lai takin, “Hong pai unla, hong ki gual un, Pasian thukhamte zui aa Zeisu teci pan’na aneite in na mun ding uh len un. A siangtho lo nate na lawng kei un. Note kong sang ding hi. Kei mah in note Pa ka hi ding hi. Note in ka tapa ka tanu ten a hi ding uh hi. Topa huhna a beel nuamte, tua gilo thahatpa do nadinga Topa huhna ah hong pai ta un” T 41 (3TT 224).

A HUN

“Eite in sin’khiat hun lai tak a om ih hihna ka mu hi.” 1 T 429.
“Nakpi a sin’khiatna ding kisawl a, kissing toto lai ding hi. Pasian nasepna leh biakpiakna dingin, thumaan khah nuam hetlo alen tentan te lo buang ki singkhia khin ding hi. EW 50.”

Eite in tu in sin’khiat hun ah ih om ka mu hi. Satan in a siam theih tawp in sem aa, mite in, Pasian Tapa Khris a khe nuai uh ah a sik cip sak ding hi. Vantung mi khat in damtak in hi bang in ci kik kik hi. “Bang zah tak a dan piakna tawh, no ten Ama manphatna, Pasian Tapa sisan tawh thuciam, , khe tawh sikcip in Khasiangtho hehpihna simmawh ding na hi uh hiam? ci hithiat hi. Gamtatna te puah tohtoh kul hi.

Pasian vantungmi in, lungsim manpha tawikhai niloh hi. Pasian in a mite hong ze-et in hong sin hi. Vantung mi in, “Ki dawm un, ute naute aw, na kidawp kei uh leh anungta Pasian kiang pan ki khenkhia in, thu uplohna lungsim gilo in hong man kha ding hi. “ Ahih hang in nisial in khat leh khat ki hansuah un, na tua cih kei uh leh, mawh-na lam khemna sungah na lungkhauh kha ding uh hi. A ki pat pan a tawp dong ih muan’na ah kiptak in ih din’ leh bek Khris angah Ih ding kha bek ding hi.” 1 T 429.

“Pasian in a mite hong haih hi. A ngimnate uh, a heekzia te uh, hong ze-et hi. Tampi te in buhsi bang hi a, atak manh nei amau sungah ki mu lo hi. 4 T 51.

PUK KHAKLOHNA DING LAMLAHNATE

Sawltak Paul hong hilhna ah: “Kip ing a kici mi kidawm zaw hen. A kidop kei leh puk ding hi.” 

1 Cor. 10:12. Eite vekpi hong ki ze-et tek ding hi. Ahih hangin khat zong puk kul lo hi.

Vantung tawh ih ki zopna puahpha in, kitat sak kei peuh leng, haih khiatna tawh hong haih hangin kia khialo in minthan’na tawh ih zo ding hi. Tu in Lai Siangtho sim den in, siksan in, thu ngetna tawh Pasian nasem ding leh, mi dangte huh dingin ki ap tawntung in, Kha siangtho hilh kholhna om bang thei telin zuih ding ahi hi.

Khasiangtho nuntakna gui zom peuh leng, bang mah in Pasian hong itna leh thahatna teng bulpi Topa Zeisu kiangpan hong khenkhia zo lo ding hi. Sawltakpa in, “Khris hong itna pan kua in hong khenkhia zo ding hiam? Thuaksiatna, uang gimna, bawlsiatna, gilkialna, guak din’na leh kisiatna, nam sauté in zong hong khenkhia zo ding hiam?” ci hi. Nuntak sunga a nop penpen honkhat te tawh sai kaak hi. A dawn kikna a piakna ah, “Hong khen zolo ding hi. Tua bangte hangin eite hong it a, asi pa thawhkikna ih ngah khawm zaw ding hi. Kei mah in sihna ahi zongin hin’na ahi zongin, vantung mi ahi zongin, thupi ukpa te a hi zongin, vangliatna tulaitaka a om leh hong pai lai dingte ahi zongin, a sanna ahi zongin, a thuukna ahi zongin, aki piang sak adang khat peuh te ahi zongin, tuate hangin Khris Zeisu sungah Pasian itna tawh bang mah hong khen zolo ding hi.” Rom. 8:35,39.

Pasian tungah hih thukip hangin ih lungdam hi. Kha ki muam laikung in, a thuak tentan mite’ muanhuaina amal mal in hong gen hi.

“Mi kimkhatte upna khauh tawh lung kham a kap mite Pasian in makaih ka mu hi. Amaute mai suah daangin lungkham ahih na uh kimu thei a, alungsim uh gim ahih lamtak ki thei thei hi. Amai suah uh ah, hanciamna leh kipna nei uh hi, cih zong kimu thei hi. A maitang pan un khua ul tuite taak hi. A hanciam nate uh, a thupinate uh, amaute tungah kipia ding hi.

“Dawi gilote in kiim uum in, Zeisu amuh theih loh na dingun a mite uh khuamial in tuam sak uh aa, Pasian muang zolo a aphun zelzul theih nading un makaih uh hi. Tua bang ciangin a suah tak theih nading un, vantung bek etsan a neih ding ahi hi. EW 269.

“Eite in haihkhiat hun a om ih hi hi. Haihkhiat hun in, a ki haihkhia thei lai khempeuh ki haihkhia ding hi. Topa in thumaan thei napi a, akisawl bang amang nuamlo mite maap lo ding hi. Eite in Khris kiang tut ding mite zawh nang na ih sep kei leh, kha lam ah ih thadah man a sem lo ih hihi. Topa gam tawh aki zom mite in thanuam takin kha gup nang nasem ding hi. Amau in nung zuite lakah ahih theih zah un, upadi (thukham) leh ciam tehna ki kop in len sak ding uh hi. 6 T 332 (2TT 547, 548).

HUN NUNUNG ADING KIGIN KHOLHNA

KHAWKPI 4 (HAIH KHIATNA AHIH KEI LEH SINKHIATNA)

A ZO MITE OMZIA HONG GEN

“Amau te in galkap hon bangin a ki tuak in ki hei diamdiam uh hi. A mai puak un, a thuaksiat nate uh lak hi. A haksa hun pal tan uh hi, cih ki mu hi. A omzia un a lungsim sung uh thuak sia hi cih a ki muh tei hangin, tu in vantung mithan’na vaang tawh amai uh taang hi. Amaute in zawhna ngah a, a siangtho nopna leh lungdamna lian pen ngah dingin a ki sam khiate ahi ta uh hi.” EW 571.

“ A hong tungpah ta ding haihkhiatna lianpi ah, Israel hat na zah ih tel theih zaw lai ding hi. Topa hong kilat ding ciangin a khut sungah maizaap tawi aa, abuh phual siangtho takin a zap dingzia hun ciamtehnate hong ki dawk ta hi.

“Buaina lungkhamna ni ding hong nai hanhan ta hi. Satan in vantungmi hoih bangin ki zem in, ahih theih leh ateel sa te teekteek mah zong khem ding hi. Tua hun ciangin Pasiante tam in topate tam ding hi. Upna namcinte teng leng ding hi. Tua hun ciangin “Science a kici khem’nate peuh zahtakpi a aneite makai in om thei lo ding hi. Pilna khawng siamna khawng muan bulpi a neite makai hi theilo ding hi. Amau in khuavak tawh lemtuah lo uh hi. A mau mahmah muanhuai a kisalote tuuhon tawh ki muang khawm zolo ding hi. Hun nunung nasepna lianah, amuanhuai tawm bek kizang ding hi. Mi tampi te in amau leh amau phazo kisa uh a Pasian tuam koih khia uh ahih manin, Pasian in amaute zang thei lo hi. Topa in nasem muanhuai pawl khat nei a, amaute mai ah ze-etna haih khiatna te in amai uh dal lo hi. Baal mai a kunlo mi manpha honkhat om sim gige uh hi. Tua a note ngah, a hongsal khuavak pen amau ngah nai lo uh hi. Ahih hangin ih zawh hetloh hun haksa pi hong om ciang in, tapidaw nuntak maan pen hong taangkhia ding hi. Sun hun in vantung ih et hangin, a om gige napi aksite ih mu kei hi. Mun awng khempeuh adim hi napi ih mit in mu tuam thei lo hi. Zan ciangin en leng amau din’ mun maan ciat ah tang dimdem hi.

“Mi khempeuhte ciat hong ze-et na ding hun sau vei nawnlo ding hi. Sapi ciaptehna eite tungah hong ngen ding uh hi. Leitung nate ah kal khat khit kal khat a kipia toto kholte in; tua anaa ah, sihna, thong kiatna..mai sa, zahkonate a thuak sangin a ki piak lel na ding uh baih lam zaw pah ding hi. Thu kidem nih te pen Pasian thukham leh mite thukham kituh ahi hi. Pawlpi sung pan in khamtak leh ninthel kikhen khia ta ding hi. Pasian thumaan zui tatak te in, a ki mot zep tawm te lak pan, hong ki langkhia ta ding hi. Aksi tang mahmah hi ci aa, ih pahtawi pawlkhatte khuamial sungah pai khia ding uh hi. Sual tungah buh tak kisung hi, ci a ih muh na mun te pan na ngawn in buh site huih in meilom a let bang in mut leeng ding hi. Biak innpi kizepna ciang bek mang a, amah mah Khris thumaan na tawh a ki zem lote, amau guak dinna, maizumna hong ki lang ta ding hi.” 5 T 80,81.

“Hun manpha leh khuavak lianpi nei napi, puah to lo aa, dap koihte, ei kiang pan in pai khia ding uh hi. Thumaan ki-itna sanglote, galpa’ khialkhemna sungah ki hel ding hi. Dawi thu up na leh mi khem sikha hopihna khawngte thupi hong sa ding uh hi. Bawlsiatna taktak hong dawk ciang in thumaan in Tuucing maan aw a thei thei ding hi. Gammang mite gupna dingin ei leh ei kipia in, nakpi nasep hun hong tung dinga, lampialsa mi pawl khat tuu buk ah hong lut kik in tuucing lianpa nung hong zui kik zong om ding hi.

Pasian mite ki kaikhawm in lomh om ding uh a, galte mai sik ding uh hi. Thusia nimnem peuh om ngei zel teng dai in, tungnun’ kituhna khawngte bei in, kua in a lianpen ih hi hiam? ci a ki demna khawngte bei ding hi. Thu um mi maante lak ah, “Kei in Paul mihing, kei in Apolo mihing, kei Kepha mihing” cihte om lo ding hi. Teci pan’na kibangin thukhat bek om ding a, “Kei mah in Khris ah ka belh hi. Kei hong gum Pa sungah ka lungdam hi, ci bek ding uh hi. 6 T 400,401.

PAWLPI PUK LO DING; MAWHNEITE KI NILKHIA BEK DING

“Satan in na lamdangte bawlna tawh mite khem hi. Ama vangliatna a tung nung pen hi ci bang kek in lak ding hi. Pawlpi a puk ding bang ahi ding hi. Ahih hangin puk lo ding hi. Zion pan mawhneite a ki haihkhiat lai tak in, pawlpi pen ding lai a, buhsi te buhtak lak pan in ki zap khia hi. Hih pen a mulkim huai thu hi aa, ahih hangin a tung ding thu a hihi. A kam pan zuau thu kimu lo, mawhna tawh kinin sak lo, Tuuno sisan tawh a ki sawp siang aa, thumaan teci pang, zawhna ngahte bek longal, ki mu lo ding hi.” 2 SM 380.