Cidamna Khawk

ZON OLNA 1. Pastorte Masuan 2. Pai Khiatna 3. Sa Siang leh Sa Sianglo tawh gupna tan ding maw? 4. Lai Siangtho sungah Numei kidawk zawdeuhte 5. Ahoihpen Adventist Education 6. Isaac Watt khiatna 7. Cidamna Khawk 8. Haza Zatdan nam tampi in kizang thei 9. Thu Tuamtuam

Cidamna Khawk

Zun (Urine) ih cih pen i nek i dawn khempeuh pan pumpi ading akisamteng a kihup khit ciangin a kisam nawnlo aval tui, a khum dat, lungno tuamtuam leh a dang dat tuamtuam (electrolytes) cihte a kihel pumpi pan apusuak tui ahi hi.

Zunthakna in:

1.     Pumpi a ding akisamlo ahoihlo teng hong hepkhiat sak hi.

2.     Pumpi ading Electrolytes (Potassium, Sodium, Calcium) akisam zah a tam lo a tawmlo-in hong lep sak hi.

3.     Acid-base homeostsis zong ahoih bekin hong lepsak hi.

4.     Sikhanna (ahkl) sikiamna pan zong hong dal hi.

Tua ahih manin zun a suah hun simin thak pah ding kisam hi.

Pawlkhatte in mawtaw tawh khual gamla a zin ciangin mawtaw khawlsak ngamlo ahi zongin, TV et laitak laklawh salua ahi zongin, zingzun suak napi ihmu nuamlai lua ahi zongin, lokho/ huankho laitak ka ma tun phot ning ci-in, a hang tuamtuam tawh zun ki-iip teta thei hi.

Tua bang zun -iiptetana in pumpi cidamna tampi hong susia

thei hi.

1. Zun-iip zawhloh natna ( Incontinence) hong ngah sak thei hi.

Zun na iip pahpah leh zun hong iip zosak zun kholna (Urinary Bladder) satakte hong thanem thei hi. Hong nem leh zunthak ciangin zong a vekpi-in kitha khin zolo aa zun tawmta kikhol thei hi. Tua in zun suak pahpah sak hi. Kum tam semsem lehang zun-iip zawhna tha hong kiam semsem aa lupna tung zunteh cihdante hong piang thei hi.

2.  Zun kholna leh zunthakna lampi tengah lungno lutsak hi. (Urinary tract infection)

Sawtpi zun-iipna in zun sung aa kihel lungno tuamtuamte, guu a piangsak thei dat tuamtuamte a kikhol tawh kibangin zunkholna leh zunthakna lampi tengha tua lungnote lut thei hi.

Zunthakna lampi damlote' kihil ziate:

1. Zunsip

2.  Zun sa

3. Zun suak pahpah

4. Taii na

5. Luaksuakin luakhia

6. Cisa

Mikhat leh khat zun iip zawh tan kibanglo hi. Zunkholna i aphacia ( a golna, a neuna), tuidawn leh dawnloh, thuakzawhna hat leh hatloh cihbangte tungah zong kinga hi. Ulian khat in zun tui keu nih bang nai 2-6 dong iip zo hi ci hi. Pawlkhat nasep hat (gtn. van guang van suahte) in sun thapai iip zo uh hi ci hi. Zun-iip kisek kha lecin zunkholna leh zun lampi damlo sak thei bek thamlo-in kal sungah suang taang sak thei hi. Adang natna tuamtuamte zong piangsak thei lailai hi.

Agelh: Sianu Vung Hau Lun

Ref: Dr Khin Moe Moe ( Good Health Journal 586). Urinary System (Wikipedia)

Urinary Tract Infection (Wikipedia) Source: Internet

Vol . 2  Conference Thu kizakna         Jul- Sep, 2016