MUC

Print Friendly and PDF

Tuesday, September 20, 2016

OCT.22. 2016



Austria Yuxin


INN BANGIN OMNA MUN KHAT



Yuxin in leitungah piano sinna minthang mahmah Prayer Conservatory, Vienna ah piano sin hi. Yuxin in Sen gam pan hi. Pentecostal pawlpi sungah a om zawh kum 10 sawt khin hi. Ahi zongin ni sagih Sabbath thu thei ngei lo hi.
Ni khat a nu in Lai Siangtho a simna tungtawnin ni sagih Sabbath hong theikhia hi. A nuta-un a zak ngeiloh uh hong za ahih manun lamdangsa mahmah uh hi. Ahi zongin thuman le thuman thei lo uh ahih manin Pasian kiangah thungen uh hi. A sawt lo-in Yuxin in SDA biakinn khat mu kha hi. Hih biakinn ah va kikhawm hi. Pastor tawh zong hong kimu uh hi. Lai Siangtho tawh kisai a theihloh thu tampite pastor tawh hong kikum uh hi. Pastor in zong SDA pawlpi’ thuguilet le upna thute hoih tak hong hilh hi. Ahi zongin Yuxin in pastor’ gen thute thuman takpi mah hi ding hiam cih pen lungmuanna nei thei lo hi. Yuxin in voksa cihte nene lai hi.

Austria hong tun ciangin SDA biakinn khat ah kikhawmin internet tungtawnin pastor tawh Lai Siangtho sinna hong nei hi. Tua hun lai-in Yuxin voksa ne hi. Ahi zongin pastor tawh Lai Siangtho sinna hong neih uh a kipan voksa ne nawn lo hi.

A Tawpna ah tawlnga:

Friday, Saturday cihte ah biakinn ah hong kikhawm hi. Hih kikhopnate nopsa hi. Tawl khat khitteh Yuxin in gamdang mite kikhopna biakinn khat ah hong kikhawm hi. Adventist pawlpi le upna thute hangn Yuxin hih pawlpi ah ki-ap ding hong lunggulh hi. Pasian’ vangliatna in ompihin, voksa ne nawnlo, Saturday ni-in van lei nawn lo hi. Ni kum May kha-in Yuxin in SDA pawlpi ah tuikiphum hi. Yuxin in Sen gamah ciahin Vienna gam a theih thute hawmsawn nuam hi. Yuxin in Vienna ah a om sungin Sen gama a innkuanpihte in Saklam Sengam lamah na lal uh hi. Tua mun ah Adventist thu-um mi om lo hi. Yuxin in a gam ah ciah ding hong vaihawm hi. Adventist thu-puak a thei nailo mite tungah a theih thuman thutakte hawmsawn ding hong vaihawm hi. Pasian in thuman a thei nailote tungah a thuman gen ding hong deih hi, ci-in ngaihsun hi. 

Gamdang sangnaupangte kikhopna

Yuxin in gamdang sangnaupangte kikhopna ah kikhawm hi. Mexico pan Abigail in University of the City of Vienna ah Music le Arts sinin sangkah hi. Abigial zong hih gamdang sangnaupangte kikhopna biakinn ah hong kikhawm a, gam tuamtuam pan hong pai ahih manin, a tuahkhak thute kitheihpih ciat uh hi. Gamdang mi ahih manun khat le khat kihuhin, hih biakinn ah innkuan bangin nuamsa mahmah uh hi. Khrih sungah innkuan khat ahihna uh phawk thei uh hi.

Lorenzo zong Mexico gam panin University of Vienna ah PhD a sin sangnaupang khat hi.Aman zong hih gamdang mite kikhopna mun nuamsa hi. A diakdiakin Sabbath kikhop khitteh anne khawm thei zel uh a, tua pen nuamsa mahmah hi. Taksa an bek le nuntakna an nekhawm ahih manin hih munah kikhop ding pen lunggulh den hi. Sabbath School lesson thusinna, Suun hunpi cihte nuamsa hi.

Yew zong University of Vienna ah post doctoral sinning sangkah hi. Amah pen Ghanna gam pan hong pai hi. Ghana gama a kikhopna biakinnte le hih lai muna a kikhopna biakinn etkak thei zel hi. Ghana gam pan sangnaupang honkhat zong hih University of Vienna ah sangkah ahih manun Yew in inn bangin ngaihsun thei pah hi.

Innkuan Khang

Hih gamdang mite kikhopna ah kum khat khit kum khat mi hong kibehlap den hi. Biakinn gol khat kisam ahih manin Sabbath School leitungbup sumpi in Vienna khuapi ah gamdang sangnaupangte kikhopna biakinn lam nadingin kipuak ding hi.

To get the latest update of me and my works

>> <<