MUC

Print Friendly and PDF

Tuesday, September 20, 2016

OCT.15, 2016



Austria Monika

Khut tawh kigelh Laikhak


Upa khat in German pau tawh thuhilh a, Monica’ pa German pau thei lo ahih manin manlangtakin Mangpau tawh manlangtakin kamletsak hi. Filipino nurse mi nga in tua bangin Monica in a hanciamnate pakta thei
mahmah uh hi. 1970, 1980 kum kimlai-in zato, siamah cihte kicing lo ahih manin Filipino nurse siamah honpi khat nasem dingin Austria gam ah va pai uh hi. Tuate lakah Marietta zong kihel hi. Amah pen Vienna ah nasemin om hi. Phillipine pan a paikhiatma-in a pa in hih hilh hiam cihleh, “Vienna ah Adventist thu-um mi om ding hi,” ci-in hilh ih.. Tua mah bangin Marietta zong Vienna ah hong tung, Sabbath ni tun ciangin hoihtakin kipuahin kikhawm dingin a lawmte tawh SDA biakinn koi ah om hiam ci-in hong zong uh hi. 

Biakinn Zong Kawikawi

Marietta le a lawmte in biakinn zongin lamdung ah hong pai kawikawi uh a, mun khat ah biakinn khat hong mu uh hi. Ahi zongin tua biakinn ah kuamah na om lo hi. Sabbath sialin tua biakinn ah va pai uh hi. Ahi zongin Adventist thu-um mi dan mu lo uh hi. Kum khat tawntung tua bangin om den a, Adventist thu-um mi ding mu lo uh hi. Tua leh Marietta in a pa kiangah, “ Adventist biakinn mu kei ung” ci-in laikhak hi.

Tu hun bangin tua hun lai-in internet cihte om nailo, kithuzakna zakai hi. Marietta’ pa in Austrian Union Office koi ah om hiam ci-in Phillipine SDA zumpi dong hi. Marietta le a lawmte in tua bangin SDA biakinn omna mun hong theikhia uh hi. Tua a kipan Sabbath nisialin lawptakin hong kikhawm uh hi.

Tawl khat khit ciangin Marietta le a lawmte in Monika le a innkuante tawh hong kithei uh uh hi. Thu kigente a theih nadingin Monika in Marietta le a lawmte theih dingin Manglai tawh gelhkhiatsak hi. Philippine le Africa gam panin nasem ding hong tam semsem a, hih mite in German pau thei lo uh ahih manin Mangpau tawh kikhopna khat hong phuankhia uh hi. Mangpau tawh kikhopna ah mi hong tam semsemin, Monica in a laigelh ding hong tam semsem ahih manin a nasep zo zo nawnlo hi.

Mangpau tawh kikhopna mun neu ahih manin German pau tawh kikhopna dingin mun dang khat hong kituah uh a, gamdang tuamtuam pana hong pai mite in Mangpau zang uh ahih manin amau kikhopna dingin biakinn zangsak uh hi.

Mangpau tawh kikhopna biakinn pen 1987 kum bei kuanin kipanin, pawlpi mi 19 tawh kipan hi.A sawt lo-in pawlpi mi 40 bang hong pha hi. Tu-in hih biakinn ah pawlpi mi 153 bang pha khinta hi. Vienna ah nasemte le sangkah sangnaupang tampi kihel uh hi. Gamdang pan Vienna ah nasem a om mi tampi in inn tawh kigamla ahih manun hih biakinn ah hong kikhop tak uh ciangin,  khat le khat kimeltheihna, kikholhnate hangin nuamsa uh hi. Lasa khawm, thusinna nei khawm banah an nekkhopna zong nei zelzel uh hi.

Khantohna le Kipletna

Vienna ah nasem a om gamdang mi tampi in hih Adventist biakinn ah kikhop nuamsa mahmah uh hi. Hih pawlpi ah Felix in pastor sem hi. Biakinn zonzon kul nawnlo-in pastor Felix in internet ah biakinn omna mun pulaak khia hi. A kikhawm nuam peuhpeuh in biakinn koi ah om hiam, ci-in zonzon kul nawnlo-in biakinn omna mun thei thei uh hi.

Monica in hun khat lai-in hih biakinn ah kikhawm hi-in, hih biakinn hong muh kikteh tua hun lai bang nawnlo-in biakinn dimin mi kikhawm a muh ciangin lamdangsa mahmah hi.

Austria gam panin Noble Prize ngah khin mi 20 om hi. Leitung ah gam khat panin Noble Prize a tam pen ngah gam hi.

Porsche motor bawlpa zong Austria gam pan hi. 1875 kumin bawl hi. Tu quarter Sabbath School sumpi in Rakhine gam, Lan-

ma-daw ah sia inn puah nadingin kipuak ding hi. 

To get the latest update of me and my works

>> <<