OCT 1, 2016

Austria Gam pan Ahmad

Ahmad in kum tampi sung lungnopna zong hi. Amasa-in zu, tua khitteh narcotics (guihtheih zatui) tawh nopna a zon hangin lungnopna taktak nei thei lo hi. Zu le guihtheih zatui zang nawn lo ding khensat ahih manin Alcoholics Anonymous
(AA) le Narcotics Anonymous (NA) ah vapai hi. Hih mun panin kikhelna hong ngahin amah bangin zu le khamtheih a zang mite lakah nasem dingin kumpi’ phalna (license ) ngahin na hong sem hi. Ama nasepna tungtawnin zu le guihtheih tawh kidiah mi tampi hong kikhel uh hi.

“Lungnopna ka nei”

Ahmad in laisim nopsa hi. Ni khat a laisimna sungah Lai Siangtho tawh kisai laibu khat sim kha hi. Ahmad in tua bang laibu sim kha ngei lo hi. Ahi zongin tua laibu a sim ni a kipan a lung hong nuam hi. A lawmte kiangah zong a lungnopzia pulaak hi. “ Tua laibu ka sim ciangin ka lungnuam hi,” ci-in pulaak hi. Tua zawh a sawt lo-in a lawmte khat in Lai Siangtho bu hong pia hi. Ahmad in Lai Siangtho a sim a kipan a lung hong nuam zaw semsem hi. Ahmad in a telloh thute a lawmpa dongin, a lawmpa in Lai Siangtho sinna inn khat ah va paipih hi. A Lai Siangtho sinna mun uh pen kuama theih ding deih lo uh hi. Bang hang hiam cihleh tua bangin kithei khia leh kiman dinga, thongkia-in thahna thuak ding uh hi.

Ahmah in bangci hiam cihleh “ ka gam uhah kua mah in biakna khel thei lo hi. Tua bangin biakna a khel peuhpeuh in thahna thuak hi,” ci-in pulaak hi. Ahi zongin tua Lai Siangtho ka muh a kipan Jesuh ka mu a, na nunzia hong kikhel hi. Midangte zong tua thu ka theisak nuam hi.”  

                              “ Eite hong It Pasian”

Ahmad in a khua ah zu le guihtheih a zangte kipuahphatna (AA, NA) ah nasem hi. Tua a nasepna ah Khrih’ thute hilh hi. Ahi zongin Khrih cih min pulaak khia ngam lo hi. “ Eite hong it mahmah Pasian khat om hi. Tua Pasian in a Tapa hong paisak hi” cihdan in hilh hi. Bang hang hiam cihleh direct in Khrih min pulaak leh thugen thei nawn lo ding hi. Tua sunga a gen thute khempeuh a ciamteh om ahih manin a pau khempeuh kidawm mahmah hi.

Ahmad in a gen thu a za mite in midangte kiangah gen sawn dingin deih hi. Lai Siangtho tungtawnin a ngah lungnopna midangte in zong tua bang lungnopna a ngah ding uh deih hi. Ahmad in internet panin thugennate lakhia-in mite hawmsawn hi. Ahi zongin tua bangin a hawmkhiat hangin a simthamin a hawm hi-in kumpi in thei leh mat thuak ding hi.

“ Hih Pawlpi ka mu hi”

Ni khat Ahmah in lawm Hamid kiang panin SDA pawlpi thu hong thei kha hi. Hamid pen tu-in Austria gam ah om hi. Hih pawlpi in zu le khamtheih tuamtuam cihte zang lo hi, cih hong theih a kipan hih pawlpi ah lut ding hong khensat hi. Suakta takin Khristian biakna zui thei lo ahih manin Hamid in Austria gam ah om ahi hi. “ Amah bangin na upna hangin gambel mi khat hi leh, na lungkham mahmah lo ding hiam? Ahmah in Hamid tawh kizopna kum khat val bang a neih khitteh SDA pawlpi sung nopna thu tampi hong thei khia hi.

Lauhuai-na taisan

Ahmad in a simthamin kikhawm uh hi. Ni khat a Khritian lawmte khat kimu nawn lo hi. Kumpi in Ahmad’ lawmpa in Khristian biakna zui a theih tak ciangin thongkhum ahihlam hong thei hi. 

Ahmad in zi nei-in a zi zong naupaai laitak hi-in, tua bangin om suak le-uh amau aa ding lauhuai dinmun hong tung hi. Tua hi-in a gam panin mundangah hong taikhia uh a, Austria gam hong tung uh hi. Austria gam hong tun uhteh a kizoppih Hamid kiang hong tung uh hi.

Nopna Ngah

Hamid tawh hong kimuh ni mahun SDA biakinn ah hong pai pah uh hi. Hih biakinn panin lungnopna ngah ding hi uhteh ci-in Ahmid le a zi in lungnop ngah takpi uh hi. “ Ngah kik ding khat peuh lametna tawh mi huh hi lo-in Jesuh Khrih a itna uh hangin mi huh nuamsa mah mah hi. Ahmid le a zi in Adventist pawlpi ah ki-ap uh hi. Tu-in Austria ah Pasian’ na sem uh hi.

Austria gam khuapi in Vienna hi. Hih gamah mual tampi om hi. Danube gun in Austria gam a gun sau penpen hi. German pau kilim zat mahmah hi. Hungarian, Croatian, Serbian, Bosnian, Turkish, Polish cihte zong tawmtawm kizang hi.

Tu quarter Sabbath School sumpi in Rakhine gam, Lan-ma-daw ah om sia inn puah nadingin kipuak ding hi.