MUC

Print Friendly and PDF

Tuesday, September 20, 2016

NOV.12, 2016


Nasem Taktak Mite
 by Giorgio

Giorgio in kimlepam sung mite aa dingin pawlpi nasepna ah kihel dingin khensat hi. Amah pen Ragusa khua, Sicily tuikulh ah Carmela Cascone tawh ADRA ah nasemkhawm hi. Cimawh a genthei mite kiangah an le puansilhte hawm kawikawi hi. Tua banah Italy pau a thei lo gamdangte Italy pau hilh hi.

Mite tawh nasemkhawm:

Tua bangin a nasep uh tawh lungkim lo-in nasep dang zong sem dingin hong khensat hi. Khua sung upate tawh kimu-in khua sung phattuam nading hong geel khawm uh hi. Khua sung makaite tungah ADRA nasepte pulaak uh hi. Khua sung makaite in ADRA nasep hoihte a theih tak uh ciangin muanna hong nei uh ahih manin 2014 kum a kipan Food Bank Foundation ci-in nek tasam mite aa ding a vai hawm dingin khua sung makaite in vaihawmsak uh hi. Hih mun panin a kisam bangbang a cimawhte huh uh hi. A mun pen tu laitak a biakinn nuai mun khawng khat zang phot uh hi.


Cimawh huh kipawlna tuamtuamte tawh zong kipawl khawmin nasemkhawm uh hi. Ahi zongin nek theih hawmkhiat  pen ADRA phalna lo-in kuamah kihawmkhiasak lo hi. Hih Sicily khuapi ah a teng mi a tamzaw pen Catholic thu-um mi hi. Ahi zongin cimawh huhna tawh kisai-kumpi phalna tawh nasem ADRA in a makaipi pen hong suak hi. Thu kikupna khat peuh ah ADRA in makai hi. SDA hi lo mi tampi in hih nasepna hong kihel uh hi.

Nuntak Kikhel

Ragusa khua-a om nuntak kikhel mi tampite lakah Joseph zong kihel hi. Nasep ding nei lo ahih manin khua makaite tungah nasep ngen ding geelna nei hi. Lungkia mahmahin a om laitakin Adventist biakinn ah vapai dingin sawlna khat ngah hi. Amah zong hih mun a tungteh hoihtakin na kihopih a, huhna ngah bek hi lo-in, ama sep theih bang a om leh ci-in nasep ding ngen hi. Tua leh ADRA makaite in zong amau tawh nasem khawm dingin zasak uh hi. Joseph in ADRA ah kum khat sung bang nasem hi.

Hih tengah na a sep a kipan Joseph nunzia kikhel hi. Ama kitangsap ngaihsun nawnlo-in midangte kitangsap bek hong ngaihsunta hi. Midangte bek thamlo-in a zi, a tate zong hong donzaw hi.

Munneu khat

Giorgia in ADRA ah a nasep kawmin inn khat lam hi. Tua inn ah khutsiamna tuamtuam kisinna, Italy pau kisinna dingin zang hi. Traing a man khitteh pahtawina laidal cihte zong pia uh hi. Hih training a mankhitsa a tamzawte in SDA pawlpi sungah hong lut uh hi. Kha khat khit kha khat mi kibehlap den ahih manin tu-in tua inn pen hong neuta hi. Tua hi-in tu quarter Sabbath 13 sumpi in Ragusa khua-a nasepna dingin kizang ding hi.

MUC in Rakhine gam Lan-ma-daw ah sia inn puah ding hi.

To get the latest update of me and my works

>> <<