MUC

Print Friendly and PDF

Tuesday, September 20, 2016

NOV. 5, 2016



Sicily Gam pan Kenan

NASEP DING GEELNA KHAT

Jesuh hong suahma kum 200 hun lai-in Archimedes in Sicily tuikulh ah suak hi. Hih Greek mipil pa in maths, physics, engineer, na tuamtuam bawl, aksi, ni a kipan vantung nate thu a thei mahmah mipil khat hi. Archimedes khit kum 300 teh Kenan min nei sangnaupang khat hong khang hi.
Kennan in University of Catania sangpi ah physics sinin, tua a sangkahna panin Lai Siangtho sunga kigelh ni, kha, aksi thute hong sim kha hi (Pian. 15:5). Kenan in aksi’ thu thei nuam mahmah ahih manin a kankhiat thute in a lungsim sukha mahmah hi. Bang hang hiam cihleh aksi in Pasian vangliatna, minthanna kilangsak hi, ci-in um hi.

Kenan in 1434 kumin kiphuan University of Catania sangpi ah vantung ni, kha, aksi thu sin hi. Aksi thu banah, maths, chemistry, biology cih thute zong Lai Siangtho sungah a vekin a om lam hong theih takteh, Lai Siangtho hong kan nuam zaw semsem hi. Lai Siangtho in Pasian pilna pulaak ahihlam hong mu pha semsem hi.


Kenan in a sangkahna ah pil mahmah ahih manin Italy gam ah Maths tawh kisai Olympiad kidemna ah kihel dingin teelna hong ngah hi. Hih kidemna ah na tuamtuam kidemna zong kihel hi. Khat vei a kidem ding ni uh pen Saturday ni hong hi mawk hi. SDA thuman zui khangno khat ahih manin Sabbath ni-in kidemna ah kihel lo dingin khensatna hong nei hi. Thunget khitteh Olympiad makaite kiangah va pai-in Saturday ni lo, ni dang ah a liah nadingin va ngen hi. Olympiad a om a kipan tua bangin kidem ni khiin ding a ngen Kenan bek hi pan hi. Kuamah in tua bangin ni khiin ding ngen lo hi. Leitung gam tuamtuam pan professor mipil tampi kikaihkhopna ahih manin makaite in Kenan hopih uh a, makaite in Kenan pen SDA thu-um mi khat ahihlam hong thei uh hi.

Tua makai ulianpite in bang hang in Saturday ni tawlnga hiam cih thei nuam uh ahih manin Kenan hong dong uh hi. “ Pasian in ni guk sungin na khempeuh piangsak a, ahi zongina ni sagih ni-in bang mah sem nawn lo-in a nasepna panin tawlnga hi,” ci-in Kenan dawngkik hi (Pian. 2: 2, 3). Tua leh makaite in “ bang hangin piansakna thu um na hiam? ci-in Kenan hong dong uh hi. Khangno khat ahih hangin uliante dotna hoih tak dawng kik theih ahih manin lamdangsa mah mah uh hi.

“Kimlepaam nate en lehang nate in amau le amau thu-in a hong piangthawm thei ahih lohzia pulaak hi. Hoihtak geelna tawh nate kipiangsak hi, cih pen nate tung panin kimu thei hi. Tua bangin Kenan in a gen ciangin Olympiad makaite in lamdangsa mahmah uh hi. Tua bang thu za ngei lo uh hi. Tua hi-in kidem ni ding Saturday ni panin Friday ni-ah khiinsak uh hi. Tua kidemna ah Kenan in a gukna ngah hi. University sangpi ah sangkahna dingin huhna zong kipia hi.

Tu-in a sangkahna Univerisity of Catania ah Kenan in teci muanhuai-in nungta hi. 2016 kum masa lai-in sangsiapite tawh thu kikhupna ah black hole panin nate hong piang hi lo-in, Piangsak Pasian in Ama pilna tawh hoihtak geelin na khempeuh piangsak hi, ci-in pulaak hi. A siapi pawl khat in hisa mahmah, pawl khat in zahpih uh hi. Ahi zongin Kenan in phamawhsa lo hi.

Austria gam ah kum 500 a val khin university sanglianpi 13 bang om hi. Austrian mite pil thei mahmah uh a, leitungah nai bawl, barometer, thermometer, mit limlang cihte amau bawlsa vive hi.

Tu quarter Sabbath School sumpi Rakhine gam, Lan-ma-daw khua ah sia inn puah nadingin kipuak ding hi.



To get the latest update of me and my works

>> <<