MUC

Print Friendly and PDF

Tuesday, September 20, 2016

NOV. 19, 2016




SHAMAN” TAPA
Muyi

Muyi in Italy gam panin khangkhia hi. Amah pen aisan le bumleh thei innkuan sung pan khangkhia hi. Shaman cih min pen bumleh thei le aisan theite kilawhna min hi. Dawite zong tawh kiho thei uh hi. Ahi zongin Muyi in tua bangte lunglut lo hi. Muyi’ pa in zi thum nei hi. A zi thumna a lak ciangin a zi masa taikhia hi. Tua a kipan Muyi in a muhloh lawh kum 11 bang val khin hi.

Muyi in a inn ah nuamsa lo hi.
Innkuan sung khat le khat kitawng kiselna tawh kidim den hi. Khua sung mun khat ah giak hi. Nitak khat Muyi in pastor khat tawh hong kimu kha uh hi. Pastor in hih teng ah bang semna hiam, ci-in dong hi. Muyi in a innkuan sung thu, nop a sakloh khempeuh pulaak hi. Pastor in hehpih ahih manin biakinn ah kikhawm dingin zawn hi. Jesuh Khrih thute zong hilh hi. Muyi in zong pastor’sapna mangin biakinn ah hong kikhawm hi. Pawlpi choir sakna ah zong hong kihel hi. A sawt lo-in Muyi in Jesuh Khrih Honpa le Topa in sang thei hi.


A pa in migilote omna ah a om hangin heh lo napi, a tapa tui a kiphum ciangin heh cihtakin hehmawk hi. Dawi biakna zui innkuan panin Khristian suak cih pen Muyi in hamsatna tampi thuak kha hi.

Muyi in Giory tawh kiteng uh hi. Muyi in a pa kiang pan a taikhiat hangin a Christian upna taisanin dawibiakna mah a zuih ding kisawl den hi. Bang bang ahih hangin Muyi in a Christian biakna nusiat sawm lo hi. A sawt lo khatteh Muyi pa in sihsan hi. Muyi le a zi in a nasepna Libya lamah va om uh hi. Tua khua ah tawl khat nasem uh a, ta khat a neih khit uhteh Italy ah hong pai uh hi. Italy a tun zawh uh a sawt lo-in ta nei kik uh hi. Muyi in let-ta-ma nasep semin inn sung van zat tuamtuam bawl hi. A nasepna kikhak ahih manin nasep ding nei lo-in hong om uh hi.

Ni khat a tate sangkahna-a sia khat in Muyi tawh hong kimu-in Muyi kiangah bang gen hiam cihleh “training kahtheihna mun khat om hi. Italy pau zong kisin thei hi. Tua ah training man leh nasep ngah ding baihzaw ding hi,” ci-in va hilh hi. Muyi zong tua training ah kah dingin hong khensat pah hi. Italy pau, khutsiamna tuamtuamte hong sin thei hi. Muyi in hih training mun nuamsa mahmah hi. Khat le khat sanggam tanau bangin kingaihsun uh hi.

Tu quarter Sabbath School 13 sumpi in Ragusa khua a om training nasepna ah kipuak ding hi. Kawl SDA conference in Rakhine gam, Lan-ma-daw khua ah sia inn puah nadingin kipuak ding hi.

To get the latest update of me and my works

>> <<