MUC

Print Friendly and PDF

Saturday, September 10, 2016

MAINGAL TAK A THU KIPIA KI-ITNA

HUN NUNG A DING KI GIN KHOLHNA
KHAWKPI 1 (PAWL PI SUNG KIPUAH PHATNA)
MAINGAL TAK A THU KIPIA KI-ITNA

“Loadecea pawlpi a vantung mi kianga agelh na ah: Hih nate agen AMEN ahi, amaan teci pang muanhuaipa, Pasian bawlsate lakah akipatna pa in, na nasepte ka thei hi, nang mah in vot lo sa lah sa lo na hihi. Sa na hi zong, vot na hi zongin hi ding, kong deih hi” ci hi. Mang 3:14,15.
“Loadecea tung a thupiak in, akipat phet in mawhsakna tawh hi pah a, tu hun a, Pasian mite omzia tawh kibulh thei lian hi” 3 T. 252.

Thupuak piakhiapa pen, eite gumpa leh lawm hoih pen ahi Khris logal midang ding omlo hi. Amah pen thumaan in muanhuai hi. Amah in hong it hi. Ahih hang in hong mot-pahtawi lo hi. Gupna ih ngah ding hong deih sak zawkna hi. Eite hong it luatna tawh hong hilh hi. Teltak tangtak in a thu om bang hong gen in, ahih hang in hehpihna hong lak hi.
Amah in na nasep ka thei hi, hong ci hi. Ei leh ei ih ki theihna sangin ahong tel thei zaw pa in, mihing lungsim pen zuan thei ahih na muh hi. Jer. 17:9. A diakdiak in Laodecea tunga thupiak na ah, kizuau thei ngel ahih na, telgen vet ding kisam sa ahih na dawk hi. Tua ahih ciangin Pasian in eite hong tel theiha, ih pianzia tawh kizui in la phuakpa in “Ka lungsim zong hong khia inla, Pasian aw, gitlohna ka neih leh nuntak tawntungna lam ah hong hei sak in” na ci hi. Ps. 139:23,24.
Hih thupuak omzia in mimal kim kawk hi. A muanhuai teci pangpa in mimal tungah gen hi. Amite in dawng uh a, a zuih uh leh, alompi un thamanh sang ding hi.
“NA LUM LEL HI”
Ih lungsim a thei Pa in bang hong ci hiam? Nang mah in sa lah sa lo, vot lah vot lo na hi hi. Sa ahi zong in vot ahi zong in na hi ding ka deih hi. Tua hi lo a, lum lel na hih man in ka kam pan kong siakhia ding hi” ci hi. Mang. 3:15,16.
Pawlpi akiphuh tung lai in hong kipia thupi mah mah kammal khat om hi.
Loadecea thupuak pen, tulai thumaan asang Pasian mite acihna hi. Ih pawlpi mi a tam zaw in hanciam na om lo in lum lel uh hi. Lum lel cih din’ mun pen amaute omzia gen na hi. Thumaan deih uh a, ahih hang in tapidaw te ki-ap na ding ngei zah in sa zolo uh hi. Thu um lo mite lauhuaina tai san uh a, kipum ap ngam lo hi. A thu upna thubulphuh te bang un zui nuam lo in, leitung deihnate sisak nuam nai lo uh hi. Pasian nasepna ah alungsim bup uh pia nuam nai lo uh a, leitung a din’ mun te uh nusiat a kul ciang in a khenglah lai uh hi. A lungsim sung uh ah hehpihna thupha kisam lai zek hi.” 4 T. 87, 88. 1 TT. 476, 477.
Tampi mah in Pasian tungah lungdam uh hi. Bang hang hiam cih leh tua a lum lel sungah kihel lo ding in Khasiangtho in amaute sungah sepsak hi. Ahih hangin thumaan ka um hi, a ci lum lel te pawl mah tawh Laodecea aa ding khawm uh hi mawk a, khat guak in lungkham mana puah zawh hi lo hi.


To get the latest update of me and my works

>> <<