MUC

Print Friendly and PDF

Sunday, September 18, 2016

LESSON 3 OCTOBER 8 – 14 A MAWKNA-IN JOB IN PASIAN KIHTA HIAM?



SABBATH NITAK


TU KAAL SUNG SIM DING: Job 1, 2; 1Kor. 4:9; Pian. 3: 1-8; Phil. 4: 11 – 13; 2: 5 -8; Matt. 4: 1 -11.


KAMNGAH: “ Amah in, “ Numei hai khat bangin lah na pau a; Pasian tung panin a hoih sang hi lo i hiam? Gimna zong i san ding mah hi lo hiam?” ci-in a dawng hi. Hihte

khempeuh ah a kam paunate panin Job a mawh kei hi (Job 2: 10). Job in thuman tawh kisai thu khempeuh pulaak hi. Khrih le Satan kido-na hong lak hi. Tua thu in i omna leitung, i tuahkhak

thute hong theitelsak hi. Ahi zongin Job Lai Siangtho in Job’ thu bek hi leh ei tawh bang mah kisai lo ding hi. Ahi zongin tua bang hi lo hi. “Vantungte le tuate sungah a teng mi khempeuh aw, lungdam un! Ahi zongin vantung panin Dawimangpa hong kilawnkhia suk a, hun tomno bek a neilai ahihlam thei ahih manin leitung le tui tungah a omte a’dingin lauhuai mahmah ding hi,” hong ci hi (Mang. 12: 12).


Satan in leitungah hong tuaksukin ama hehna lian mahmah hi, cih i tuakkha hi. Satan’ hehna a thuak kha lo mihing kua om ding hiam? Tu kaal sungin Job 1-2 sung i en ding a, Kidona Lianpi sungah koi bangin nungta i hiam cih i kikum ding hi.


SUNDAY OCTOBER 9

PASIAN’SILA, JOB

Job 1 sung sim in.Satan in Job a mawhsakna ngaihsun in. Satan in bang pulaak hiam? Bang a deihna hiam? A tawpna ah Satan in kua a langpan hi gige hiam?

__________________________________________________________

_____________________________________________________________________

“Amah le a innkuan, a neihsa khempeuh na hutna-in a kimkotah daai khan hi lo na hiam? Ama hihna khempeuhah thupha na pia a, genzawh lohin ama neihsa pung hi” (Job 1: 10). Job Lai Siangtho kipatna ah Job in a thuman mi, mi hoih khat hi, ci-in a pulaak banah neihlelam tampi nei mipa hi, ci-in kigelh hi. Hih thute hangin Job in nisuahna lam ah “ amah sangin a lian zaw kuamah om lo hi” ci-in kiciamteh hi (Job 1: 3). Hih bang thute in Satan in Pasian maitang kawkin “Job thupha pia na hih manin nang mah hong zahtak hi,” ci-in mawhsakna pulaak hi.

Hih in bang pulaak hiam cihleh Pasian in a piak thuphate la kik leh, Job in Pasian taisanin samsia ding hi, a ci nuam hi gige hi (Job 1: 11). A taktakin Satan in Pasian mahmah langpang hi gige hi. Kido-na Lianpi i cih in hih thu mah ahi hi. Pasian in hoihna, vangliatna tawh kidim ahih manin Job in itna le zahtakna tawh Pasian bia hi, cih kimu thei hi.
Eite aa ding na hoih a sem Pa Pasian kua in it lo-in om ding hiam?

“Pasian in kicinna khempeuh nei hi. Ahi zongin Ama tungah a thuman zawhna dingin Pasian in golhguk bangin Job thupha pia hi,” ci-in mawhsak hi. Tua hi-in “Job in itna hang hi lo, launa le ama hamphatna ding bekin
Pasian bia hi,” ci-in Satan in pulaak hi.

Gam aa ding nasem mi hoih pawl khat om hi. Amau hoihna hangin a nuai-a om nasemte in amau tungah a thuman a cihtak manun nuntakna beilawh nasem om hi. I Topa Pasian in hoihna, hehpihna nei ahih leh Job neihsa khempeuh a bei zongin Job in a Topa mah bia veve ding hi. Ahi zongin Satan in tua bangin Job neihsa khempeuh beimang leh Job in a Topa tungah citak nawn lo ding hi, ci-in mawhsak hi. Satan’ pulaak thu in Job in hamphatna a ngah laisiah Topa bia ding hi, cih thu ahi hi.

Bang hangin Pasian bia na hiam? Na biakpiakna in a kicing hiam? A kicin dong ngak lecin bang piang thei ding a, na upna bang suak thei ding hiam?

MONDAY OCTOBER 10

THUKKIKNA: KIDO KIZOMLAI

Job 2: 1- 3 in Job 1: 6-8 sunga thute mah pulaak kik hi. Ahi zongin a kilamdanna khat Job 2:3 nunung lamah kimu thei hi. Bang kipulaak hiam cihleh Job tungah bang bang gimna a tun hangin Job in Topa tungah a cihtakna thu, Topa mahmah in pulaak hi. Tua hi-in Job

2:3 ah Satan mawhsakna khempeuh thuman lo ahihlam kidawk hi. Job in Pasian tungah citakin, Satan pulaak bangin Job in gimna a tuah manin Pasian hamsiat lo hi.

Job 2 sung sim in. Bang thupiang hiam? Tua banah Job 1,

2 sungah “ Pasian’ tate “ in kua hi ding hiam? Satan le Pasian kihona ah a theihpih kuate hi ding hiam?

_______________________________________________________________________

________________________________________________________________________

Job’ innkuan sungah siatna khat piang hi leh Job in koi-ah kingah cih kilang pah hi. A pumpi tungah meima tum dimin, gimin genthei mahmahta se leh Job in Pasian langpan lo hi. Job in thu ompi-in a mawk thuak hi lo hi. Vantungah Pasian le Satan kido hi. Vantungmi khempeuh mai-ah Satan in Pasian mawhsak hi. Piansak na khempeuh mai-ah hih

Kidona Lianpi kilang hi (1Kor. 4:9; Dan. 7:10; Mang. 12: 7 –9). Tatkhiatna in mihingte tatkhiatna sangin thuk zaw, zai zaw hi.

Khrih in leitung mite hotkhiatna ding bekin leitungah hong pai hi lo hi. Mi khempeuh in Pasian’ thukham a zahtak dingun kilawm bangin a zahtak nading ciang beka Khrih hong pai hi lo hi. Ahi zongin leitung le vantunga om khempeuh in Pasian’ zia le tong a theihtel nadingin Khrih in leitungah hong pai hi. Mihingte in vantung gam tuntheihna ding beka Khrih hong si hi lo hi. Pa le Tapa in Satan tungah a bawlzia uh thuman mah hi, cih na khempeuh in a muh teltheih nadingun Khrih hong si ahi hi. Khrih sihna in Pasian’ thukham kikhel ngei lo, mawhna le mawhna omzia kilangsak hi.” Ellen G. White Patriachs and Prophes, 68, 69..

TUESDAY        OCTOBER 11

TOPA IN THUPHA NGAHTA HEN

Satan in Job a bawlsiat khitteh koi bangin Job in a phukkhak gimnate nawktan hiam? (Job 1: 20 – 22). Tua bangin gimna a thuak laitak nangawnin khial kha lo-in, Pasian a mawhsak hetlohna in bang zahin thupi hiam? Pasian in itna siksanin na khempeuh uk ahih manin deihtel theihna hong pia hi. Pasian itin i biak ding hong deih hi. Amah a bia nuam lo mi khat in a a bia dingin thatang tawh kuamah sawl lo hi. Job in a thupha ngahte hang bekin Pasian bia hi, ci-in Satan in Job ko gawp hi. Satan in Biakna man in itna pan hong kipan hi, cih pen nial hi.

Pasian a bia taktakte in Pasian zia le tong hangin nuam uh ahih manin Pasian bia uh hi. Vangliatna tawh kidim ahih manin Pasian bia hi lo-in

Pasian vabiak pen thuman hi, ci-in bia uh hi; thupha ngah ahih manun

Pasian a it hi lo-in, Pasian pen it taakcing, phat taakcing, muan taakcing ahih manin it uh hi zaw hi. The SDA Bible Commentary, vol.3. 500.

Satan in Job a mawhsakna khempeuh a manlohzia Job in dawngkik hi. Ahi zongin Pasian in a piang ding khempeuh theikhol mah taleh Job in Pasian langpan nuam hi leh langpan thei, khial thei hi.

Pasian ko gawm nuam leh ko gawp thei hi. Pasian in Ama deihna tawh kituak lo khat sem dingin Job sawl lo hi. Bang bangin gimna thuak taleh Pasian tungah a cihtakzia vantungmi khempeuhte mai le mi khempeuh aa dingin teci hoih khat hong suak hi.

Job 1 sunga thupiangte le Pian. 3: 1-8 sunga thute enkak in. Koi bangin mawhna a siatzia pulaak hiam?

__________________________________________________________

________________________________________________________________________

Mawhna nei lo a nuam mahmah muna teng Adam le Eve in mawhna tawh kidim uh hi. Bang hang hiam cihleh Satan in amaute do hi. Job ahih leh Satan in do-in, siatna, gimna, natna khempeuh tawh kidim taleh Topa tungah cihtak hi. Hih thunihte in mihing in khensatna, deihtel theihna a neihzia hong hilh hi.

Paulap nei-in ze-etna i zuih ziauziau zia cihte in mawhna lianpi ahih lam koi bangin a thuak gimnate tungah Job lungsim puak inhong hilh hiam?

WEDNESDAY  OCTOBER 12

JOB’ZI

Job simloh gim thuak pen a zi hi. Job 2: 9, 10 ah Job’ zi kampau kimu thei a, hih mun simloh ama thu kigenna kidawk nawn lo hi. Ama thu tam hong kihilh lo hi. Bang bang hi taleh a pasal thuakna le innkuan sung thupiangte ngaihsun lehang Job khitah a gim ding pen a zi hi.

Bang zahin gim ding hiam? A tate, a neihsa teng uh bei mang hi (Job 1).

Hih gimnate mi khempeuh tungah hong tung hi. Kuamah a suakta thei om lo hi. Kidona Lianpi sungah mimal khat ciat phutkhak thu hi.

Job 2: 3 le Job 2:9 enkak in. Pasian’ zat kammalte le Job’ zi zat kammalte a kibang na mu hiam? Tua kammalte a zat zia-in bang thupitna nei hiam?

_________________________________________________________

___________________________________________________________________________

Pasian hi taleh Job’ zi in hi taleh Job in Pasian tungah citakin a thumanna kammalte kimu thei hi. Citak kammal in ‘pau bang lo’cih tawh a khiatna kibang hi (Job 1:1, 8). “Kicing,” “ a kisang om lo” cih pulaak hi. Job’ zi in Pasian in a pahtak mahmah a pasal a to mawk dingin migilo khat hong suak hi. A dah a kah, a gim a tawlnate hangin Job in Pasian langpan dingin a zi in sawl mawk hi. Job’ zi tungah thukhen i hi kei a, midang a puuksak i hih khak ding kidop huai zia hong hilh hi (Luke 17: 2).

Job 2: 10; Phi. 4: 11 - 13 sim in. Job in a vanglian mahmah teci bang pulaak hiam?

___________________________________________________________

_______________________________________________________________________

Job in a upna a manzia kilangsak hi. Tuahpha taleh, tuahsia taleh Pasian mah bia tawntung dingin khensat hi. Bang zahin thupi hiam? Job in tua bangin Pasian a taisan hetloh manin, Lai Siangtho in a pulaak loh hangin Satan in bang zahin lungkia ding cih kingaihsun thei hi. A tawpna ah Satan in Adam le Eve-te nupa zong ka zawhsa hi, ci-in lungkia sak ding hi. Satan in “i sanggamte a mawhsak tawntung hi (Mang. 12:10).

Koi bangin nopsak hun hi ta leh hamsat hun hi taleh Topa tungah citak ding i hiam?

THURSDAY OCTOBER 13

SIH DONGIN THUMANG

Job 1: 22 sim in. A sepna khempeuh ah Job khial lo-in Pasian zong mawhsak lo hi (Job 1: 22). Job in “a kampau nangawngin khial lo hi (Job 2: 10). Langpanna thuak mah taleh Topa tungah citak hi. Job in a kampau, gamtatin khial lo hi. Ahi zongin Job in mawhnei lo hi lo hi. Lai Siangtho in zong mawhnei lo hi, ci lo hi. Bang hang hiam cihleh mi khempeuh mawhnei mi hi. “Pasian in a mawh hi, hong ci ahih manin eite in ka mawh ngei kei hi, i cihleh Pasian pen zuaugen a suaksak ihi a, i sungah ama thu a om hetlo ahi hi” (1John 1:10). “Paubanna nei lo,” “thuman” “ Pasian kihta-in gitlohna pel” cihte in mawhnei lo mi hong hisak lo hi. Mi dangte mah bangin Job zong mawhna sungah a suak hi-in Honpa kisam hi.

Bang bang a thuak zongin Job in Topa tungah cihtak hi. Lamkhat panin Job’ cihtakna in Jesuh’ mawhneihlohna limcing hi. Jesuh in ze-etna, gimna thuakta leh mawhlo, khial lo-in, Satan in Pasian a mawhsakna khempeuh thuman thutak tawh langdo hi. Job sangin Jesuh in vanglian zaw-in, thuman zaw-in, dik zaw mah hi. Bang bang hita leh a nihun Topa Pasian tungah khial lo uh hi.

Matt. 4: 1 -11 sim in. Koi bangin Job’ thuakna tawh kibang thuakna pulaak hiam?

_____________________________________________________

_______________________________________________________________________

A kim a paam lauhuai mahmahin a pumpi zong zawngkhal, anduh, danngtaakin a om laitakin a mihing hihna tawh a nungta Khrih in mawhnei bangin gimna thuak hi (Rom 8: 3). Job in citak thuman a om manin Satan in taisan hi. Jesuh in ze-etna a nanzawh khitteh Satan in zong taisan hi ( Matt. 4: 11; James 4:7). Ahi zongin Jesuh in gam sungah ze-etna a thuak in a kipatna hi pan hi. Ze-etna taktak singlamteh tungah thuakin, Job thuakna sangin lianzaw ze-etna a tuah hangin a sih dongin Jesuh in thuman ah citak hi.

Phil. 2: 5 -8 sim in. “A sih dongin thumang” cih thu in eite aa dingin lametna bang hong guan hiam? Ama thu i manzia ding bang hong hilh hiam?

FRIDAY OCTOBER 14       
NGAIHSUTBEH DING:

Lai Siangtho thuthuk kante in Lai Siangtho sunga kammal pawl khat kizatzia pulaak uh hi. Job’ zi in a pasal kiangah “na Pasian samsia inla si in” (Job 2:9) ci hi. A tate in a lungsim ah Pasian samsia kha leh ci-in biakna pia hi (Job 1:5). “Tu-in a neihsa khempeuh lak kik lecin na maitang ah nang hong samsia ding hi” (Job 1: 11). Samsia cih kammal in ‘thupha’ ‘ minphat’ cih kammal panin kiletkhia hi zaw hi. A kammal zat bulpi Pian. 1: 22 sunga Pasian in a bawlsa na khempeuh thupha pia hi, cih tawh kibang hi. David in zong tua kammal mah zang hi: ‘No mihingte aw i Topa Pasian phat un” (Late 66: 8).

Tua ahih leh bang hangin ‘thupha’ cih kammal a kiletkhiat ciangin ‘samsia’ cih kammal kizang hi ding hiam? A masa penin ‘thupha’ ci-in kigelh hi leh khiatna nei lo hi: a tate in a lungsim ah Pasian thupha pia kha leh ci-in nisimin Job in biakna pia kici leh, khiatna a nei diam? (Job 1:5). Tua bang mahin Satan in Job kiangah “tuahsia na hihteh Pasian min phat in” ci hi leh Satan deihna ahi diam? A thupai zia ah thupha ci-in gelh ding sangin samsia cih kammal hi zaw leh, kitel zaw ding cihna-in thupha ci lo-in samsia ci-in kigelh ahi hi. Job’ zi in a pasal kiangah Pasian min phat in ci-in sawl hi leh Job in mihaite pau bangin na pau hi, ci-in tai lo ding hi. ‘

Bang hangin Job laigelhpa in ‘samsia’ cih kammal zang lo hi ding hiam? Mipil pawl khat in a kilawmlo thu khat kammal dang khat zangin pulaakna hi ding hi, ci-in ngaihsun uh hi. Pasian samsia cih pen thu hoih lo hi. 1Kum. 21: 10, 13 ah zong ‘samsia’ cih kammal in a minphat, thupha pia cih kammal tangin kizang hi. Moses in zong a mite thupha pia hi, cih kammalte in a taktakin samsia cih kammal tangin kizang ahi hi.

KIKUP DING DOTNATE:

1.     Hamsat hunteh bang hangin Pasian om takpi mah hiam, ahih kei leh, Pasian in a bangci Pasian hiam? ci-in kidong kha thei pahpah hiam? Siatna tawh kidim leitungah hamsatna thuak mah taleng, Kidona Lianpi om takpi mah taleh, bang hangin Singlamteh mitsuan tawntung ding kisam hiam?

A thuak gimna a hang Job in a theih loh hangin tu-in en i thei hi. Ama theih pen a thuak gimna hi. Tua gimnate khena om thute phawk kha lo hi. Bang bang gimna, hamsatna i tuak zongin tua gimnate khen ah a om thute i tel ding thupi hi lo hiam? I thuak gimnate i tel khin zo kei zongin tua gimna gal ah thuman khat om hi, cih thu in koi bangin hong lungmuangsak hiam? 

To get the latest update of me and my works

>> <<