SABBATH
NITAK
TU
KAAL SUNG SIM DING: Job 1: 1 – 12; Zech. 3: 2; Matt. 4: 1; Ezek.
28: 12 – 16; Rom. 3: 26; Heb. 2: 14.
KAMNGAH:
“Topa’
vantungmi in Satan kiangah, “Satan aw, Topa in nang hong mawksak hi.
Jerusalem a it Topa in nang hong mawhsak hi. Hih Joshua pen meikhuk sung panin
a kiteenkhia
sungkhuah
tawh kibang hi,” a ci hi. Zechariah 3:2.
Lai Siangtho Lui pan Thuciam Thak mai khat khit mai khat,
a kipatna pan a tawp dong Satan le Pasian, Kidona Lianpi, a sia le a pha, mimal
tunga hi taleh leitungbup a huamna tawh kisai thu vive hi. Lai
Siangtho
mun khat bek ii pulaak thu sangin mun khat le mun khat enkak zaw lehang Lai
Siangtho buppi deihna kitel muh zaw hi ( The Handbook of Seventh-day Adventist
Theology, 969).
Kidona Lianpi in Lai Siangtho buppi’ deihna, a tuam
vilvel in tatkhiatna thu hong theitelsak hi. Lai Siangtho Thak sungah a kitel
zaw deuhin kigelh hi mah taleh Lai Siangtho Lui in tua tatkhiatna thu mah hi.
Thuciam Lui sungah Job Lai Siangtho’ pulaak bangin Kidona Lianpi a pulaak dang
om lo hi.
Tu kaal sungin Job sunga kigelh Kidona Lianpi thu pawl
khat i kikum ding hi. Job le eite nunzia kilamdang mah taleh a kibang i nunzia
khat om a, tua in: Kidona Lianpi sungah mi khempeuh kihel hi.
SUNDAY OCTOBER 2
LEITUNGAH VANTUNG GAMNO KHAT
Job masa
lamah thu hoih tawh kipan hi. Leitung mit tawh en lehang na khempeuhah thupha
ngah mipa’ thu kimu thei hi.
Job 1:
1- 4 sim in. Job in koi bangin nungta hiam? A nunzia in bang thuhoih pulaak
hiam?
____________________________________________________
_________________________________________________________________
Job in
gamtat hoih a kipan na khempeuh neikim hi leh kilawm hi. “Paubaanna neilo” (Job
1:1) cih kammal in ‘kicingkhin’ ‘ thuman tawh kidim’ a pulaak kammal hi.
“Thutang,” ‘gamtat hoih” cih kammalte in vei le tak ah lampial lo-in tangtakin
pai cihte a pulaak kammal hi. Job thupatna ah Eden huan bangin nopsakna tawh
kidim mipa’ thumanna le dikna khempeuh a nei mipa’ thu kimu thei hi. Bang
bangin dik, hoih hi mah taleh a mawh leitungah a nungta mi ahi hi.
Job 1:
5, 6 sim in. Job ma-in a mawh khin leitung omzia bang pulaak hiam?
____________________________________________________
________________________________________________________________________
A tate in biakpiakna pawi tuamtuam pia den uh hi mahta
leh a tate in Pasian’ deihloh khat a sep khak ding uh Job patau tawntung hi. A
citak innkuan siampi ahih mah bangin Job in a tate mimal khat ciat aa dingin
mawhthumna neihsak den hi. Job in mawhna siathuai zia tel mahmah hi. A tate in
Pasian mangngilh kha le-uh lauthawng ahih manin a tate le Pasian kikal ah
siampi palaai sepsak den hi. Ellen G. White, The SDA Bible Commentary, vol. 3,
p. 1140.
Job in thu hoih nuntakpih hi. Eden huan bangin nopna tawh
kidimin, minphatna khempeuh nei-in a kicing nuntakna tawh a innkuanbup nungta
uh hi mah taleh, a mawh leitung ah nunta ahih manun, Job in a sawtlo-in lauhuai
tuamtuam tuakkha ding hi ta hi.
Tu laitakin na nunna ah na hoih bang a kimu
diam? Tuate hangin koi bangin a tawntungin lungdam den ding na hiam?
MONDAY OCTOBER 3
NA KHEMPEUH KISIATNA
Job Lai Siangtho in kilemna thu tawh kipan hi. Ahi zongin
Job 1: 6 a kipan Pasian a kipulaakna om kei leh mihing in thuman mu lo ding hi.
Leitung kilemna le nopna tawh kibanglo vantung a thupiang khat kipulaak hi.
Job 1: 6 – 12 sim in. A kicing zaw-in i sinbeh
lai ding a, bang thu kipulaak hiam? Tua thupiang in leitunga Job nunzia tawh
koi bangin kilamdang hiam?
______________________________________________________________________
_____________________________________________________________________
Job 1 : 6 – 12 sungah kankhiat ding thu tampi om hi. Hih
sungah leitung pilna, theihnate le telescope cihte tawh kimu zo lo thuthuk
kipulaak hi. Na khempeuh a susia mawhna thu kipulaak hi. Tua thu sungah nopna,
kilemna om lo hi. Pa in tapa a pahtak bang mahin Pasian in Job a pahtakzia
pulaak hi. Tua bangin Pasian in Job a pahtak a pulaak ciangin
Satan
in Pasian zahpihna kampau hi. “Tua ciangin Satan in Topa dawngin, “Job in
Pasian hong mawk zahtak ahi hiam?” ( Job 1:9),ci-in
Satan
in Pasian zahpih hi.
Tua bangin Pasian le Satan kiho-na mun in
vantung hi, cih teltakin
Lai
Siangtho in a pulaak loh hang, vantung mah hi. Pasian’ bawlsa ahi lel vantungmi
khat Pasian mai le vantungmi khempeuhte mai-ah amah a piangsak Pa to ngam zen
hi. Leitung kumpi khat mai-ah tua bangin kampau ding zong lauhuai mahmah
kimlai, Pasian mai mahmah ah koi bangin tua bang kampau mawk hi ding hiam?
Hih thuguipi tawh kisai Lai Siangtho in zong mun tampi ah
hong hilh hi. Hih thu, Kidona Lianpi ci-in i thei a, Job Lai Siangtho bek hi lo
Lai Siangtho buppi in zong hih thu mah hong hilh hi. A diakdiakin mawhna le
gimna khempeuh beimangin eite aa dingin Khrih in singlamteh tungah a nungtakna
hong piak hi, cih hong theitelsak hi.
TUESDAY OCTOBER
4
LEITUNGAH KIDONA LIANPI
Job Lai
Siangtho in mit tawh kimu thei lo, bil tawh kiza thei lo, leitung pilna in a
batzawh loh thute hong musak thei hi. Vantung thute theihtelna dingin mihing’
muhna, zakna le ngaihsutnate in ciangtan nei hi. Satan le Pasian kilangdona thu
a pulaak masa pen Job Lai Siangtho hi. Vantung panin leitung dongah tua kidona
in hong bansuk hi. Tu ni dongin tua Kidona omlai hi. Tua Kidona tawh kipelh
kuamah i om kei hi.
A nuai-a Lai Siangtho munte sim inla,
koi bangin Kidona
Lianpi pulaak uh hiam?
Pian.
3: 1 -4 _________________________________________
Zech.
3: 2 ____________________________________________
Matt.4:
2 ____________________________________________
1Pet. 5: 8
___________________________________________
1John 3:8
____________________________________________
Mang. 12: 9
_________________________________________
Mi kimkhat
in Dawimangpa le a pawlte a om ngeilo tangthu mawkmawkin ngaihsun uh hi. Ahi
zongin Dawimangpa le a pawlte a om takpi hi. Lai Siangtho in zuau thu i up khak
lohna dingin limtakin hong hilh hi.
Koi bangin Satan in leitungah nasem tawntung
hiam? Eite kidaltheihna ding bang om hiam?
WEDNESDAY OCTOBER 5
JOB IN KIDO-NA LIANPI PULAAK
Job Lai Siangtho kipatna lamah ngaihsut ding pawl khat
kipulaak hi. Khatna ah, mit tawh kimu thei lo Dawimangpa le a pawlte hi. Nihna
ah, hih leitunga mihing’ nunzia le vantung Pa Pasian in kizopna nei hi, cih
hong musak hi. Hih leitunga piang thu khempeuh vantunga a piang ngei khin thu
tawh kizom hi. Thumna-ah, vantung ah Pasian langpanna hangin leitungah zong
Pasian langpanna hong om hi.
Job tungtawnin tua Kidona Lianpi hong kidawk a, Job’
thuakna in tua Kidona hanga mi khempeuh thuak thute a kilangsak gim thuakna ahi
hi. Tua Kidona Lianpi sungah mi khempeuh huamkha hi.
Job Lai Siangtho in Satan in Pasian
maitangtuahin a langdona gen hi. Ahi zongin koi bangin tua Langdona kipan cih
hong hilh lo hi. Isa. 14: 12 – 14; Ezek. 28: 12 – 16; 1Tim. 3: 6 in koi bangin
tua Kidona kipan hi, cih hong telsak hiam?
__________________________________________________________
___________________________________________________________________________
Ellen G. White in “ itna thukham’ tungah Pasian’ kumpi
gam kiphut hi, ci-in pulaak hi. Bang hang hiam cihleh Pasian in thatang hatna
zang lo ahih manin a bawlsa vantungmi, mihing khempeuh tungah mimal deihtel
theihna hong guan hi. Ahi zongin tua deihtel theihna a zangkhial khat om hi.
Khrih zomah vangliatna a nei, vantungmi khempeuhte pahtaak, Pasian’ pahtawina
ngah khat om a, tua panin mawhna hong kipan hi.
Ellen
G. White in pulaak hi (Ellen G. White, Patriachs and Prophets, 34,
35).
Ellen G. White in Isaiah le Ezekiel sunga thute siksanin mawhna pen Satan kiang
pan hong kipan hi, ci-in pulaak hi.
Kidona Lianpi sungah ‘itna thukham’ le deihtel theihna in
thupi mahmah hi. Satan in ama hoihna le vangliatna hangin amah le amah kiliansak,
kiphasak hi. Bang hangin tua bangin mawhna hong kipan cih pen i tel zo kei hi.
Hih thu mah, 2Thess. 2:7 sungah ‘a kitelzo lo thukham neilo pa’ ci-in kipulaak
hi. Itna thukham le Pasian’ gam in tuam khentheih hi lo hi. Job Lai Siangtho
sungah Satan thu a kigelhin, Satan in mawhna bawl khin hi; Kidona Lianpi kipan
khin zo hi.
Tu-in
a thupi mahmah bang thute na teel hiam? Lai Siangtho sunga bang kamciamte in
deihtelna man hong neisak thei hiam?
THURSDAY OCTOBER 6
SINGLAMTEH IN A PULAAK THU
Job Lai Siangtho in ngaihsut ding dotna pawl khat pulaak
hi. Ahi zongin tua dotna pawl khat dawntheihna om lo hi. Tua thute i tel
nadingin Lai Siangtho buppi kisam hi. Tu-a i tel thu in a kicing theihtelna hi
nai lo hi; limlangah a hi milmial muh tawh kibang hi (1Kor. 13: 12).
Job Lai Siangtho in Satan’ langpanna kipatzia pulaak lo
hi. Tua banah a tawpkhakna ah koi bangin Satan kibawlsia ding cih pulaak lo hi.
Job sungah nih vei Satan kidawk a ( Job 1: 6 – 12; 2: 1-7), ama hangin siatna
kizom suak mah taleh, tua munnihte sim loh Job sungah kipulaak nawn lo hi.
Satan a kipulaak khitteh Pasian’ kilaakna kimu hi. Hih in bang pulaak hiam cih
leh Job Lai Siangtho in Satan’ thu hi lo-in, Pasian’ thu, Amah a koici bang,
bang tawh kibang, cih hong hilh hi zaw hi. Lai Siangtho in Kidona Lianpi sungah
Satan in gualzo kisa mahmah ahihzia hong hilh hi. Singlamteh ah Khrih a hong
sih manin Satan gualzo kisa mahmah hi.
Koi bangin John 12: 31, 32; Mang. 12: 10 –
12; Rom. 3: 26; Heb. 2: 14 cihte in Khrih nasep in Kidona Lianpi beisak ding
hi, cih i tel ding hong huh hiam?
__________________________________________________________
______________________________________________________________________
Satan in ama’ nunzia Singlamteh tungah pulaak hi. Mithat
pa hi, cih na khempeuh muh dingin kilang hi. Vantungah Jesuh in vangliatna tawh
kidimin om a mu vantungmite in Singlamteh tungah Jesuh a muh uh takteh Satan in
gualzo hi, ci-in ngaihsun kha thei ding uh hi. Jesuh in Satan tungah thu a
kikhenzia John 12 ah kipulaak hi. Singlamteh ah leitung mawhna khempeuh aa
dingin Khrih a hong sih ciangin (1John 2:2), vantung tatkhiatna hong tung
taktak hi. Leitung pianma-in kigeel tua tatkhiatna thu, tu-in hong tangtung
taktak hi (2Tim. 1:9). I tangin a hong sihna hangin Khrih sungah upna nei mi
khempeuh in dikna le thumanna ngah hi (Rom. 3: 26). “Pasian’ thukham in thuman
lo hi,” ci-in Satan in Pasian a mawhsakna khempeuh zuau thu ahihzia Khrih in
singlamteh tung pan pulaak hi. Thukham in thuman hi, ci-in a pulaak Pa in,
thukham a palsatte a thuman mi-in hong ciamteh hi. Satan’ kisiat ding
singlamteh khit ah kician tektek hi.
Kidona Lianpi sungah ze-et hamsat thuak mah
taleng, koi bangin singlamteh tungah Khrih in eite aa ding a hong sihna hangin
lungdam kipak ding i hiam?
FRIDAY
OCTOBER 7
NGAIHSUTBEH DING: Thuhoih
le thusia kido den ahihzia ngei-na tuamtuamte sungah zong kimu thei hi.
Hih thu kum tul tampi lai pek panin tangthu tuamtuamte in pulaak hi.Tu-in
leitung pilna, leitung ngaihsutna bulphuh manin Kidona Lianpi a nial mi tam
semsem hi. Khristian tampi in Dawimangpa le a pawlte om takpi lo hi, ci-in
pulaak uh hi. Mihing’ siatna le nate’ siatna limcing hi bek hi, ci uh hi.
Adventist thu-um mi khat i hihna tawh kizui-in Dawimangpa le a pawlte om lo hi,
cih a um hi lehang Lai Siangtho in kimanna nei nawnlo ding hi.
Leitung pilna nei khempeuh
in Kidona Lianpi a nial hi lo hi. Evangelical Gregory Boyd in Pasian le Satan
kilangpan, Kidona Lianpi in a tawntung ding hi lo hi, ci-in pulaak hi. A laibu
gelh “ God At War”cih sungah Daniel 10 sunga thu tawh kisai hih bangin gelh hi:
“ Lai Siangtho bu a kipatna pan a nunung pen dongin a kimu thei lo vangliatna
neite om takpi-a, Pasian tawh a kopte le a langpante khat le khat kido hi. Tua
kidona in mihing tungah huzaap nei hi. Hih kidona in Lai Siangtho thuguipi hi,
ci hi” (Gregory A. Boyd, God at War, 11).
KIKUP
DING DOTNATE:
1.
Lai Siangtho sungah Satan le a pawlte thu
kigelhna bang munte om hiam? Dawimangpa a om lo takpi hi-in limciinna bek hi
leh mihingte aa dingin bang lametna om ding hiam?
2.
Kum zalom 6 hun lai-in Niccolo Machiavelli in
hih bangin pulaak hi: “nautangte in ukna neite a it sangin kihta zaw le-uh hoih
zaw hi.” Hih tawh a kilehbulh thu in “Satan in vantungah om theihna
a ngah nawnloh hangin pilna tawh kidim Pasian
in Satan susia lo hi. Itna tawh nasepna bek mah Pasian in santhamcingsa ahih
manin a bawlsa na khempeuh in Ama thumanna le a hoihna tungah a citak ding uh
kisam hi. Vantungmi siangtho khempeuh in mawhna hangin na khempeuh kisiatna,
Satan kisiatna ah Pasian’ thumanna le hehpihna tawh a kidimna mu dingin kiging
nai lo uh hi. A langpancilin Pasian in Satan susia pah hi leh vantungmi
siangthote in itna siksan lo-in lau-na tawh Pasian bia ding uh hi,” ci-in Ellen
White in pulaak hi. Ellen G. White, The Great Controvery, 498, 499. Bang hangin
Pasian in lau-na tawh hi lo-in, itna tawh bia
ding deih hiam?
