SABBATH
NITAK
TU
KAAL SUNG SIM DING: Job
19: 25 -27; 10: 4,5; John 1: 1-14;
Luke
2:11; 9:22; Gal. 4:19; Isa. 53: 1-6.
KAMNGAH:
“Amah
in eite’natna teng thuakin,eite’ gimna teng pua khin taktak hi. Ahi
zongin eite in amah pen ama mawhna hangin Pasian in a gimsak, gimna a thuak
bangin i ngaihsun
hi.”
Isaiah 53:4.
Job 38 kipatna ah Topa hong kidawk kik a, Job deihna kimu
thei hi. Pasian in Job tungah a lamdang mahmahin kilang a, tua thu hangin
Job
in Topa tungah a kicinlohnate pulaakin mawhthuumna nei hi. Tua khitteh Topa in
Job’ lawm thumte tungah a khialhna uh a pulaak khit teh Job in amaute aa ding
thungetsak hi. Job in a lawm thumte aa ding thu a nget leh Topa in nidangin a
cihtheih ngei zah nihin Job cithei sakin khangcingin nungtasak hi. (Job 42:
10).
I telzawh loh thu in vantungah Satan le
Pasian kido-in leitungah
Job
in gimthuak hi. Job in a thuak ding mah hiam? Satan le Pasian kido in, vantung
ah Pasian om in, Job in si dekin thuakin Pasian in vantung pan en hiuhiua mawk
hiam? Tua thute sangin i telzawh loh thuthuk tampi om hi. Job khit kum tampi
khitteh Jesuh in singlamteh tungah a hong sihna tawh tua thuthuk hong lak hi.
Job sunga i telzawh loh thu Jesuh Khrih nunna in hong lak hi.
SUNDAY DECEMBER 11
KA HONPA NUNGTA HI
Pa
Pasian in Job tungah Piangsak Pa ahihna pulaak hi (Job 38). Tua Pasian in
guahzu-sak, keek pai nading lampi bawl hi (Job 38: 24 ,25). Topa in Piangsak Pa
banah a dang min nei hi. Job 19:25 – 27 sim in. Job in hotkhiatna a lamet bang
pulaak hiam?
_________________________________________________________________
_________________________________________________________________
Job in
Honpa a theihzia pulaak hi. Nuntakna bei-in i sih hangin, ni khat niteh tua
Honpa hong pai ding a, tua hunteh hankhuk pan thokikin nuntak kikna lametna nei
i hi hi. Hih thu mah Lai Siangtho siksan lian bel hi. I Pasian in Honpa hi. I
Pasian in Piangsakpa hi. Mawhna, siatna tawh kidim leitungah a nungta mihing i
hih manin eite in Piangsak Pasian banah Honpa i kisam hi. I biak Pasian in
Piangsakpa hi. Honpa zong hi. (Isa. 48: 13 -17). Hih thu hangin lametna lianpi
nei i hi hi.
John 1:
1 -14 sim in. Koi bangin John in Jesuh pen Honpa le Piangsakpa hi,ci-in pulaak
hiam?
_________________________________________________________________
_________________________________________________________________
Pian.1:1 mah bangin John 1: 1 ah zong na khempeuh kipatna,
Pasian in Piangsak Pasian ahihna pulaak hi. Tua banah “Amah, leitungah om a,
amah tawh leitung a kibawl hinapi-in leitung mite in amah na thei kha lo uh hi.
A khua le a tui-ah va pai a, ahi zongin a khuapih a tuipihte in ama thugen na
ngai lo uh hi. Tua bang hitaseleh ama thungai-in amah a um mite khempeuh tungah
Pasian’tate suahtheih nading thu a pia hi” (John 1: 10 -12). Piangsakpa le
Honpa kikhen thei lo hi. Bang hang hiam cihleh Piangsakpa bek mah eite Honpa hi
thei bek hi.
MONDAY DECEMBER 12
MIHING TAPA
Job a masa
lamte ah Khrih le Satan kidona pulaak hi. I theihsa mah bangin tua Kidona pen
vantung panin hong kipanin leitungah hong tungsuk hi (Mang.12: 7 -12). Job in
tua Kidona leitung in a thuakzia le ama nunzia pulaak hi.
Job 10:
4, 5 sim in. Job in bang gentheihna pulaak hiam? A thugen thuman hi lo hiam?
__________________________________________________________________
__________________________________________________________________
Job in i
telzawh loh ding thuthuk pulaak lo hi. Topa Pasian in na khempeuh a uk, na
khempeuh a Piangsakpa ahihlam pulaak hi. Mihing i cih in koi bang hi-in i thuak
gimnate Topa in thuak hi, cih thu koi bangin na theitel hiam?
Luke 2:11;
19:10; John 1:14; Matt. 4:2; 1Tim. 2:5; Heb. 4:15 cihte in koi bangin Job
telzawhloh thute pulaak uh hiam?
______________________________________________________________
_______________________________________________________________
Pa Pasian
in mihing hi lo ahih manin mihingte’thuak gimna a theihna ding lampi om thei lo
ahih manin Job’telzawh loh thute a pulaak dingin Jesuh in mihingin hong piangin
leitung ah hong nungta hi. Jesuh in Pasian ahihna hemkhia lo-in eite mah bangin
mihing hi takpi hi. A mihing hihna tawh mihingte’thuak gimna, natna khempeuh
hong thuak hi. Matthew panin John in zong hih thu mah hong hilh uh hi. Job in a
telzawhloh thute Jesuh in Ama nunna tawh hilhcian hi.
Khrih in ei
mah bangin mihing cilesa mah tawh hong nungta hi. Mihing’pianzia khempeuh tawh
hong nungta hi. Mihing nunna tawh nungta bek hi lo-in eite mah bangin mawhna
tawh kidim nuntakna tawh hong nungta hi. .Ellen G.White Comments, The SDA Bible
Commentary, vol. 5., p.,1124.
Jesuh in mihing in hong nuntak hi, cih
thu ngaihsun in. Hih thu in tu laitak na thuak gimna, hamsatnate Jesuh in hong
bangin hong thuakpih hiam cih na phawk thei hiam?
TUESDAY DECEMBER 13
KHRIH A HONG SIHNA
A nuai-a
Lai Siangtho munte in Jesuh thu bang pulaakin, koi bangin eite in Jesuh tawh
kizopna nei ding i hiam?
1John
2:6 ___________________________________________
Gal.
4: 19 ___________________________________________
Jesuh in mi
khempeuhte etteh takcing hi. Pasian hong hehpihna siksanin Jesuh nunzia, a
gamtat zia le tong a nei thei dingin Jesuh i etteh ding kisam hi. Pa Pasian
deihna bangin i nuntak nadingin Jesuh bek eite etteh ding ahi hi. Jesuh in eite
etteh ding bekin leitungah hong nungta hi lo hi. Gamtat zia le tong a khangto
ding, Pasian mel le lim a suun ding bekin Honpa Khrih kisam i hi kei hi. Tuate
banah eite mawhna a pua ding, eite sih tangin a hong si ding Honpa hong pai hi.
Jesuh in eite etteh ding bekin a hong nungta hi lo-in i sihna ding munah a hong
si dingin leh a kicing Ama nunna a hong pia dingin leitungah mihingin hong
nungta ahi hi.
Mark 8:31;
Luke 9:22; 24:7; Gal. 2:21 cihte in ei a ding Khrih hong sihna kitangsapzia
bang pulaak uh hiam?
_________________________________________________________________
_________________________________________________________________
Pasian
thupiak bangin i nuntak theihna dingin Khrih in eite aa dingin hong si hi.
Thukhamzuih kisam hi. Ahi zongin thukham in mawhnei mite hong honkhia thei lo
hi. Tua ahih leh thukham in Pasian langdo hiam? Langdo lo hi. Thukham hangin
nunna kingah thei hi leh, thukham hangin dikna kingah thei hi ding hi (Gal.
3:21). Thukham in hong hotkhiat kha leh zong, tua hotkhiat nasem pen Pasian
hi-in, Pasian bek mah in hong honkhia hi.Ahi zongin thukham in hong honkhia
thei peuhmah lo hi. Eite’ etteh ding kicinna nei Khrih bek mah in hong hon thei
hi. Tua hi-in tawntung nunna ngah nadingin Khrih in khat vei a nunna mi
khempeuh hong pia hi ( Heb.10:12).
Thukham
zuihna in nang tangin hong si ding Khrih na kitangsapzia bang pulaak hiam?
WEDNESDAY DECEMBER 14
MIHING TAPA IN A THUAK GIMNATE
Isa. 53:
1-6 sim in. Topa in singlamteh tungah a thuak gimna bang gen hiam?
_________________________________________________________________
_________________________________________________________________
Jesuh in i
dahna, lungkhamna khempeuh ama tungah kisuan hi (Isa. 53: 4). Tua sungah
Job’dahna, gimna zong kihel hi.Job bek hi lo-in leitung mi khempeuhte’dahna,
gimna khempeuh hong puaksak hi. Jesuh in mi khempeuh aa ding mawhna hangin
singlamteh tungah hong si hi. Singlamteh siksanin Job pulaak thute i theitel
thei bek ding hi. Job tungah a kilang Pasian in van a vasa-te, singkung lopa a
kipan na khempeuh Piangsak Pasian hi-in, tua Piangsak Pasian in Job thuakna
sangin a lian zawn gimna amah mah in hong thuak hi.
Job in
Pasian pen Piangsakpa hi,ci-in mu hi. Singlamteh khit ciangin eite in tua
Pasian in Piangsakpa hi-in, Piangsak Pasian in Honpa hong suak hi,ci-in i um hi
(Phil. 2:6-8).Eite Honpa a hong hih nadingin kuama thuak zawhloh gimna Amah mah
in hong thuak hi. Job mah bangin mi khempeuh in “ka maizum mahmah a, tu-in
vuilevai khu-in nakpitakin ka kisik hi” cih nadingin bang kisam hiam? (Job
42:6).
THURSDAY
DECEMBER 15
SATAN KILANGKHIA
John 12: 30 -32 sim in. Singlamteh le Kidona
Lianpi tawh kisai-in Jesuh in Satan omzia bang pulaak hiam?
_________________________________________________________
_________________________________________________________________
Khrih sihna thu a pulaak khitteh Ellen G. White in
vanglian mahmah thu hih bangin pulaak hi: “Satan in Pasian’zia le tong a kipan
Pasian ukna tawh kisai a zuau khempeuh kilang hi. Pasian in angsung nasem
Pasian hi; thu hoih deih lo Pasian hi; kiliansak lua hi, ci-in Satan in mawhsak
hi. Pa Pasian in ahih leh tua bang hi lo hi. Amah le amah a hong kiniamkhiatin,
kuama tung panin vangliatna ngen lo hi. Mawhnei khempeuh aa dingin na khempeuh
a Uk Pa in biakpiakna dingin a nunna hong pia hi. Pasian in Khrih tungtawnin
leitung tawh kilemsakna hong bawl a, mihingte mawhna mawhna-in a simsak kei hi
(2Kor. 5: 19). Lucifer in mawhna kipatna hi. Lucifer in amah sangin vanglian
zaw Khrih a hazatna hangin mawhna hong kipan hi.Tua mawhna susia dingin Khrih
in a sih dongin amah le amah hong kiniamkhiat hi.
2Kor. 5:19. Koi bangin
Khrih hong sihna mawhnei mite
Pasian
kiang hong tun hiam?
__________________________________________________________
__________________________________________________________________
Leitung ah mawhna hong lut a kipan Pasian
langpanna bei lo hi.
Jesuh
in mihing in a hong kiniamkhiat hangin Pasian ahihna bei lo hi. Singlamteh ah
Khrih a hongsih manin lei le van kizopna, mawhnei mi le Pasian tawh kizopna a
nei thei ihi hi. Ellen G. White, The Great Controversy, 502.
2Kor. 5:19 sim in. Bangci bangin Khrih hong
sihna in Pasian in a mawh leitungn tawh hong kizom kiksak hiam?
____________________________________________________________
_________________________________________________________________
Mawhna hong om a kipan thuman langpanna in zui pah hi. Na
khempeuh in Satan’ zuau khem mu uh hi. Khrih in mihingin a hong kiniamkhiat
hangin Pasian ahihna bei lo hi. Khrih in vantung le leitung hong kizomsak kik
hi. Ama hong sihna in mawhna le Satan beimang ding hi, cih pulaak hi. Jesuh in
singlamteh tungah mawhna thaman pia khinzo ahih manin eite in Pasian tawh a
kizopkik thei i hi hi. Mi mawh i hih manin a si ding kimlai, upna tawh Khrih
sungah nuntak tawntungna ngah ding kamciam i nei khin hi.
Siatna tawh kidim na hi kha phial zongin
Jesuh in singlamteh tungah mawhna thaman hong piaksak khin hi. Bang hangin hih
thuman in na nunzia hong khelin, a thupiak bangin hong nungtasak hiam?
FRIDAY DECEMBER 16
NGAIHSUTBEH DING: Tu-in
mawhna tungah thu kikhen ahih manin hih leitung a uk Satan kisiat ding
hun hong tungta hi. Leitung panin hong kilamsang ding a minam khempeuh ka
kiangah ka kai ding hi.Hih in Khrih a sihna pulaak hi. Khrih a hong sihna in
leitung aa dingin buaina lianpi ahi hi. Minam khempeuh mawhmai-na dingin ka
nuntakna ka pia ding a, Satan in amah le amah kiliansak ding hi. Satan’
hencipna khau khempeuh kitat hi, ci-in Khrih in pulaak ding hi. Mihing in
Pasian limlemel a kicingin ngah kik ding hi. Tatkhiat minam khempeuh in vantung
innkuan khat suak ding uh hi. Hih in Khrih sihna hangin a gah ahi hi. Honpa in
a thuak ding singlamteh, gitlohna, gimna hi mahta leh vangliatna tawh kidim
ding nunna zong mukhol hi. Singlamteh in tatkhiatna tawh kisai a tawpkhakna hi
nai lo hi. Na khempeuh in Pasian’ hong itna a mu nadingun kilang hi. Hih
leitung ukpa beimang ding hi. Satan in Pasian a mawhsakna khempeuh a khialhlam
thei ding hi. Satan le a pawl khempeuh in a tawntungin a mangthang ding hita
hi.Vantungmi siangthote le tatkhiat ngah minam khempeuh in Honpa tawh a
tawntungin om ding uh hi.” Ellen G.White, The Desire of Ages, 625, 626.
KIKUP DING DOTNATE:
1. Koi bangin Job sunga telzawhloh
thuthukte Jesuh nunzia le a hong sihna in hong theitelsak hiam?
2. Pasian’zialetong kilangsak singlamteh
ngaihsun in. Hong Piangsakpa in eite aa dingin singlamteh tungah sihna hong
thuak cih thu lungngai in. Bang bang gimna, hamsatna i mai-ah a om zongin, bang
hangin singlamteh in lametna, lungmuanna, hong pia hiam? Koi bangin Pasian
muanna le Ama hoihna hong muangsak hiam? (Rom. 8:32).
Vantung pana kipan Kidona Lianpi in
leitung dongah hong lawhsuk a, tua thu hangin Job in zong gimthuak hi. A
siangtho vantungmite in singlamteh tunga gimna, sihna thuak Jesuh bang a ci
ngaihsut uh diam? Jesuh sunga i ngah khempeuh hangin lungdam kipaak lo ding na
hiam?
