MUC

Print Friendly and PDF

Saturday, September 17, 2016

LESSON 10 NOVEMBER 26 – DECEMBER 2 ELIHU’ HEHNA



SABBATH NITAK


TU KAAL SUNG SIM DING: Job 1: -2: 10; 13: 28; 28: 28; 32: 1-5; 34:

10-15; Ezek. 28: 12 – 17.


KAMNGAH: “ Vantung pen leitung sangin a sanzawk mah bangin keima paiziate zong, nomau’ paizia sangin sangzaw a, ka ngaihsutnate zong no mau ngaihsutna sangin a sangzaw ahi

hi”(Isaiah 55:9).

Tua hi-in Job le a lawmte kiho-na kampaute in khiatna nei, etlawm, thuthuk tampi pulaak hi. Mi bang zahnin Eliphaz, Bildad le Zophar kammalte siksanin thugen uh hiam? A gen thute uh thuman kihel hi. Ahi zongin a genna mun, a gen hun le thupiangte tawh kituakin kampau lo uh hi. Pau. 25: 11 – 13 hong hilh bang mahin kampau in bang zahin thupi hiam? “A kilawm hunin kammal khat paukhiatna pen ngun pek tunga kham pek khat a kisuang tawh kibang hi. Hilhna a sang thei mipa a’dingin a pil thuhilhpa pen kizepna kham bilbah tawh kibang hi. Amah a sawlte tungah a citak kamtai pa pen anlak hun a tuivot tawh kibang a, a tote’ lungsim thaksuak sak hi” (Pau. 25: 11- 13). Ahi zongin Job in a lawmte tung panin tua bang kammal za kha lo hi. A lawmte in ama lungkhamna behlap zaw sop uh hi. A mawhna hangin
Job in gimthuak hi, ci-in a khialhna pulaak dingin hanthawn uh hi.



SUNDAY NOVEMBER 27

HEHPIHHUAI MI HEHNEMTE

Job in a upna khahsuak lo ahihlam a pulaak khit hangin a lawmte in Job mawhsak tawntung uh hi ( Job 13: 15, 16). A lawmte in Job mawhna bek gen uh a, tua bangin a thuakna tawh kisai-in Pasian thu, sihna, thumanna, gitlohna, pilna le mihing nuntak tomzia cihte pulaak uh hi.

A  nuai-a Lai Siangtho in thuman bang pulaak hiam?

Job 13: 28____________________________________________

Job 15: 14 – 16________________________________________

Job 19: 25 – 27 _______________________________________

Job 28: 28____________________________________________

Tua bangin a lawmte in mawhsakna kammal a pulaak tawntung hangin Job in thuum tuan lo hi. Eliphaz, Bildad, Zophar in amau gen thute bek mah thumanin ngaihsun uh hi. Mihing in a thuak dinga kilawm gimna a thuak ding mah hi, ci-in, Job in ama mawhna hangin gimna lianpi thuak hi, ci uh hi.

A  tawpkhakna ah Job in bang hangin gimthuak cih pen a lawmte a kipan Job in zong tel lo hi. Bangci bangin theitel thei ding uh hiam? A theihna uh in ciangtan nei hi; mihing theihna kicing lo hi. Job sung panin i theih ding thu in Pasian nasepna khempeuh, thuman thutak i pulaak ciangin mihing in kiniamkhiatna kisam hi. Thuman i theih om ding hi. I theihloh om hi. Ahi zongin khat veivei Job lawmte mah bangin i theih thuman thutak a hoih thei penin pulaak khia thei lo mihing i hi hi, cih pen phawk ding kisam hi.


Kimlepaam nate omzia en in. Singkung lopa, na neu no khat nasepzia i tellohzia in mihing thutheihna in ciangtan nei hi, cih hong hilh hi lo hiam?

MONDAY NOVEMBER 28

ELIHU TAWH KIHONA


Job 26 – 31 kikal ah Job in a lawm thumte a hopih nunung pen kimu thei hi. Job in “ka thuak gimnate thuak dingin ka kilawm kei hi” ci-in a pulaaksa thute mah pulaak kik hi. Job in thuman lo-in mihingte’ thuak gimna khempeuh limcing hi. Bang hangin gimna thuak ka hiam? cih pen a tel hak mahmah khat hi. Gimna kim khat pen ei mimal gitlohna hangin i thuak khak om hi. Ahi zongin Job thuakna ahih leh ama khialhna hi lo gim a thuak ciangin bang hangin gimna thuak ka hiam ci-in dong pah hi.

Job 31 a tawpna lamah Job in a thuak gimnate bang hangin thuak cih thei kei taleh a thuakna thute pulaak hi. A pulaak theih khempeuh, a gen ding khempeuh pulaakin a thugen khawl hi (Job 31: 40).

Job 32: 1 -5 sim in. Thupiang bang hi-a, Elihu in Job le midangte tungah bang gen hiam?

__________________________________________________________________________

__________________________________________________________________________

Elihu min a dawk masak penna mun in Job 32: 1-5 sung hi. Job le a lawmte kihona za ngei khin kha ding hi. Elihu in bang hunin Job tawh kimu cih a kigelh loh hangin a nung ciangin Job tawh kimu hi, cih kilang hi. Bang hang hiam cih leh a lawm thumte kiho-na ah amah kihel kha lo hi. A lawmte’ kihona a zak ciangin Elihu lungkim zo lo hi. Job 32: 1-5 sung bekah a hehna nga vei bang a pulaakna kimu thei hi. Job 32 -37 sungah Elihu in Job thuakna thu tawh kisai a pulaak thute i mu thei hi.



Elihu in Job’dinmun telkhial hi. Bang pulaak hiam cih leh “Job amah kidiksakin Pasian mawhsak zawsop hi” (Job 32: 2). Hih thu in mi khat ii kampau kitelkhial kha thei hi, cih hong hilh hi. Koi bangin thusia sangin thuhoih mu thei zaw ding na hiam?

TUESDAY NOVEMBER 29

ELIHU IN PASIAN DIKNA PULAAK


Elihu le a lawmte in Job’ thu a kiho-na tawh kisai-in muhzia tuamtuam om hi. Mi kimkhat in Job tawh a kiho-na uh kilamdangsak hi, ci-in pulaak uh hi. Ahi zongin ngaihsun taktak lehang tua bangin kilamdanna a piangsakliang dingin a pulaak bang mah om lo hi. A lawm thumte’ pulaak bang mahin Elihu in zong Pasian dikna in Job gimthuaksak hi, ci hi.

Job 34: 10 -15 sim in. Elihu in bang thuman pulaak hiam? Koi bangin Elihu gen thute le a lawm thumte’ pulaak thute in kibang hiam? A gen thute in thuman hi taleh bang hangin Job thuakna tawh kituak lo hiam?

_______________________________________________________

___________________________________________________________

Elihu le a lawmte in Pasian lau-na tawh kisai thu limgen uh hi. A taktakin tua bangin Pasian lau ding hi lo hi. A lawm thumte mah bangin Elihu in zong Pasian’hoihna, a thumanna le a vangliatna pulaak hi. “Pasian in mihingte’ gamtatna khempeuh hong encik a, i kalsuanna themno dongin hong mu khin hi. Gamtatsia mite a buk theih nadingun a seelcipzo ding, khuamial khuazing koimahah om lo hi” (Job 34: 21, 22). “ Pasian a thahat mahmah hi napi-in kuamah simmawhlo hi Amah in a theih loh bangmah om lo hi. Amah in mimawhte daupaisak lo a, gimna a thuakte tungah amanin gamta hi. Amah in thuman mite hu a, kumpi ukna za zong pia a, pahtawina lianpi a ngahsak tawntung hi” (Job 36: 5 -7). Pasian vanglian mahmah a, eite’ theihzawh hi lo hi. Amah thuman mahmah a, thutang takin na a sem hi. Tua ahih manin mi khempeuh amah a zahtakna, mipil a kisate amah in a don lohna, lamdangsak ding hi lo hi,” a ci hi (Job 37: 23, 24).

Hih thute thuman ahih leh Job in a thuak gimnate a thuak ding mah hi, kici kha ding hi. Tua lo bang gen lai hiam? Job in mi hoih mahmah khatin a kingaihsut hangin siatna dim leitung ah Pasian thumanna mah Elihu in pulaak tawntung hi.

Na upna hangin ze-et hamsatna na tuak ngei hiam? Koi bangin na kantan zo hiam? Ngaihsun kik lecin koi bangin na kipuahpha kik nuam hiam?


WEDNESDAY              NOVEMBER 30

I TELZAWHLOH SIATNA


Job lawm lite in a thuman Pasian um vive hi. Amaute in Job thuakna a muh tak uhteh Job tungah Pasian zia le tong, a hoihnate koi bangin pulaak ding cih pen limtak ngaihsun uh hi. Ahi zongin amau gen thute in thuman hi lo-in siatna le Job thuak siatnate omzia tel lo uh hi. Hih tawh kisai-in Ellen G. White in hih bangin pulaak hi: “Mawhna a siatzia a kipulaak theih bangin mawhna hong om theihna thu kipulaak thei lo hi. Mawhna in na khempeuh susia hi. Bang thu hangin mawhna kipankhia mawhna in kuama telzawhloh a lamdang, mawhna a awlmawh lo mi in mawhna a it mi hi. Ellen G. White, The Great Conversty, 492, 493.

Ellen G. White in mawhna le siatna zangkhawm. Siatna in mihing telzawh thu hi leh siatna-in kiciamteh lo ding hi. Mi khat in siatna khat peuh a phutkhak ciangin “ bang hangin hih bang siatna tuak ka hiam” “ khiatna nei kei, kimanna nei kei,” ci uh hi. Job zong a thuak gimnate hangin lungmang hi. A lawmte’ gen thute in khiatna nei lo hi. Bang hang hiam cihleh siatna in mannei lo hi. Siatna tawh kisai thu om khempeuh a theitel hi lehang siatna pen siatna-in kimu thei lo ding hi. Siatna in thu hoih khat peuh hong tun ding hi, ci’n ngaihsutna hong om kha ding hi.

Vantung panin Satan kihawlkhiatna le siatna hong kipatzia ngaihsun in. Satan mawhna hangin mihing in bang phattuampih hiam? Eze. 28: 12 – 17.

_________________________________________________________

__________________________________________________________________
  
Pasian in Lucifer a piansakin kicinna, hoihna, phatna khempeuh tawh kidimin a piansak ahi hi. Na khempeuh kicinna huan sungah Luficer teng hi. Lucifer in pilna, siamna, hoihna khempeuh tawh kidim hi. Tua manin Pasian mual siangtho tungah kikoih ‘sathau kinilh cherub’ kici hi. Tua bangin hoihna khempeuh tawh kidim hi mah taleh amah le amah kisia-sakin siatna in ukcip hi. Siatna ki-uk sak sangin a sia zaw bang om hiam?


Koi bangin siatna na tuak hiam?


THURSDAY        DECEBER 1


UPNA A TO THUTE

Job le a lawmte in a si thei mihing ahih mah bangun a gen thute un kicing lo hi; a theih thute in ciangtan nei hi. “ Limlang sung a ki-et bangin kimu milmial” (1Kor. 13:12). A lawmte in Job’ thuak gimna tawh kisai-in Dawimangpa dinmun pulaak lo uh hi. Thuman genin kingaihsun uh a, ahi zongin Job thuak gimna koi pan hong pai hi, ci-in pulaak thei lo uh hi.

Satan in Pasian a langpanna thu thu i thei zongin Job thuakna thu bang ci bangin na telthei hiam? Job 1-2:10. Tua thute i thei phial zongin i theihloh bang thu om hiam?

__________________________________________________________

_________________________________________________________________

Job in a pulaak masak mah bangin amah le lawm thumte hangin gim thuak ahih hangin bang hangin Job in gimna thuak cih thu i thei zo kei hi. Job in ama mawhna hangin gim thuak hi peuh mah lo hi. Pasian in Job hoihna thu Satan a theihsak manin Job gim hi lo hiam? Koi bangin hih thu na telthei hiam? Job in a thuak gimna thu a theih hangin Pasian tungah “ka tapa tanute hong pia kik in. Ka neihsa khempeuh hong guan kik in. Hih bang gimna midang khat tungah tungsak zaw in,” ci-in thungen lo hi. Kua in ama thuak bangin thuak nuam ding? Job le a innkuanpihte in a thuak ding mah uh kilawm ahi hiam? Hih thu ah Pasian in Satan tungah gualzo khin hi. Ahi zongin Satan in a guallelhlam kiphawk lo hi (Mang. 12:12). Tua ahih leh Job thuakna in bang deihna nei hiam? Job thuakna hangin thu hoih kimu thei taleh tua bang thu hoih a pian nadingin a tapa tanu khempeuh in sihlawhin, a neihsa khempeuh beilawh ding kilawm mah hiam? Hih thu tu-in tel zo lo ihih leh Job in ama hunin tel zo lo zawkan ding hi.

Bang bang hi taleh Job hong hilh thu in a kimu thei nate siksanin nungta hi lo-in a kimu thei lo nate siksanin upna tawh nuntakna ding hong hilh hi. Job mah bangin Pasian tungah a citak khempeuh in gimna tawh kipelh lo-in, a thuak gimnate hangin lungmang veve uh hi. Ngaihsutna siksanin a piang khempeuh ka theitel hi, a ci mi in upna tawh a nungta mi hi lo hi. Topa i up ciangin Job mah bangin eite in zong bang bang i tuak zongin Topa Pasian muangin Ama thu i mang ding hi.

Na thuak gimnate na tel loh hangin bang thute in Topa hong muangsak hiam? Bang bang na tuak zongin koi bangin Topa na muang thei hiam?


FRIDAY DECEMBER 2

NGAIHSUTBEH DING


Theihna le upna tawh kisai-in German mi Immanuel Kant’ thu

John Hedley Brooke in hih bangin pulaak hi: “Pasian in a sepna khempeuh thuman thutak tawh kidim hi,” cih thu in upna tawh kisai hi-in theihna siksan hi lo hi, ci hi. Gimna tawh kisai-in a pulaakna ah Job nunzia pulaak hi. A neihsa khempeuh maimangin a ta khempeuh in nusia taleh, a biak

Pasian muang ahih manin a lawmte in bang bang pulaak ta leh Topa tawh a kizopna khahsuah lo hi. Topa Pasian in na a sep manin gim thuak hi, ci-in Job in a theih manin tua in thuakzawhna guan hi. Science and

Religion, 207, 208.

Elihu le a lawmte in hih bangin pulaak uh hi: “Job in siatna bawl ahih manin gim thuak hi. A gamtat zui-in Pasian in gim pia hi, ci uh hi.

Mawhna hangin leitung in gimthuak hi mah taleh Job tungtangah ama mawhna hangin gim thuak hi lo hi. Pasian pen na khempeuh a bawl, a kem Pasian hi-in mihing ngaihsut bangin Pasian in nasem lo hi.


KIKUP DING DOTNATE

1.     Job le a lawm thumte kihona sungah bang hangin Satan thu tawh kisai kikupna nei lo uh hi ding hiam? Thuman pulaak uh hi mah taleh amau theih thu in ciangtan nei ahih lam kimu thei hi lo hiam? Thuman i theih hangin i theih loh thu tampi kidawk hi lo hiam?

2.      “I sep i bawl ding khempeuh eima pilna siamna tungah kinga-in na i sep teh ei le ei gim kiguan i hi hi. Thamlo-in Pasian lo-in tua gimna i puaksawm laizen hi. Ahi zongin Pasian in hong it, hong cing hong kem a hoih hong sem tawntung hi, ci-in i up ciangin lunghimawhna hong bei ding hi. Naupang in a nu a pa a muan bang in eite in zong Pasian i muan kul hi. Tua hi leh i thuakgimna, hamsatnate i phawk kei ding a, Pasian deihna bangin i nungta ding hi.” Ellen G. White, Thought from the Mount of Blessing, 100, 101.

Koi bangin muanna le upna nei i hiam? A koici bang khensatnate in upna hatsak-in, koi deihtelnate in upna kiamsak hiam?

To get the latest update of me and my works

>> <<