MUC

Print Friendly and PDF

Tuesday, September 20, 2016

DEC.3, 2016



Richard
Nung Sabbath aa a zom A kinial zo lo sapna

Richard in a u tawh kimawl uh a, inn sung kongkhak kisia sak kha hi. A pa heh ding lau lua mahmah mah ahih manin, a pa a heh loh nadingin thungen hi.
A pa hong tun ciangin a pa in kongkhak kisia mu pah hi. A pa I n “ Hih kua kisiat sak’ ci-in dongpah hi. Ken zong keima hihkhak hi, ci-in ka dawng kik hi. Ka pa in na liam hiam ci-in hong dong hi. Liamkhak loh ding mah thupi pen hi, ci-in ka pa in hong gen hi. Kongkhak sangin mihing thupi zaw hi, ci-in ka pa in hong gen hi. Tua bangin ka pa omzia lamdang ka sa hi.Pasian in ka thunget hong dawng takpi pah hi, ci-in ka nuam mah mah hi. Tua a kipan Pasian om takpi hi, ci-in cih kiteltakin ka thei hi. Pasian muanmawhna khat zong ka nei nawn kei hi. Hih pen kum 10 ka phakin a ka tuahkha thu ahi hi.

Synagogue Biakinn Behlap:

Ka pa nasep hong hoih bilbel ahih manin Villejuif khua ah inn khat ka lei uh hi. Hih mun ah ka kituahtak uhteh ka pa in hih mun pen biakpiakna ding munin zat ding geelna nei hi. Ka kikhopna ngei uh sangin gol zaw hi. Hih mun in Villejuif khua sungah synagogue biakinn gol pen hong suak hi. Kum khat khit ciangin Talmud Torah, Jew Lai Siangtho thucianna ka sin hi. Thungetzia, biakpiakna tuamtuam, pawi tuamtuamte thu ka sin hi. Thursday ni le Sunday sialin laisinna pan ka tawlnga uh hi. Sang ka kah loh uh ciangin synagogue biakinn ah ka pai uh hi. Tua mun ah mite in Thukham Tate ci-in hong kithei hi.

Jew mi hihna kipulaak

Ka sangkahna ah Jew mi hi lo lawm le gual ka nei hi. Tuate lakah khat pen Adventist innkuan sung pan khangkhia hi. Ama min pen Emmanuel kici hi. Amau pen Spain mi hi-in Barcelona gam pan hong pai innkuan hi. Ni khat mi kimkhat Emmanuelte’ innah ka pai uh hi. Emmanuel in a innkuanpihte kiangah Jew mi ka hihlam pulaak hi. Tua bangin a pulaak pen lamdang ka sa mahmah hi. Bang hang hiam cihleh cikmahin Jew mi ci-in mi kiang pulaak ngei lo hi. Tua leh a pa in ka thu hong thei nuam mahmah hi. Tua leh a man kei zong Kha lam Jew mi hing, ci-in hong dawng kik a lamdang ka sa hi. Tua leh Kha lam Jew mi na cih ciangin bang hiam, ci-in ka dong hi. Tua leh Manuel in Lai Siangtho hong lakin taksa Jew mi le Kha lam Jew mi kilamdannate hong hilh hi.

Kum khat bang hong sawt ciangin Manuel’ tanu, Lilliance tawh ka kingai uh hi. Hih thu Manuel in a theih tak ciangin nuam lo hi. Bang hang hiam cihleh a pa in Adventist thu-um mi khat tawh kitengsak nuam hi. Ni khat Adventist biakinn ah ka va kikhawm hi. Sabbath ni ahih manin ka nute in sangkah ding hongsa uh hi. Sabbath school nuam ka sa mahmah hi. Lesson hong hilh siapa pen pastor khat ii tapa hi-in Hebrew zong siam mahmah khat hi-in, Sabbath kik ciangin zong ka kikhawm hi.

A Lamdang Thu

Kha Siangtho in ka sungah nasem ahih manin thuman thutak ka tel zaw semsem hi. Lilliance’ pa Manual pen mei bawl (electrician) khat hi-in, ni khat a nasepna ah kahlei tung pan khia hi. A liamna lian lua ahih manin zato ah tawl khat a lup khitteh hong sihsan hi. A sih in kum 47 bek pha pan hi. Tua a kipan i sih ciangin bang kisuak ding hiam cih ngaihsutna khat hong lut hi.

Mai Sabbath ah zopkik ding

To get the latest update of me and my works

>> <<