DEC. 31, 2016

Pasal: tu quarter sungin Austria, France, Italy, Romania gam a nasepzia tuamtuamte i za khin hi. Hih gam li sungah tu quarter Sabbath 13 sumpi kipuak ding hi.

Numei: Tu quarter sunga i zak thute kidong kik ding hi hang. 

Pasal: Dotnate khat khit khat kidong ni. A kidong thute i theih kei khak leh zong lunghimawh luat ding hi kei. Kisin kik thei ding hi. 

Numei: Dotna: Austria, France, Italy, Romanian cihte koi division sungah om hiam?

Pasal: Dawnna: Inter –European Division sungah om hi. Hih Division sungah SDA 178,380 bang om hi. Biakinn 2550 le company 548 om hi. 

Numei: Dotna: Koi khuapi-a omte in innkhaan nuai leilak ah kikhawm uh hiam?

Pasal: dawnna: Italy gam, Ragusa khuapi ah. Hih mun pen Sicily tuikulh khat hi. Hih munah thu-um mi khang mahmah ahih manin kikhopna ding biakinn nei zo nai lo uh hi. Tu Sabbath 13 sumpi in biakinn lamsak ding hi.

Numei: dotna: A+ thusinna in Romania gam om in maths siamna kihilh hi.

Pasal: dawnna: man lo hi. Hih A+ pen Austria hi zaw hi. Hih mun

ah anhuanzia, puankhui zia, cidam na ding annek zia, khamtheih a

zang mite kipuahphatna mun hi. Tu quarter Sabbath 13 sumpi in

hih mun ah kipuak ding hi. Sia cialbeh ding kisam hi.

Numei: Dotna: Koi gam, koi khuapi ah kumpi in khua sung cimawh

mite huh ding SDA pawlpi semsak hiam?

Pasal: Dawnna: Italy, Ragusa khuapi hi.

Numei: Dotna: Jew khangno khat SDA a suah manin a

innkuanpihte in inn panin hawlkhia uh hi. Hih pen koi gam le koi khuapi ah thupiang hiam?

Pasal: Dawnna: France, Paris khuapi hi. France gam in leitungah

Jew mi a tampen thumna gam hi. Israel le USA khitteh France ah

tampen hi. Tu quarter Sabbath 13 sumpi in zong Paria khuapi a

om Jew le Adventist center ah kipuak ding hi.

Numei: Dotna: Middle East panin mun dang ah gambeel a om

SDA thu-um a tamna mun khat om a, bang khua hiam?

Pasal: Dawnna: Vienna khuapi, Austria gam hi. Gam tuamtuam pan gambeel a om Adventist thu-um mite kikhopna mun neu lua, a gol khat lam ding kisam hi. Tu quarter Sabbath 13 sumpi kipuak ding hi. 

Numei: Dotna: Europe sungah bang gam ah Adventist lut masa pen hiam? 

Pasal: Dawnna: Italy gam. Poland mi M.B. Czechowski, amah pen RC phungzi lut ngei khat hi-in 1875 kumin USA ah tui kiphumin, 1864 kumin amah le amah missionary dingin Italy ah hong tung hi. 

Numei: Dotna: France gam ah Adventist zato om maw, om lo?

Pasal: dawnna: Om lo hi. Ahi zongin Rosemary House kici center khat ah pension khin piteek, puteek kepna khat om hi. Tu quarter 13 Sabbath Sumpi in Paris khuapi a om Jew le Adventist kizopna center ah kipuak ding hi. Israel, USA khitteh France gam in Jew mi a tam penna gam thumna hi.

Numei: Dotna: Koi gam ah Vompi a puangsan namte kimu thei hiam? 

Pasal: dawnna: Romania gam hi. Hih gam mualtungte ah nawine ganhing nam 400 bang om hi.

Numei: dotna: Quarter sung a i zakte lak ah koi khuapi in music tawh minthang hiam?

Pasal: dawnna: Vienna khuapi, Austria gam hi. Mun tuamtuam pan Vienna khuapi ah music sin sangnaupang tampi om hi.

Hih sangnaupangte kikhopna ding biakinn gol khat lam nadingin tu quarter Sabbath 13 sumpi kipuak ding hi.

Numei: Dotna: European huam sungah inn nei lo lampi-a om mi a tamna khuapi bang khuapi hiam?

Pasal: Dawnna: Vienna khuapi, Austria gam. Ferdinand in inn nei lo lampi ah giak ngei khat, ADRA ah nasem in tu-in manager sem hi. 

Numei: Dotna: Hih gam Italy, Austria, France, Romania lak pan koi gamah SDA thu-um tam om pen hiam?

Pasal: Dawnna: France gam. Biakinn 122 om hi. SDA 13712 om hi. Paris khuapi ah kikhopna ding nei lo-in cinema hall nuai khat ah kikhawm uh hi. Tuate aa dingin tu quarter Sabbath 13 sumpi kipuak ding hi.

Numei: Dotna: Hih gam ah SDA sangte ah sangnaupangte 90% pen SDA hi lo hi. Hih gam in bang gam hiam?

Pasal: dawnna: Romania gam. Siate kimuhkhopnate nasepzia ding, khat le khat kimeltheihna ding cihte bawl uh hi.

Numei: Dotna: Hih gam panin Olympic kimawl minthang khat om a, a kimawl ni ding Saturday tawh kituak kha ahih manin makaite kiangah a va pulaak ciangin kimawl ni ding kikhiinsak hi. Hih in koi gam ah thupiang hiam?

Pasal: Dawnna: Italy.

Numei: dawnna: Italian, Romanian, French, German cihte lak pan koi in kilimsin pen hiam?

Pasal: dawnna: French pau. Leitungah mangpau kilimsin pen a, tua khitteh Frence pau kisin pen hi. Saleva Adventist University ah Frence pau le Frence mite’ ngeina tuamtuamte zong kisin hi. Austria gam a om SDA sangte ah German kisin a, Italy gam Florence khuapi ah zong Italy pau kisin hi.

Numei: Tu quartet sunga i zak thute manpha-sa ciat dingin hong lamen ing.

Pasal: Sabbath nisialin i khiat sumpite in Pasian nasepna tangzai-sak ding hi,ci-in lametna i nei hi.

Kawl gam SDA conference in Rakhine gam, Lan-ma-daw khua ah sia inn puah nadingin kipuak ding hi.