MUC

Print Friendly and PDF

Tuesday, September 20, 2016

DEC. 24, 2016



A+ thusinna: Khennihna


Sangsiapi khat camp bawlna ah hong kihel hi. Bang hang hiam cihleh a tanu pen tua camp ah kihel hi. Hih sangsiapi in biakna tawh kisai thu peuhmah a deih lo mi khat hi.
A diakdiak in Adventist thu zuihna pen deih het lo hi. A tanu zong camp kipat cillam in thungen nuam lo, biakna tawh kisai deih lo khangno khat hi. Annekma in thungen nuam lo hi. Ahi zongin a siate in thunget dan hilh uh a, thu hong ngen thei ta hi. A tanu in a nu kiangah thu hong ngetsak ning, ci-in a pulaak ciangin a nu in lamdangsa hi. “ Nang, kei aa ding thu hong ngetsak takpi ding maw” ci-in a tanu in thungen takpi mah diam, ci-in um ngam lo hi. A tanu in nitak sialin thu hong ngetsak ing,” ci-in a nu kiangah pulaak hi. Tua a kipan a nu’ lungsim hong neem zaw deuh hi. Thungetna le biakna lam ah hong hanciam mahmah hi. Kum nga sung tawntung sangsiapi pa in hih camp ah nasem hi. Hih nasepna lawhcing mahmah hi.

Pastor Daniel Chirileanu in tu-in Romanian Union ah Khangno makai hi.

Nasepkhopna khang semsem:

Teofil Brasov in Muntenia Conference ah project manager, makai khat hi. Hih conference sungah sang 50 val bang om hi. Hih sangte ah A+ cih thulu tawh nasepna zong nei uh hi. Hih A+ thusinna ah sangnaupang 2400 val bangin thu tuamtuam sin uh hi. Hih thusinna ah Khangno makaite in makaih uh hi. Pastor Teofil in hih A+ thusinna tu-in makaih hi. Nung kumin hih A+ thusinna Adventist hi lo sia 90 bang kihel hi.

A nuamzaw nunna

Hih A+ thusinna ah koici bangin nuntak khuasak zia nuam zaw ding cih thute zong kihilh uh hi. Hih thusinna ah a hilh sia kisam mahmah hi. Tu quarter Sabbath School 13 sumpi in hih A+ thusinna ah kipuak ding hi.

Romania gam ah Romanian Orthodox biakna zui mi tampen hi. Roman Catholic, Greek Catholic, le Protestant tuamtuam, Judaism cihte zong om hi. Khanglam Nisuahna lamah Muslim zong om hi. Tu-in Romania gamah SDA biakinn 1104 bang om in, SDA thu-um mi 65961 val bang om hi.

Mai –a Sabbath pen Sabbath 13 na hi. Sumpi i khiat ngei zah thum khia ding hi hang.

Mission news gen ding mi nih sehkhol in.

To get the latest update of me and my works

>> <<