MUC

Print Friendly and PDF

Tuesday, September 20, 2016

DEC. 17, 2016



A+ thusinnna: Khen Khatna


Pastor Daniel

Pastor Daniel in nasep a kipatna dingin khangnote kiangah “ ni khatin nai khat Pasian pia in” cih bulphuhin hanthawn hi. Khangno makai khat ahihna tawh kizui-in khangnote kiangah
“ kum khat sungin Topa aa ding sep ding khat geel un,’ ci-in hanthawn hi. Pastor Daniel in, “Topa tungah ki-ap hun ding zan 11 pan zankim ciang nei dingin khensat hi.” Tua hun sungin Pastor Daniel in khangnote aa dingin thungetna le sep ding geelna nei den hi. Khat veivei ciangin Pastor Daniel lungsim ah bang mah hong suaklo thei zel hi. Ahi zongin Pastor Daniel in tua bangin ki-apna hun a neihteh ama hun hi lo, Pasian hun ahihlam phawk hi.

‘ I sep theih ding bang bang…

Zan khat thungenin a om laitak bang hong ngaihsun kha hiam cihleh pawlpi sunga pilna neite tawh nasem khawm dingin hong vaihawm hi. College tuamtuam ah sangnaupangte kiangah nasep zia ding hong vaihawm hi. Khangnote tungah nasep zia ding cihte, sangsiate le sangnaupangte kizopzia ding cihte le Pathfinder le AY cihte neih pih dingin hong geel hi.

Lampi Kihong

Tua bangin Pastor Daniel in college sangte nasep a kipatma-in khua sung ah mite theih dingin “ zatepna in cidamna susia hi,” cihte a kipan cidamna tawh kisai theih ding thu tuamtuamte laisuan tuamtuam le lampi dungah pai kawikawi-in pulaakna nei hi. College sangnaupangte le siate tawh thunget khopnate zong nei hi.

Romania gam in khen guk bangin kikhen ahih manin pastor Daniel in a mun le mite tawh kituak ding a hoih thei pen dingin nasem hi. College siate tawh kikhop in tua bangin na hong sep manin a nasepna lawhcing mahmah hi. Sangnaupang tampi in guihtheih khamtheih tuamtuam tawh kidiah uh hi. Khangnote hoih kimakaih thusinna neihpih hi. Tua bangin pastor Daniel in a thuhilhnate ah a kum tawh kizui-in thusinna neihpih hi.

Hoihtak hong kimuak

Tua bangin thusinna ka neihpihnate uh College siate le sangnaupangte in hoihsa thei mahmah hi. A thusinna tungtawnin zong mat ka pia uh hi. Ka mat piakzia uh pen A+ ci-in ka minvawh uh hi. A taktak in hih bel sanglai tawh kisailo, a tuamin a kihilh thusinna khat hi. Hih thusinna ah anhuanzia, cidamna ding annek zia, guihtheih tuamtuam a zangte dam nading, khantohzia, sumzon zia le zeek zia, internet zia cihte ka hilh uh hi. Ahi zongin biakna, upna tawh kisai thu peuhmah hilh ding hong kiphal lo hi. Ahi zongin Adventist khangno kikhopna ah sangnaupangte le siate a hong kikhop nadingun ka zawn uh hi. Hih kikhopna ah lasakna, Lai Siangtho sinna le biakna tawh kisai kimawlna tuamtuamte zong ka neihpih uh hi.

Kum khatin kaal sungta bang camp ka nei uh hi.

Mai Sabbath ah zop kik ding:

To get the latest update of me and my works

>> <<