MUC

Print Friendly and PDF

Tuesday, September 27, 2016

Adventist Youth Camp



Adventist Youth Camp

       MUC Adventist Youth sungah kilawmtatna hong khan nading, akhang akhangin khangnote nuntakna ah minuai ah omlo in hauhna leh pilna, lawhcinna tawh midangte sangin madawk zaw in na lianpi sep zawh nading leh khakhanlawhna leh kipuahphatna MUC gambup ah hong om theih nadingin Youth Camp ah hong khanglosak dingin Khasiangtho thupha dawh dingin a bawl sawm i hihi.  Topa in kumthak 2017 sungah lawhcinna leh daupaina hong omsak nadingin khitui tawh khaici tuh dingin kuankhiat a kisawm hia, khitui tawh khaici a tuh mi in lungdam in kikona tawh inn ciah ding hi cih kong theisak hi.

     Kipawlna khat peuhpeuh ah a picin theihna leh na lianpi a kisep zawhna ii hatna pen khangnote thahatna tawh kiciamteh hi. Khangno thanemna munah khuasung, pawlsung, gamsung, kipawlna khat peuhpeuh thanem hi. Adventist khangno kipawlna in kawl gam Pasian thu hong tun zawh kum 100val sungah a kisem lo makaite muhkhak ngiat nai loh maikaite in mu ta leh a sep zawh nailohte pen MUC Adventist Youth in muhsawm sepsawm pah ding ahihi. I pawlpi hong thanemsak teng ngeina hoihlote zongkhia in ngeina hoih tawh khek sawm ding hi hang.

      Youth Camp picinna dingin Steering Committe pawl khat muanna tawh hong kiseh hi. Na lianpi i sep sawm leh miksite thu i sinbeh kul hi. Kipumkhat in mapang khawmin sem khawm leng i 'Youth Camp'  hong picing ding a cinuam ka hihi. Myanmar Union Conference dinkhiat zawh gambup Youth Camp kibawl cilna ahih manin zong tha ngah ciat ding in kong um hi.  A hizong pawi bawl zawh nadingin i mai hong khak haksatna mualpi om a tua in " Money" sum ahihi. Na lianpi hong sem theisak ahk hong lawhcingsak lo thei sum ahihi.

      Funds ngah nading kilungkham pah hi. Tuipi gal a om  i sanggamte in zong MUC Youth Camp bawh zawh na dingin pan hong lakpih le uh cin muanna tawh hong kiseh hi. Tua leh MUC gambup ah pawlpi khat ah i pawi bawl zawhna dingin satan piak zah ding kiseh hi. USA ah Youth Camp adingin Fundraising hong bawlpih dingin (Sia Khaipu, Sia Mangpu, Sannuamnu Manlek, Sia Sawmtawng, Sia Khaimok) muanna tawh kiseh hi. Malaysia pan Sia Khendo, Kampi (ngente) muanna tawh kiseh hi. Thailand leh Singapore pen Pr. Khamkhen muanna tawh kiseh a, Australia pen Sia. Mungno (Khup Sawm Mung) muanna tawh kiseh hi.

        Youth Camp pen December 15- 19 sung hi ding a, Zintun ni 15, ciahni 19 ni hiding hi. Topan hong huh a Fund hong muhsak peuhmah in Sia Khenno tungah sum nong khaksak unla, officerte khat peuhpeuh tung ah zong thu hong zasak un. Topan na lianpi a sem zo dingin muanna tawh i kiseh bang a sem zo ding thupha hong pia ciat ta hen. 

Phone tawh kong tei ciauciau hin kong at nai lohte hong at lai ning khialhnate ngaihdam bawm ah

Thupuak,
Sia Kap Do (MMCCollege)





To get the latest update of me and my works

>> <<