MUC

Print Friendly and PDF

Saturday, September 10, 2016

A KILAWM THUUMNA KHAT


KHAWKPI 1 (PAWL PI SUNG KIPUAH PHATNA)
A KILAWM THUUMNA KHAT

Teci muanhuai pa in Laodecea omzia a dahhuai na gen bek lo in itna thu lak hi. Cinate natna bek lak lo in, aki tuak ding zatui pia hi. Tua pen thumaan teci pa sawlna in, huh aa, tha hat sak hi” ci hi. 7 BC 965.


Zeisu in, “Kong sawl hi, na hauhna dingin a siangsa kham kei kiang pan lei inla, na zahmawh akimuh lohna ding in na silh ding puanpaak leh na khua muh theih na ding in na mit nuh ding mitza hong lei in” Mang. 3:18 ci hi. Laodecea’ haksatna thu thumte, zawn luatna, guak din’na leh mittawt nate tawh kituak zatui vantung pan in (a) A siangsa kham, mi hausuah na, (b) guak din’ selna ding puan paak, (c) Mit khuamuh na ding mitza pia hi.

HIH THU THUMTE BANG GEN NOPNA LIM AHI HIAM?

“Hih lai aa, mei tawh kihal siangsa kham a cih ciangin upna leh itna agenna hi. Tua in lungsim sungah hauhna hi. Mei tawh aki sian’ sak khit ciangin halbeh lai leng, te’ semsem lel hi. Puan paak in, gamtat hoih na Khris thumaan na, mawhneite sung a kiguang pen ahi hi. Tua in, vantung kizepna, sawl man nopna ahi, hehpihna leh pilna, mite khemna pana amaan lo mawhna, bawlte tel khiat theihna ahi hi. 4 T, 88 (1T 477, 478).

UPNA LEH ITNA
Upna leh itna pen kham tawh lim nalak a, Khasiangtho gah ahi hi. Amau te kizat na E.G. White in hih bang in gelh hi. Itna kigawm hi a, itna pen upna sang in lut masa ding hi. Satan in, Pasian in Amite a piak thu manpha mang sak ding hanciam den hi. Mite in nuntak khat sung ah kimawl bangin thu tuam tuam kiphu kha to ciat hi. Satan in ih mimal omzia tek thei a, hih itna leh upna hong hepkhiat sak thei leh a, tua mun ah angsung khualna leh uplahna guang leh, ami khem siamna ngian tawh amanpha ih ngah ding teng hei khia in, ih mawhna ah a lel pa hong suak sak nuam ahi hi.” 2 T. 36,37.

Itna in thukham zuihna ahi pah hi. Tua in manntaka kikhel a, Khris batna ahi hi. Itna omlo in tapidaw kici thei lo hi. Bang hang hiam cih leh, itna neilo mi in Pasian thei lo hi. Pasian in itna ahih man hi. John 4:8. Itna in nuntak sung gamtatna ah kilang hi. 1 Cor. 13. Kikhemnate, angsung khualnate nilkhia aa, migitnate, citnate, midangte adding deihsak nate guan’ sak hi.

Itna in ki-el nate, en’na, hazatna te phiat a, hehpihnate, leh kilemnate guan’ hi. Kitotna leh thumang lo a kiselnate nilkhia in, ei mai bek khualnate that in, muhdah nate bei sak in thang paihna leh lung hamnate pelh khia in, lung muan na, ahoih lam ngimna leh lungnop nate lak hi. Ki muan’ lahnate leh launate hawlkhia hi.

Mawhna hong maisak Khris upna tawh ki-itna pen lungsim gimte hehnepna in hoih pen hi. Thu piang khat peuh sattam ding leh lungsim kip lote ading in zatui hoih pen ahi hi.

Tua itna neih theihna ding in, thupha-naak Khris Zeisu pan bek in hing hi. Paul in “Upna tawh tua Khris na lungsim ah aten’n leh itna pen hong po in, zungkha ding hi,” ci in gen hi. Eph. 3:17. Khris in nuntakna sungah lut in lungsung ah akip leh, (Ka nuntak hang in kei ka hing kei hi. Khris ka sung ah ahing hi zaw hi) itna pen hei suk hei toh a vekpi a ukpa ahi ding hi, “Khris itna in hong len den hi.” Gal. 2:20, 2 Cor. 5:14.

Itna leh upna kikop pen in vantung nopna, galmuan’na hong pia hi. Tua in ih khaleh Pasian kikal ah kizopna hi a, mawhna khat longal kuamah in sutat thei lo hi. Pasian’ mawhmai sak na leh Ama’ vanglian tawh hong nungta sak hi. Upna in Pasian hong khap thu teng kingah ding hi, ci in hong muang sak hi. Topa’ thupiak (thukham) te zong lawp tak in hong zui nuam sak hi.



To get the latest update of me and my works

>> <<