MUC

Print Friendly and PDF

Wednesday, July 6, 2016

Cidamna tawh kisai theihhuai




CIDAMNA TAWH KISAI THEIHHUAI THU TUAMTUAM

1.  Na ankam a lim kei leh mehkha malneu khut dim khat khawng gawi-in tui pound 1/2 hai dim tawh helin dawn in.
2.  Mit nai kai, mit thak, mit taak thei te'n khuaizu or tampaya tui taak khat ta minute 10 sung kaal khat 2 vei taak le hoih hi.
3.  Na om dan nuamlo-in naci a gik nianua leh ci kizutin kisil in.

4.  Na ci a hoih ding nadeih leh nitak nalup ding ciang khuaizu kizut in.
5.  Mit za hoih pen: Zingsang thawh ding ciang kizia phot in. Tua khitteh tutphah sang tungah minute 10 sung tu-in na khete tuibuakin nul keu pah in.

6.   Taii cancer a damthei nawnlote: Leenggah tawi lang ding khawng zing leh nitak anne lo-in ne leh hoih hi.
7.  Taiina theite: Lukham lo-in thal lup inla na khut phek sa in na deekah koih in na khemete amai lamah a kawi theih zahin kawi sak inla khe lamto in zing leh nitak khatvei ta bawl leh hoih hi.

8.  Thei teh leh bawngnawi huankhawmin ne leng sungpai man sak hi.
9.  Na lutang anat leh: Thawhbat teh mei ah lumsakin natal zut in. 10.Leenggah teh vui sikkeu nih leh tui hai khat helin diah khawm in ni khat hai nih ta dawn leh pasalte vantawh kisai natna dam hi.
Thangkhuai Pum leh Cidamna

1.   Na gil a nat gaihgaih leh tahngkhuai pum leh lothan kaang khang khawmin ne in.

Na ihmut theih kei leh tahngkhuai pum thum bang nei inla tuisa tampi dawn in. 
3.  Khuhsuak in khaksawh a pai theih kei leh tahngkhuai pum tam sim pian ne suk pah in.


4.  An na guih khak leh thangkhuai pum ne masa pah hamtang in.

5.  Tha bei-in na lung avaih leh thangkhuai pum tampi tak na nek kawmkawmin kisil mun pian in.
6.   Cisa in na lutang a nat leh thangkhuai pum huan in, asa simsimin a tui nadawn khit phetin puan tawh kikhuh pah in.
7.  Numeite a nin pai amaan kei leh kawlkai teh tawh thangkhuai huankhawmin a tui nikhat gukvei bang dawn leh hoih hi.

8.    Zun tawh kisai nanat leh a tampian nene inla kawlkai guisan te tawh thangkhuai pawlkhat huankhawmin a tui nisim phial in gukvei ta bang dawn hamtang in maw.


Lothangkaang amanphat Zia:

1.  Lothangkaang ke 15 khawng gawi-in tui hai 1 tawh hel inla nisim 3 veita dawnleteh hoih hi.

2.  Gilna, thabei, sungpai, cihik, sungkhak, gilpi ummna, an kam limlo, bukkhuh, awmbing, lungtangna, lutang natnate dam sak hi.


Lothangkaang ke 2,3 nisimin Neden lecin
1. Sikhang, zunkhum, bukkhuhte dam sak hi.
2. Pumpi sunga ahoihlo gute beisak hi.

3. An gawi thahatsak bek lo-in sin leh gilpi thahat sak hi.

4. Tuap a dingin huih diik na lampi tha hoih sak hi.

5. Gilsung a om lungno, huut te sisak hi.

6. Guh leh tang nate adingin hoih mahmah hi.


Tuiminsa Dawnna Hang a Damna Zatui

Zingsang thawh phet a tui min dawnna pen natna gil/lian tampi tak 100/100 damsak ahihna pen Japan gam a mipilte in a muh khiat uh zatui hoih mahmah khat ahi hi. Lutangna, gilpeengna, TB, Kal, le zun tawh kisai natna, sungpai, sungkhak, mitna, Naubu cancer, bil le nak, lungtang tawh kisai natnate damsak hi.


Tui dawn Zia Ding:

1. Zingsang na thawh phet ha na nawtma-in tui pound 1 hai, hai 4 ta dawn in.

2.  Haa na nawt khit ciang minute 45 sung bangmah ne kei in. 
3.  Minute 45 khit ciang anne in tui na dawn ngei bangin dawn in.

4.  Zing an, sun an, nitak an nek khit minute 15 pan nai 2 sung bangmah ne kei in.
5.  A zenzenin cina lua leh teeklua in tui hai 4 thakhatin na dawn zawh kei leh tawmno ta dawnin la zingsang khat hai 4 na dawn zawh dong in damdamin khan toto in.

6.  Hih a tunga bangin zui lecin cinate zong damin midangte zong acidam nuntakna hong pia in na lung nuam ding hi.

Akisam zahte in:

1. Gilpina leh sungkhak
ni 10
2. Sikhang, zunkhum, sikhum
ni 30
3.TB
ni 90
4. Cancer
ni 180

Khuak asia sak Thu 10

1.  Zing an nek lohna: Zing an nelo te sisan sungah a khum dat tawm ahih manin khuak cidamnading a kisam ante kim zo nawnlo-in khuak tha kiam sak hi.

2.   An tam nek luatan: A kisam zah sangin an tamzaw in nek ciangin khuak pan a pai sihuite khawh sakin lungsim thanem sak semsem hi.

3.  A khum tam ne lua: A khum tam ne lua leh protein dat leh cidam nading akisam ante hup theih nading khaktan ahih manin khuak nangawn zawngkhaal sak hi.

4.  Huih siantho lohna: Khuak pen ih pumpi sungah Oxygen dat kici huih siangtho tam a tung pen hi-in huih siangtho lo diik kha leh khuak tha kiamsak hi.

5.   Ihmut cimlohna: Ihmut ciangin khuak tawlnga ahih manin ihmut cimloh sawt lua leh khuak sung a om cell te si man ghi.
6.  Ngap loh ciang khuak zang teitei: Cidam loh ciang khuak nasia tak a zatna leh lai et, laisim tamlua leh khuak kisai baih hi.

7.  Lup ciang lutuam den: Ihmut ciangin lutuam le hang huihniin kikhol-in huih siangtho tawm lutlua ahih manin khuak kisia zawsop thei hi. 
8.  Khuak nak zat lohna: Thungaihsutna in khuak na asem sak hi gige in khuak zangin thungaihsun mun kei leng khuak ton tektek thei hi.
9.  Kam tawm lua: Theihna leh ngaihsutna a khangto sak thei thu kikupna kampau tawm lua leh khuak sep theih thasanna tawm sak semsem hi.

10.    Zatepna: Zatepna leh thu ngaihsuttheihna beisak natna nangawn ngah lawh liang hi.




By Sianu Awi Khan Dim


12 page of 18 << 1 2 3 4 5 6 7 8 9 10 11 12 13 14 15 17 18 >>


Note: Hih atunga Article pen Sia Naa Mung laibu sungpan kila ahi hi.



To get the latest update of me and my works

>> <<