By: Dr Gin Lian Mung
MMCC Principal
Zuau ki gengen leh , asawt ciang thumaan kisa, zuau gen biakna-in ka nei kha hiam? Pasian in hih thu khempeuh gen a, "Keimah longal pasian dang na bia kei ding uh hi." Pai. 20:3. Pasian simloh biak dang ka nei kei hi, ka ki cih leh, pasian tuamtuam a biabia peuh ka hi kha tam maw, ci-in ka ngaihsun zel a, "Pasian i itna a kiamsak i lunggulhte peuhmah, ei' pasian dingin i bawlna hi" ci-in (E G White, Tuan Pupate leh Kamsangte) sungah kigelh hi.
Sum biakna, zaa leh min deih biakna, mi lianpi suah ding biakna, mi mai-et , mi' maipha ngah nop luat biakna, kei leh kei dik kisa, cing kisak biakna tuamtuam a nei ka hi gige mawk hi. Ahi zongin Thumaan ka nei hi. (We have the truth) Vantung gam tung ding hing , ci kaankaan lo napi, Zeisu deih bangin a nungta pawlkhatte,Mikangte ukcipna pan suahtak nadingin makaipi Martin Luther King, Jr. "Zuau thu tawh gualzawh sangin thuman tawh guallelh manpha zaw hi", ci ngam lel hi.
Bob Jones University a phuankhia Bob Jones in, "Zuau thu tawh mi lianpi ka suah ding sangin, thuman tawh bangmahlo ka hi nuam zaw hi", ci ngeu mawk hi. Min leh zaa ngah nading zuau thu leh khemna zangin, tungsiah thuneite a hilopi-in mawk phatphat khem nasem tam mahmah hi. Naseppihte sasehin zangin tungsiah
I paunak khatah, " Thuman gen leh sazang kap a val" kici hi. Thuman lua leng hong kinawlkhiin, kivaal hi. A hizongin , Lai Siangtho in, "Thuman thutak hangin gimna nathuak leh thupha na ngah ding hi," ci hi. (IPet.3:14). Thuman mite khut dawh ngen ngeilo hi. Bill Gates, leitungah mihau pen , sum haksat manin sang tawp hi. Citak thuman ahih manin leitungah minthang hi. Henry Ford, nasep apai ciang mawtaw sap ding neilo, khe guak tawh pai ngei mi khat hi mah ta leh, citak thuman ahih manin Ford mawtaw company lian mahmah khat nei hi.
Steel company gol mahmah anei Andrew Carnegie, newspaper hawm kawikawi mi khat hi.Citak thuman ahih manin ni khat ni ciang mihaupi suak hi. Rockefeller, lokho-a-luu lei ah nasem citak thuman ahih manin ni khat ni ciang mi minthang khat hong suak hi. U Thant, UN secretary a sem ngei, kawltu tui, nahtang peuh zuakin nasem ngei khat , citak thuman ahih manin mi lianpi khat hong suak hi. Tu hun a a gah i atte pen a beisa huna i tuhte ahihi. Tuni a i tuhte mailam ah a gah i at ding hi. Ei khangah i at kei zongin i ta, i tu hun ah at pelmawh ding uh hi.
US President a sem ngei John F. Kennedy te innkuan, mel hoih , mipil innkuanin minthang uh hi. A unau un mi khut lum tawh sikhin mawk uh hi. Bang kingawh hiam cih leh nidangin a pa Joseph Kennedy in college gei ah zu zuak ngei ahih manin atate khan sih hi, ci-in, leitung thuciaptehna pan mang nawnlo hi. Hun khat lai-in SDA pawlpi sungah worker promotion om zelzel a, Pr. Danial Nangno, Rtd ( Head of Religion MMCC) a ki forward
Pasian in sep zawhloh , hih zawh loh nei lo napi, zuau gen zolo, zuau gen ngamlo hi. Pasian in thumaan tawh kidim hi. A kisik lo zuau gen mi, Pasian in khah khong paisuak lo ding hi. Mawk koih lo ding hi. A zuauna tawh kituakin ngah kik hamtang ding hi. Gamtatna tungtawn bek hi lo, kampauna tungtawnin thu hong kikhen ding hi. Zuau gen dingin, 1000 lakhs hong kipia leh , zuau gen nuam keng a ci ding mi kisam mahmah hihang. Zuau gen ngamlo mi in, a hangsan pha mahmah mi ahihi.
Conferencete kithuzakna Vol 2, April 2016...
