MUC

Print Friendly and PDF

Tuesday, June 28, 2016

YAHWEH- PASIAN MIN



"Min i cih bang hiam?" By: Sia Kham Sian Lian

The American Heritage Dictionary, Second College Edition ah "min" pen a dangte panin hong ciaptehna, hong khentuamna hi ci hi.


Banghangin "min " kisam ahiam? Kibatpih tampite lakah hong kiciapteh nading, hong khen tuam nadingin"min" pen kisam hi. "Kuate Bangte in Min nei hiam?

Kibatpih a neite in "min" nei uh hi. Gentehna, leitungte, aksite, vantung mite, mihingte, ganhingte, singkungte, gamte, khuate, mualte, guamte, luite, gunte, tuipite in min na nei uh hi. Ei mihing pah phot awn 6000 val om ahih manin tua kibatpihte pan a khentuam ciapteh nadingin "min" kisamin kinei tek hi hang. Mi khat bek om leh min a kisam khol diam cih zong lungngai in.

"Min" a kisan' dan

Lai Siangtho huninah " min" pen kithupisak hi.Tuni dong mahin nisuahna gam lamah tua ci lai hi. Amau' hun lai-in ami a ki muh loh hang a min a kizaak bek tawh min neipa' zia ding na thei uh hi. Gentehna, Jacob"mikhempa" cihna hi a, a mi muh kullo-in, " aw amah tua dan aive" kici thei hi.

Min a kisap leh a kisap loh amun amual dan

Gam mi khat in gam uk kumpipa kiang lai a khak teh lai-ip tungah kumpipa ci peuh mah leh mi dang kiang tung lo ding a kumpi pa kiangmah tung ding hi. A hang pen kumpipa cih pen kibatpih a neih loh man hi. Kumpipa in mi mawkmawk khat lai a khak leh mi' min at kul ding a(ki batpih a om man), lam min at kul ding a (ki batpih a om man) khua min at kul ding hi. ( ki batpih a om man) Min tawh kisai hih thu i sang thei hiam?

Pasian ee leh?

Mi leh min thu i gen khit teh Pasian leh min thu lamah kalsuan to dih ni. Thu- Hilhkikna 6:4 ah " Topa i Pasian in khat bek ahi hi." ci hi. Tua hi leh a tunga i gen dan mahin gam khatah kumpi khat bek om a hih teh" min kullo-in lai kikhak thei hi i cih sa mah bangin 'Pasian pen khat bek hi, kibatpih om lo hi i cih khit nungsang Pasian in " min" a nei diam cih lungngaih ding kisam lo diam? Pasian zong a kibatpih a om teh bek "min" kisam pan ding hi.

Tua hi-in Pasian min pen tua hi, tua hikei cih tawh i buai kul hiam cih ngaihsut huai hi. Pasian in Moses tungah "keimah ka hihi" (Pai.3:14) na ci bek hi. Ki batpih dang a om lohna kilangh hi. Yahweh hi'ng, Elohim hi'ng, Elshadai hi'ng, Adonai hi'ng, Jehovah-Jireh hi'ng, Jehovah Shalom hi'ng na ci lo hi. Tuate mihingte' phuah tawmsak hi. Mittaw 6 te in saipi a muhdan a gen dan uh tawh a kibang hi. "ELshadai" Ka Topa hi"Adonai" sang pen Pa hi. "Elyon" cih danin a phuak uh a hih lam kimu hi. Tuate lakah Israel te in Pasian zahtaak khengvaal lua-in Pasian min kilo kha leh niin bangin teh cihna tawh a kilawh theih loh nadingin aw suah theih dingte guang lo-in "YHWH" ci-in na gelh bek uh hi. "Yahweh" ci leh min kilo kha thei ding ahih man hi. " Min" cih thu kikum khin ta ahih manin Lai Siangtho sunga Pasian' min hi ci-a i saksakte mihing lam pan a a tuah thu uh tawh kizui-in a phuah hi cih a tel thei dingin Pasian in thupha hong pia ta hen.

Conferencete kithuzakna Vol 2, April 2016...

To get the latest update of me and my works

>> <<