Lai kong gelh peuhmah kei muhna ciang ong gen hi ci-in na tuat
kei un kei muhna ciang hilo zaw-in a thu taktak hang a hihi....ka theih,ka tel
teng zong at khin zolo lai-hing.}
Hih Union te tawh sabuai khat ah thukikum ding cih pen tusan
san-in nong gen kik uh teh lamdang ong sa ing.Bangzah vei kitukhin-a bang thu
teng tawh ong nawlkhin uh cih pen no na zakhalo maw?
Paizia man tawh sem-in Division te mai mu le-hang piang ding ci
na hih manun hehpihna tawh a maipha uh ong zong unla ong hanciam un.Tu laitak
aa Conference te SDA hilo hi ci-a paikhiat khitsa te tawh bel piang pah dek
nawn ken teh.Tamvei pi ki thu kikupna ki nei-aa lai zong GC,Division,Union tung
ah tampi tak kikhak khin hi.Tulaitak aa CONFERENCE te pen SDA hi ci-a a
sang nawnlo hi ve uh cin bang lawh nawn ding.
Paizia man tawh MISSION sung aa ZOMI SDA te-in onghanciam dih
vevua,no lah SDA a hinawnlo na cih uh Conference te ong pampaih khin hi ve uh
teh.Paizia man tawh kingah ding ci na hih manun MISSION sung aa SDA a kici
te-in ong hanciam un ci-in JESU min tawh ong thuum ing.Hehpihna tawh CONFERENCE
DEIH cih kamaml pen ong pankhia ta un?!
Union te' TACTIC ong gen nuam ing:-----
1.Sumpi gawm kik dingin,Conference te zong lutkik dingin tua
hileh piang thei ding hi cih kammal ong zat uh pen na um takpi kha hi uh teh.Hi
pen i vek-a ong gawicip kik nopna ahih lam telsiam tek ni.
2.Ong pianuam,ong phalnuam uh hi leh tu laitak aa ZOMI SDA
taktak a kici Mission sung aa a om teng-in kipan le-uh teh ong zat ding uh a
TACTIC pen na Lawm ZOMI dangte zong ong lutphot uh hen ong ci ningniang dingin
ong diah toto ding hi. { Ngaihsut huai hi,a paihsa mite peuhmah thutak-in ong
sim vet lo ding hi,phawk gige tek ni, a kam malte zol dikdek,khum dikdek a bat
hang a ngei mah ong bang ding uh hi. }
3.Kawl Kumpi 7 Road Map tawh a kibangin na ong sem ding uh hi.
4.I lawptheih nading in thuhoih tawh ong zol ding uh hi.a hi
ciang khat zong ong sepsak ding uh hi.Central Mission,Soth-East Mission leh
Irrawady Delta Mission khawng ah tawmvei sung ZOMI SDA te panmun hoih nono tawh
ong zol ding uh aa,hun a haksak khat uh teh thu khat ong phuang dingin ong hei
kik ding uh hi. { MUAS,Upper Myanmar Mission a hilo a dang Mission ah ZOMI SDA
te panmun hoih ong pia pak aa tua khiteh ong hepkhiat dan uh phawk tek ni...za
leh panmun deihlua-a CONFERENCE a kideih cih bang a hihloh lam ciamteh tek
ni......i mit tawh i muh,i bil tawh i zak thupiang a hih manin kuaman ong nial
se dah un.
5.Tuni ciang dong,ZOMI SDA sung ah kitelkhialhna,ki itna a
beina,ak gul mu i batna pen amau' POLITIC TRICK hi ci-in i theih ding deihlo a
hih man-in pawl khat phattuamna ong piapak uh hi.
5.Conference na deih uh hangin kilem kei lua uh teh,ong kilem
phot un ong ci ding hi...i kilem lohna bang hang.....?
I phawk khak pak ding aa kong gualh suk hi-in a tamzaw om lai
hi.DEEK TE peuhmah muhdah ding hilo-a i Zogam ah SDA ong kipatna zong DEEK sia
pawlkhat hang zong a hi hi.A mimal peuhmah muhdahna hilo zaw-in a THU leh
PAIZAI hi zaw hi.{ General Aungsan in Mikang Kumpi te tung ah no ong mudah hi
kei ung,sepzia,paizia bek hi zaw hi a cih thu zong phawk tek ni...1946 kum
Kyaihkasan Tualpi ah Mikang Governor Lord Mountbattan tung ah a gen a hi
hi.}Ahi zongin,Rangoon Gov. bek a omlai takin Kawlte' ong zolna tawh amau te
kidokhia ahih manin tua hun-aa kipan CHIN cih pen it dakdak khol lo hi.Ki
thukik,ki el neih cih pen ei ZOMI te sangin amau ei tung ah tua bang lungsim
ong neihna khauhzaw,thukzaw pek hi.Ki thukkik zong kul setuan lo hi.
Sanggam te aw,ei leh ei kikhem bawl kei ni.....!
HONG IT,
Pa Kai Lun Mang
WZ-111,BODELLA
VIKAS PURI
NEW DELHI-110018
INDIA
Cont. No.:0091-9953292507
