MUC

Print Friendly and PDF

Tuesday, June 21, 2016

Sept 24 Thirteenth Sabbath Program, 3Q 2016

SEP 24

Thugen masa: Tu quarter mission news i zaksa om mah bangin East Central Africa Division sunga SDA pawlpi nasepziate i za khin hi. Tu Sabbath-in i zak ding thu in South Sudan gam a Pasian nasepzia, Global Mission nasepna tungtawnin dawiveite in damna thu i za ding hi.

Thugen Nihna: Pawlpi mite in Global Mission ah nasemte tel uhhi. Pawlpi in hih Global Mission ah nasemte huhna tawm pia zo bek uh hi. SDA thuman a kigen nailohna munte ah va gen uh-in, mi kim khat in tua thumante umin, pawlpi kiphut kawikawi thei hi. Global Mission sunga nasemte in a tawm pen kum 3 pan kum 5 sung bang sem uh hi.

Thugen Masa: Ajak Bol Ayuel in Upper Nile Field ah GlobalMission nasem khat hi. 2015, May kha a kipan nasem hi.

Thugen Nihna: Ajak’ omna khua in gol lua lo hi. Tua munah tualgalhong om in, mi tampi in galtai uh hi. Ahi zongin Ajak le a innkuanpihte ahih leh aomna khua uah omsuak uh hi. Koi mah a pai lo mi 10 val khawng om a, tuate kiangah Pasian nasemin om hi. Gal a ven ciangin khua mite in hong ciah kik uh hi.

Ajak in mi tawh kikhawlin, amau kitangnate a huh theih bang huh hi. Amau kiangah va hawhin Lai Siangtho sinpih hi. Ni khat Ajak in a tuahkhak thute hih bangin pulaak hi.

Thugen Masa: Ka vengte numei khat in dawi vei hi. Tua nu kapintau-tau thei zel hi. A inn panin taikhia-in ko innah hong tai-in leilakah hong tuksuk hi. Kei zong ka inn panin ka pusuak khia-a “ hih mipa deih keng” ci-in kiko veva mawk hi. Leilak pan thoto-in kuu gawpin, taikhia-in Pentecostal biakinn lam manawhin taikhia hi. Tua biakinn sungah lutin awng gawpin, kilumkhuk gawp hi. Mi hon khat biakinn sung panin taikhia-in tua nu lengawp uh hi. Tua nu zong taikhia thei nawn lo hi.


Kei hong muh ciangin “ hih mipa deih keng,” ci-in hong awtsan gawp hi. Kikhawm mite kiangah hih nu aa dingin thungen ni, ka ci hi. Thungetsak ding ka va nehphei leh, ka mai ah huih lum mahmah khat hong om vat mawk ahih manin ka nungkik kha vat hi. Bang bang ahi zongin a dawivei na panin a dam nading thungetsakna kisam hi, cih ka thei hi. Ka neh pai kik a, Topa muangin thunget ka kipan hi. Thu ka nget laitak mahin dawi in tua nu sung panin taikhia hi. Tua nu in a kim a paam en kawikawi-in “ koi bangin hih lai mun tung ka hiam? ci-in hong dong hi. Ama tungah bang piang cih a phawk a kipan Topa tungah lungdamko-in Pasian min hong phat hi.

A inn ah hawhin ama kiangah “ Pasian in na sung panin dawi hong hawlkhiatsak hi. Tu-in a tawntungin thungen in. Tua hi leh na sungah dawi hong om kik thei nawn lo ding hi,” ka ci hi.

Thugen Masa: Ajak in hih numei Lai Siangtho sinpih hi. Amahzong nuamin, a sawt lo-in tuiphum ding khensat hi.

Thugen Nihna: Tu quarter sungin i zaksa om bang mahin SouthSudan gam in gal tuak kha ngei uh hi. Tuate lakah pawlpi khang veve hi. Juba khua panin radio tawh thugenna hangin mi tampi in SDA thuman za thei-in tampi mah tui kiphum khin uh hi. Kim khatte in ahih leh a lawmlegualte tung panin SDA thuman za-in pawl sung hong lut uh hi.

Thugen Masa: South Sudan gamah biakinn a om sam hangin naupang le khangnote in Sabbath niteh thusin nading inn le mun neilo uh hi. Pathfinders, khangno thusina cihte nei thei lo uh hi. Singkung nuai, mun awng khat peuh ah kikhawm uh hi. Guah zuh loh ciangin kikhawm thei uh a, guah a zuh ciangin kikhawm thei lo uh hi.

Thugen nihna: Tu quarter Sabbath 13-na sumpi in Juba khua-aom khangno le naupang kipahtanna ding inn lam na’ngin kipuak ding hi. Tuk le khalin bang mah nawngkai-na om lo-in khangno, naupangte hoihtak kikhawm thei ta ding uh hi.

Thugen masa: Tua banah Sabbath 13-na sumpi in Kigali khua-ah om Adventist University of Central Africa puah nadingin kipuak ding hi. I zaksa mah bangin Rwanda tualgal hangin thu-um mite in Khrih sungah khangto-in khat le khat a mawhnate uh kimaisak-a, kipum khat nadingun thungetna ah phawk ciat ding hi hang. Adventist University of Central Africa panin nursing le zatui tawh sangkahna lam puahtohna ding kizang ding hi. Hih sangpi pan sangman khitte in mun tuamtuam ah Pasian’ na sem uh hi.

Thugen Nihna: Adventist University of Central Africa in kisapnatuamtuam nei hi. Sangnaupangte boarder inn behlap kul hi. Annekna inn zong lambeh kul hi. Tu quarter Sabbath 13-na sumpi tawh kihuh ding hi.

MUC’ puakna ding mun: 2015 kumin guahtui menciim hanginTuikhingzang kisiatna hangin a khua buppi-in mun dangah kituah uh hi. Tu quarter 13 Sabbath School sumpi in Tuikhinga biakinn lamkik nadingin kipuak ding hi.




To get the latest update of me and my works

>> <<