MUC

Print Friendly and PDF

Tuesday, June 21, 2016

SEPT 10 |NUNGTA KIK 3Q 2016


SEPT 10 |NUNGTA KIK

Samuel Ndagijimana


April 16, 1994 ni-in tualgal nasia takin om a, khat le khat kithahna tam mah mahin, Samuel in lau-in Mugonero zato sungah busim hi.Biakinn sunga om mite a thah khit uhteh mi thatte in zato lam zuanin hong pai uh hi. Zato inn sungah khan khat khit khan khat thah ding mi zong kawikawi-in a muh peuhpeuh kaplum, bomb puakkhamsak uh hi. Samuel in a si khin mite nuai-ah misi kineihin busim hi. Tua bangin zankim nai khat dong tua ci om hi. Zingsang khua hong vak ciangin mun dang khat busim leuleu hi.

Tua bang kawmkal lak pan a suaktate in Pasian’ hehpihna hang bekin suakta ahih lam uh phawk thei uh hi. Bang hang hiam cihleh tualgal kithahna kha thum sung bang sawt hi. Rwanda kumpi in zong kilemkikna ding hanciam takin nasem hi. Thukkik ding sangin maisaka kilem ding vaihawmpih uh hi.Ahi zongin tua bangin mithatte kumpi in thubawl-in a mawhna daan uh thuak ding uh hi.

Tuhun a Mugonero omzia

Mugonero zato ah natna neite in damna ngah uh hi. HIV, AIDS, TB, nattun natna, cihte a kipan cidamna ding nekledawn tawh kisai thusinna zong nei uh hi. Samuel in zato mawtaw hawl hi. Hih zato in a kim a pam a om khuaneu 6 bang ah nasem hi. 2015 kum a kipan Adventist University of Central Africa tawh kikhopin hih zato ah nursing sinna zong nei uh hi.


Tualgal om ma a kipan Mugonero zato inn in picing mahmah khin hi. Zato nasep dan zong hoihin mi tampi in a belh mahmah zato khat hong suak hi. Galven khitteh zong hih zato in na tampi sem hi. Ahi zongin East Central Africa gam ah siavuan, zato ah nasem ding mi tampi kisam lai hi. WHO in a sehna dan ah mi 8000 ciangin siavuan khat hi ding kimlai, tu-in Rwanda gam ah mi 20,000 ciangin siavuan khat bek om zo hi. East Central Africa gam ah mi 17,000 ciangin siavuan khat hi zo pan bek hi.

Naupang kum nuaisiah 100,000 ciangin mi 500 bang si hi. South Sudan gamah naupang 100,000 ciangin 2,000 bang si hi.

Siavuan hoih om leh gam mite zong cidam zaw ding uh hi. Siavuante in Khrih bulphuh in cinate don ding kisam hi.

East Central Division sungah SDA pawlpi in zato 10 nei-in, cidamna tawh kisai zatui hawmna le thusinna mun 156 bang nei hi. Adventist University of Central Africa sanginnpi panin siavuan, nurse-te in hih zato ah nasem tampi om uh hi.

Tu quarter Sabbath 13 sumpi in Mugonero zato puahna dingin kipuak ding hi.

MUC’ puakna ding mun: 2015 kumin guahtui menciim hangin Tuikhingzang kisiatna hangin a khua buppi-in mun dangah kituah uh hi. Tu quarter 13 Sabbath School sumpi in Tuikhinga biakinn lamkik nadingin kipuak ding hi.

To get the latest update of me and my works

>> <<