MUC

Print Friendly and PDF

Tuesday, June 21, 2016

SEP 17 Thahna thuak naupang 3Q 2016


SEP 17

Thahna thuak naupang

Alphonse le Sebageni


Alphonse in kum 6 a phakin a nu le pa, a sanggam thumte in gallau-in mun khat ah bu uh hi. Kithah ding lau uh ahih manun gamlak ah bu uh hi.




“ Ka nu le ka pa in kuama muh loh dingin bukzia ding hong hilh uh hi. Ka nu le ka pa a hong kithahsak khit ciangin ka sanggamte tawh galtai-in ka bu kawikawi uh hi. Pasian’ hong kepna hangin ka galte khut sung panin ka suakta thei uh hi. Tualgal a bei khitteh ka sanggamte tawh tagah omna khatah ka om uh hi. Hih tagah kepna ah 115 bang ka om uh hi. Ka vekun nu le pa nei lo vive ka hi uh hi.

Innkuan khat bangin om:

Galtaite omna munah om-in a kitangsap bang bang uh an, puansilh ding, laibu, sangsap a kipan kipia-in, tagah dangte tawh tengkhawm ahih manun nuam sa mahmah uh hi. Tageh teng omkhawm a hih manun a gentheih, hamsatnate uh phawk nawn lo uh hi.

Hih tagah kepna nei pa in ka nu le ka pa bangun hong kem ding mi koih uh hi. Hih tagah omna ah a om khempeuh sanggam u le nau, innkuan khat bangin om khawm uh hi. Anne khawm, tuidawn khawm, biakna pia khawm cih bangin om uh a, innkuan khat takpi mah bang uh hi. Friday ni hong tun sialin tawlnga uh, kikhawm,thungen, cih bangin om uh hi. La tuamtuam sa-in, a lasakte uh CD tawh khum uh hi.

Tagah kepna panin tan 8 bang ka zo thei hi. Ahi zongin kum 18 ka phak ciangin ka khua uah ka ciah kik hi. Sanggam u le naute tawh ka kimu kik thei hi.

Hih tagah kepna panin a paikhiat zawh Mugonero zato ah director pa tawh kimu-in, amah pen Brazil pan ahih manin, kamphen dingin hong kisawl hi. Tua leh tawlkhat khitteh Mugonero zato ah tentan kahin ka pai hi. Hih zatopi ah 2015 kum a kipan mipi tawh kizopna le cinate muak nasep lamah na kasem hi.

2012 kumin Aphonse in zi nei hi. Tu-in ta nih nei uh hi. Hih zato ah nasep nuamsa mahmah hi. Innkuan lungsim nei-in khatlekhat kihuhin kipumkhatin nasem uh hi. Hih zato nasemte a tamzaw in Adventists thu-um mi vive hi.

THUNGEN TAWNTUNG:

Alphonse mah bangin Sebageni zong tualgal kithahna hangin nu le pa nei nawnlo, tagahin om hi. Amah le a sanggam nih suakta uh hi.  “ Rwanda gam nitumna lamah ka teng uh hi. Ka nu le ka pa in Adventist thu-um mi hi uh a, ka pa in University of Modendi ah nasem hi. Galte in University innpi halmang uh a, tua sungah ka pa, ka nu le ka pi-te zong om ahih manun suakta thei lo-in kangtum uh hi.

“ Ka nu le ka pa in thungen tawntung un. Topa sungah kiptakin om un. A tasam mi khat peuh na huh zawhna dingun thungen un,” hong vaikhak ka mangngilh kei uh hi. “ Ka nu le pa, Congo panin hong pai ka pite in thahna thuak uh hi. Tan 10 ka mankhitteh sangzop theihna dingin huhna ka ngah hi. Anhuan tawh kisai sin dingin kei zong sang ka kah hi.

“ 2014 kum ciangin Adventist University of Central Africa gam ah a khawnkhong in sangkah theihna ding ka ngah hi. Hih mun pen ka nu le ka pa hong kithahsakna mun hi. Tu-in hih sangpi ah business (sumzona tawh kisai) ka sin hi.

“ Business ka lakna a hang pen, mi tampi in Jesuh mangngilh uh hi. Mite kiangah Jesuh thu gen nuam hing. Theology a sin hi leng, theology a la sangnaupang tamkhin hi. Ahi zongin business la-in nasem leng Lai Siangtho thuman thei nailote kiangah kigenthei zaw dingin lamen ka hih manin business a la ka hi hi.”

“ Mihau khatin a sum khempeuh tawh Jesuh nung zui thei hi. Sum nasemte in zuau zangin nasem tampi om hi. Ahi zongin sum gu lo-in na kisem thei hi lo hiam? Sum tawh nasepna ah thuman cihtak kisam hi. Koi bangin aituam a ding bekin nasem lo-in mite aa dingin zong nasem thei ding cih pen ka lunggulh mahmah khat hi. Sum tawh nasepnate ah mi tampi in aituam metna ding bekin nasem uh hi; midangte

aading ngaihsutsak lo uh hi. Tua bangte lakah thumanin nasepzia ding kei mahmah in hilh nuam ka hih manin theology sin lo-in business a sin ka hi zaw hi.”

“ Ka Nungta lai hi.”

Sebageni ii deih Lai Siangtho mun in Isaiah 41:10 “ Lau kei in. Nang ka hong ompih hi. Lungkia kei in. Kei mah in nangma Pasian ka hi hi. Kong thahatsak ding a, kong huh ding hi. Ka khut taklam le keima dikna tawh nangmah kong tawisang ding hi. Hih mun in Sebageni deih mahmah khat hi. Bang hang hiam cihleh 1994 kumin mihing 1,000,000 valin tualgal hangin thahna thuak uh hi. Tua lakah kei ka suakta hi, ci-in Sebageni in pulaak hi. Jesuh in eite aa dingin hong si hi-in sihna pan thokik hi. Ka nu le ka pa, ka innkuanpihte hong kithahsak mangkhin hi. Ahi zongin amau sihna in tawntung sihna hi lo hi. A sawt lo-in sihna pan hong thokik ding uh hi. Pasian in nunna pia kik ding hi.”

“ Lai Siangtho ka sim ciangin ka nuam mahmah hi. Ka kapnawn kei hi. Tua in Lai Siangtho a thupitna hi. Lai Siangtho in ka thangahna hi. Jesuh hong pai kikin hih leitung siatna khempeuh nusia-in vantung ah hong laktoh hun ka ngakngak hi.”

Sebageni in Adventist University of Central Africa ah a sangzawh ciangin leitung mite in Jesuh a theih nadingun ngimna tuamtuam nei hi. “ Midangte huhna in thupi mahmah hi. Itna hang bekmahin kihuh thei hi.

Mai Sabbath in tu quarter Sabbath 13-na ahih manin Sabbath sumpi i khiatngei ii a zah thum khiat ding a kiza sak hi hang.

Mai Sabbath Mission news gen ding mi nih sawl in.

Leitung gamlim khat kiging khol un. Rwanda, South Sudan gam in koi ah om cih mipite lak in.

To get the latest update of me and my works

>> <<