MUC

Print Friendly and PDF

Thursday, June 9, 2016

M leh C Tangthu Pawlkhat



Dear Sia Suankim,

 Ken mimal in kong telloh hangin nang ong tel ding dan in mu ing in ka lung dam hi. Net sunga MUC vai na lai gelhna sung pan hih anuai-a thu tawh kisai in, Pr. Ngul Khaw Pau in Tahan biak in ah thugenna cih lai in kei om kha lo hing, in ken tel lo hing cih ong thei sak nuam ing. Buai khit lam in Pr. Ngul kHaw Pau inn ah hawh ngei mah ing in, hih dan ong gen pih ngeilo hi. President ka hih lai in a DD ka zak ciangin UMM in pahtawi nuam in Document ngen in pai ngei ing, ngah keng. Buai khit AC. Gulfan Jr. ong pai 2003 in zong ama inn ah hawh ingin, Upper Myanmar pen Union Mission khat in ngen leng ham pha ni cih bel ong gen.

Karen le Zomite buaina zong Gulgan tungah ka gen ciangin "Ganhingte zong huang sung khatah Sahang le sakhi zong om khawm thei buang hilo maw? ong cih ciangin, Himah hi, huang sung khat ah a om khop theih na dingin Sahang kituam umm-a, Sakhi kituam um hi. tua hi kei leh Sahang in Sakhite petlum in nekhin ding hi, ka cih leh Gulfan Jr. nui hi.. . " cih bel kei kiang ah ong gen. tua ban ah, ATI pen Kalemyo ah ong phut le cin Kalemyo ahi leh hel ding hi, . . . " hong ci. Tua zawh in bel Kai Za Dal te unau in ka DD ong haza kei mawk ngel tazen uh.." cin alung kimlohna bel ong gen mah.

Tua lo Offshoot vai agenna zalo in, nang genna munah kei om khalo hing cih ong zasak nuan hi ing.

Tua ciangin Offshoot cih kammal pen Organizational administrative term hi-a, tanglai Catholic hat hunlai in zong, Reform a bawlte zong, offshoot peuh, in kizang kammah ahi hi. Offshoot ihih manin, Jesus piak gupna om thei nawnlo cih dingin Lai Siangtho le theology bulkip omlo in mu ing.

Tua ban ah MYUM le MUC vai a sungtawng lut-in UMM, MYUM, Division, GC ahopih Kawlgam MUC pan kei simloh(kisialhna hilo in a sungthu theitel ing kacihna hizaw)om in um keng. 2010 kum in UMM  in bel MYUM cih bang bang ci hi. MYUM-President Pr. Memory in bel "We must protect the church untill die" ci gemgam pong sam hi.Tua in problem solution zonnopna idea dawksaklo in Sawl bangin Pawlpi kem Pasian nasem in amah le amah aki ngaihsutna  dawk sak hi. SSD  pan Pr. AC. Gulfan pen MYUM tawh nak dinn khop cih mu ing. Conference cih genloh Mission zong Kawlgambup pen Local Mission nih bek suah nuam ing, Leadership quality nei kei, sum zong nei kei. Nih kisuah leh zum sung staff nasem tam pi in field ah sem thei ding hi, ci hi. Ahih hangin tua banglian in aman zong sem ngam kei zel sam. GC-a SSD alen(Europe lamte, tun retire la ta, amin mangngilh ing) tua pa genna ah "Church Protocol" om ahih manin SSD sap loh in GC ong lut thei kei ung cih amau ong dawn kikna hi.

Hihteng i et ciangin: 

Tua Protocol pen Lai Siangtho hilo hi. Organization a tung le anuai kitukalh loh nading ethical guideline khat hi. MUC le MYUM buaina pen Doctinal Beliefs buaina hilo hi. Administrative buaina hi. MUCte in SDA Organizational structure langdo lo hi. SDA Fundamentl Beliefs zong langdo lo hi. Tua tawh kisai 2006 March kha in makai mi 12 signature tawh Official Declaration kibawl khin hi. Tua thu a tellote in lampial, ci uh hi. Lampial cih criteria bangteng cih SDA theological point pan in kikantel nawnlo kha hizaw in mu ing. A gal panin Thaupi tawh kigal kapkap bang lel ahi hi.

Hih buaina pen, buaina hithamlo hi. Buaina akisuahsak ciang buaina apiang hi bek hi. Conference deihte pen MYUN in asim gawina 1987 khit a kipan hi. 1993 in Conference ading makai kitel mi 13te pen Mandalay pan mi nih(amin imm) in MI(Military Intelligent) tungah Upper Chindwin Liberation adingin kipawl uh hi, ZNC(India) ah sum tawh support uh hi, VOA tawhkizom uh hi cih thu tawh khia ngei khin pek uh hi. Tua mi 13te pen Conference adingin makai in a kitel uh hia, Far eastern Division ah Unionte Session a trick manlo azat uh azasak minthuh mi 13 te ahi uh hi. Tua sungah Kai Za Dal zong kihel-a, Mandalay Nandwin sungah Taih Peih in kha 6 kikoih pah hi. Athu MI te in kan uha, a manloh lam amuh uh ciangin khah kik uh hi. Hihte pen tangthu ana omsa dimdem ahi hi.

Tua ahih manin, ahoih lamin la leng, MYUM in ama neih khuak pilna tawh asep theih ciang asem hi a ama dinmun pan sang siam lel ding thu ahi hi. MUC in zong khantoh nading deihna tawh ahanciam toto hang kidong khak ahihmanin atawpna ah hibangin asem ahi hi. Tua bangin en leng MUC dinmun zong san siam ding tampi mah om hi. Anih tuak un Doctrinal Beliefs vai buai lo uh hi.

Hih buaina pen Administrative buaina hi-a, athutello pi in Doctrinal buaina tawh alam pial bangin ki ngawh kha zhi zaw hi.

Hih buaina aki phisian ma-in, MUC in dinmun khauh ong nei toto ding uha, hun khat ciangin, Organizational solution ong zong lel ding uh hi. tua ma sungin Jesus tawh direct in kizom in na asem uh suak ding hi. Organizational solution aneih ciangun GC khutnuai ah organizational level dangte tawh sem khawm ding uh hi cihna ahi hi.

Muh dan azai na dingin, China gamsunga SDA kicite kalsuan dan zong na sim ding in kong han thawn hi. China ah SDA 300000 bang om ding hi. Norther Asia-Pacific Division sung ah om uh napi, organizational link neilo uh hi. Tuiphum na bangah numeite in tuiphum lel uh hi. Division in pomlo, khamlo uh hi.SDA GC in numei tuiphumna a san loh hangin amau na zang khin pek uh hi. Tuate in tuiphum nading Credential koi pan ngah hiam? Division in pilo hi. Jesus tung pan direct in angah uh ahi hi cih ding himai ding hi. Bang hang hiam cih le< Matte 28:19-20 sunga Jesus in anungzuite pai unla, mi khempeuh nungzui nasuak sak khit uh ciangin, Pa min, Tapa min, Kha Siangtho min tawh na BAPTAIZ un..." ci hi. Tua pen Ellen G. White in The Desire of Ages(Khangcin Lungdeih) sungah comment abawl na sungah tua commission pen nungzuite bek hilo, thu um mikhempeuh tunga kipia hi ci hi.

Tua ban ah, SDA Pastorte in mikhat atuiphum ciangin, akhut khat van lam ah lamto veva hi. Tua pen Ordination piakna hi, cin AIIAS Professor Dr. Carlos Martin in a laibu Adventist Church Growth, Classnot for CHM 600 sungah gelh hi.

Tua ahih manin, thu khat peuhpeuh in Cause le Effect nei ciat hi cih itel ding thupi hi. MUC vai ah zong Cause om ahih manin Effects om hi cih hi-a, bang cause teng hih effact ong om sak hiam cih thukpi tak in na kantel nading kong thum hi. ATI khong MBCF cih khawng pen Emergency cause hi bek zaw hi.
Topa in thupha ong pia hen,

Adventist Upna Sungah,
siakhen
Kham Khen Pau
Email:siakhen777@gmail.com
          sya.khen@yahoo.com


To get the latest update of me and my works

>> <<