MUC

Print Friendly and PDF

Monday, June 20, 2016

LESSON 8 | AUGUST 13 – 19

LESSON 8          AUGUST 13 – 19
                                            ZEISU IN LAINAT ITNA LAK
                                        
                                            

TU KAAL SUNG SIM DING: 2Kum. 13: 23; Pai. 2: 23 – 25; Luke 7: 11 – 16; 1John 3: 17; John 11: 35; Romans 12: 15; 2Kor. 1: 3,4.


KAMNGAH: “Tui gei-ah Zeisu a tun ciangin mihon tampi a na om a mu hi. Amaute hehpihhuai sa a, cinate a damsak hi” ( Matt. 14: 14).


Kum 17 a pha nungak no khat amah le amah kithat hi. Tua nungak in bang zahin lunggim hiam? A nu le pa bang zahin lunggim ding hiam? Pastor pa tua inn ah vahawh hi. Inn sungah lutin bang mah pau lo-in inn sungah tawlpi khat va tu hi. Pastor in amaute mah tawh dahkhawm hi. Pastor in a khitui a nul khitteh pauhet lo-in ciahkhia hi. Tawl khat khitteh inntekpa in pastor pa omzia patau hi. Tua hun laitakin misi nu le pa in bang mah kamciam, thugen cihte kisam lo uh hi. Amau kitangsap lianpi in amau lakah kihelin va ompihn ahi hi. Inntek nu le pa in pastor pa lainat hehpihna hangin nuam uh hi. A dah mite tawh kibangin dahkhawm, amau thuak bangin va thuakpih cihte in lainat hehpihna a hi hi. Tua bang mahin Zeisu in a dah mite tawh dahkhawmin, hehpihin lai-nat hehpihna tawh kidim hi.

SUNDAY AUGUST 14

TAU-NA, THUUMNA AW ZA

Vankumpi in lianlua mahmah, zailua mahmah hi. Tua sungah mihing in cihtham hetlo, mannei hetlo phial hi. Leitung pilna in tua bangin ngaihsun hi. Piansakna thu um lo-in na khempeuh in amau thu-in hong piangtawm hi, cih upna in na khempeuh lauhuaina tawh kidim hi, ci-in hong patausak tawntung hi. Leitung pilna in mihingte lamet nei lo-in hong koih hi. Ahi zong Lai Siangtho in tua bangin hong hilh lo hi. Ngimna tawh hong kipiangsak a, a mannei nuntakna tawh a nungta i hihlam hong theisak hi.

A nuai-a Lai Siangthote in Pasian in mawhna tawh kidim leitung a itna, hong hehpihna koi bangin pulaak hiam?

1.Thukhente 2: 16 – 18 ___________________________

2. 2Kum. 13: 23 __________________________________

3. Isa. 54: 8, 10 _________________________________

Mi kimkhat in Thuciam Lui sungah Pasian in mawhna

maisak lo, a gilo Pasian, hehpihna nei lo Pasian, ci-in pulaak uh hi. Thuciam Thak ahih leh mihingte hong hehpih Pasian hi, ci-in gen uh hi. Ahi zongin koi bangin Thuciam Lui in Pasian’hong hehpihna pulaak hiam?

Pai. 2: 23 – 25 sim in. Koi bangin Pasian in gimna thuak mite hehpih hiam?

________________________________________________________________________

__________________________________________________________________________

Pasian in mihingte hong lunghimawh tawntung hi (James 5: 11) Lai Siangtho in zong hih thu mah hong hilh hi. “ I dahna, i kampaute in Topa lungsim lawngkha hi. I lungkhamna, i hamsatna, i nuamnate Topa in cihtham lo, awlmawh lo-in a om kei hi. Vantung Pa ii theihkhakloh, a lunghimawhpih loh gimna a mite in thuak ngei lo hi” Ellen G. White, Stepts to Christ, 100.


Na pawlpi in bangci bang mite'lunggimna Pasian kiang a pulaak pih hiam? Koi bangin cimawh gentheite huh ding hehnem dingin Pasian in hong zang hiam?

MONDAY AUGUST 15
                   HONG LAINAT I TOPA


Mihingin a hong nuntaklai-in Zeisu in hehpihna, itna tawh mi lakah kihel tawntung hi. Zeisu in mihon tampi a muh ciangin amaute hehpihhuai sa a, cinate a damsak hi” ( Matt. 14: 14).

Matt. 9: 35, 36 sim in. Koi bangin lainat hehpihna, itna

cihte kilangkhia thei hiam?

____________________________________________________________________

_____________________________________________________________________

Hehpihna i cih in a gim mi khat, amah bangin gim, amah bangin tawl, a dah mi khat amah bangin dah hi. A gim, a tawlna va theihpih cih bek hi lo hi. Koi bangin cimawh dongtuak mi khat, innkang, misi nei, cihte na thuakpih hiam? Amau dinmunah omin na dahpih hiam? Hehpihna takpi a neite a gamtat zia in pulaak hi. Va hawh, huh, cihte a kipan na hehpihna na lak thei hi.

Kipawlna tuamtuamte in dongtuahna lianpi- tuiciin, huihpi hanga cimawhte huh uh hi. Mite phawkkhak loh dongtuakna lianpi-in kisim lo dongtuahna tampi om hi. Zeisu in hehpihna lungsim nei hi bek lo-in, hehpihna a neihna tawh kizui-in gamtang hi. Tua bang ding mahin eite zong hong kisawl hi. Genthei cimawh a tuak mi mu lehang hehpih hi. Tua bangin na hehpih manin bang na sem hiam?

Zingsang annek laitak a zi in a thuzak khat, mundang khat ah tuahsiatna hangin misi tampi om hi, cih thu a pasal kiang hong gen hi. Tawl khat khitteh a pasal in bang mah kuppih lo-in bawllung kisui thu khat a zi kiangah gen hi. A pasal in dongtuak mite hehpih ding cih lungsim nei lo ih. Eite zong hih pasal mah bang zel hi lo i hiam?

TUESDAY AUGUST 16

AMAU DINMUNAH A OM DINGIN KINGAIHSUN IN


Kol. 3: 12; 1Pet. 3:8; 1John 3: 17 sim in. Bang hong hilh uh hiam? Koi bangin hehpihna nei ding na hiam?

_________________________________________________________________________________________________________________________________________

_________________________________________________________________________________________________________________________________________

Hehpihna cih kammal in Latin pan pai hi-in ‘thuakkhawm’ cihna hi. Gimna a thuak ngei khat in khat ii thuak gimna ngaihsun thei ding hi.I gentheih laitakin hehpihna deih lo kuamah om lo ding hi. Tua hi-in a dongtuak mite i hehpih ding kisam hi. Samaritan mihoihpa thu i theihsa hi. Zeisu in Samaritan mipa tawh kisai in “ Samaria mi khualzin khat hong pai-in tua pa kianga tun ciangin mu a, hehpihhuai a sa hi” ci-in pulaak hi (Luke 10:33). Hehpihna in a cimawh mipa dinmun ah omin kingaihsun ahih manin cimawh mipa kisap huh thei hi. Siampi pa le Levite mipa in hih a cimawh mipa huh leh bang tuak ding cih ngaihsun uh hi. Samaritan mipa in ahih leh a cimawh mipa huh lo-in paisan hi leng hih mipa bang suak ding cih ngaihsun hi. Samaritan mipa in ama tuah ding ngaihsun lo-in a cimawh mipa aa ding ngaihsun zaw hi.Ama nunna piakhia ngam hi. A theih ngeiloh mikhat aa dingin a neihsa khempeuh zangngam hi. Khristian thuzuihna ah zong i nuntakna a lauhuai hun, supna, gimna lianpi zong i tuah hun om kha thei ding hi.Tapa taimangpa thu ngaihsun in (Luke 15: 20 – 32). A pa in a taimang a tapa hangin inn sungah lungkhamna, buaina, gensiatna tuak hi lo hiam?

A taimang a tapa inn hong tunkikteh a pa in itna tawh angkawi-in, tapa hihna pulaak puansilhsakin, tapa a muanna-in zungbulh khat bulhsak hi. Suahtakna khedap bulsak pah hi. A taimang tapa in a neih khempeuh beisak hi, bang mah don lo hi, noptat hi, kidek kidam lo hi. Tua bangin a gamta a tapa inn hong ciah kik ciangin a pa in maizum hetlo-in a neih khempeuh tawh lungdamin pawipi bawl hi. A tapa u zaw muhna ah a pa in a neih khempeuh kimanna nei lo-in beisak hi, ci-in ngaihsun hi. A kisikkik a tapa’ muhna panin a pa in na khempeuh a zangkhia pa hong suak hi. Hong ciah kik a tapa hangin lungdamlua-in a pa in a neih khempeuh suplawh hi.

Hih thu in hehpihna le itna nei khempeuh in aituam hamphatna hemkhia-in, puahphatna lam manawhin kalsuan hi, cih hong lak hi. Piakkhiatna, supna om lo-in hehpihna le itna om thei lo hi.

WEDNESDAY          AUGUST 17

ZEISU A KAP HI

Zeisu kap hi ( John 11:35) cih thu Zeisu in mihing taktak ahihna pulaak banah gimna thuak mite tungah bang lungsim puak nei hi, cih hong hilh hiam? Romans 12: 15 zong sim in.

____________________________________________________________________

_____________________________________________________________________

Hehpihna, lainatna, itna in Zeisu nunzia hi. Sihna pan Lazarus a thawhkiksak madeuhin a dah mite tawh dahkhawmin, a kap mite tawh kapkhawm hi. Ahi zongin a it mipa sihna hang bekin Zeisu a kap hi lo-in mawhna hangin mi khempeuh thuak gimna hangin a kap hi zaw hi. Mawhna hanga gimna khempeuh amah kia bekin a pua ding hi ta hi. Pasian thukham palsatna hangin a hong piang gimna khempeuh hangin a kap hi. Leitung ah mawhna hong om a kipan, Abel in thahna a thuaka kipan tu ciang dong siatna bei lo hi. Zeisu in leitungah a hong tung ding gimna le dahnate a ngaihsut ciangin khitui luanglo-in a om thei kei hi. Leitung mihingte gimna khempeuh Ama tungah kisuan hi. Tawldamna hong pia nuamin gimna khempeuh a ngaihsut ciangin guntui bangin a khitui khawl thei lo hi. Ellen G. White, The Desire of Ages, 534.

Leitung in gimna, cimawhna tawh kidim hi. Hih thute telhak hi. Ahi zongin Topa in a theihkhak loh na khat beekbeek om hi. Mihing in a telloh thute Pasian in tel sinsen hi. Mihingte thuak ding gimna hangin Zeisu kap lo-in om thei lo hi. Topa Pasian bekin i dahna, i gimnate tel pen hi.

Pasian in dahna pan a suakta dingin hong bawlkhol ahih manin bang zahin lungdamhuai hiam? Leitung gimna in bang zahin Zeisu dahsak hiam?

THURSDAY         AUGUST 18

A DANG HUHPA KHAT

“Hehpihn hong pia i Pa le hehnepna khempeuh hong pia Pasian, i Topa Zeisu ii Pa le Pasian tungah phatna om ta hen. Tua Pasian in eite hong hehnepna mah bangin tua tawh eite in zong haksatna a thuak midangte i hehnep theih nadingin i thuak gimna khempeuh ah a hong hehnem hi”(2Kor. 1: 3, 4). Gimna, dahna thuak ngei khin na hih manin gimna, dahna a tuak kha mi khat va gimpih, va dahpih ding hi lo hiam? Bangci bangin mite na hehpih hiam?

Hehnem cih kammal in mite tawh mapangkhawm, thasankhawm cih khiatna nei hi. Gimna i kantak zawh nadingin Zeisu in tha hong guan hi. Midangte i hehnep zawh nadingin khat veivei ciangin dahna, gimna i tuak kha zel hi.
Pawl sungah gimna thuak a om mah bangin nuam a sa pawlpi mi zong om hi. A tuamtuam kigawmkhawm tua bang pawlpi in mite belh ding mun muanhuai ( Gam. 35), damna guntui (Eze. 47: 1-12) suak thei hi.

Mi hehpihna, lainat theihna cihte kisintawm thei hi. A nuai-a thute in hong huh thei ding hi.
1.   Ahi bangin thuman in. Na kam sangin na bil tamzat zaw in. Na pumpi omzia in hehpihna, itna na neihlam kilangsak in.

2.   Na hih theih bangbangin mi na hehpihzia kilangsak in. Mi kimkhat in kahna tawh hehpihna pulaak uh hi. Kim khatte ahih leh kah lo-in na khat peuhpeuh tungtawnin a hehpihna lak hi.
3.   A dah, a gim mite lakah va kihel in. Amau tawh omkhawm in.

4.   A gim, a dah mite om nop bangbangin omsak in.

5.   A gim, a dah lua mite omziate theitel in.

6.   Na dah, na gimnate hong theihpih ing, cih na pulaak ding kidawm masa in.
7.    Mi a makaih siam zaw deuhte in genpih leh hoih hi.

8.   Na lungsim takpi ahih khol kei leh ‘ nang aa ding thu hong ngetsak ing,’ ci mawkmawk kei zaw in. Amau tawh thungen khawm in. Pasian hong kamciamte pulaak in.

9.   A huh thei ding mi nih le thum kaikhawmin huh un. 

FRIDAY AUGUST 19

SINBEH DING: Thkna. 24: 10-22; Jonah 3; Mal. 3: 17; Matt. 15: 32

– 38; Mark 6: 34- 44; Gal. 6:2; Heb. 10: 32 – 34. Ellen G. White, “ Be Sympathetic to All Men” in My Life Today, 189; “ Thoughtful of Others”, 193; “ The Privilege of Prayer” in Steps to Christ, 100; “ This is Pure Religion” “ The Parable of the Good Samaritan” in Welfare Ministry, Chapter 4.

Innkuan nih le thum kipawlkhawmin a veng a paam uhah cimawh genthei, inn nei lote aa dingin na tuamtuam kaikhawmin va pia uh hi. Tawl khat nasep khit uhteh a mawtaw uh tawh khua sung lam zuanin hong pai uh a, na hawm kawikawi uh hi. Vak kawikawi uh a, tua khitteh nitak an ne dingin mun khat hong zuan uh hi. Tua bang teng leh amaute lak pan mi khat in “i nasep bel ka lungdam mahmah. Ahi zongin i an piak mite tun a gil uh kial kik ta ding hi,” ci-in pulaak hi.

Leitungah cimawh genthei mi tampi om hi. Nang le kei in bang sem zo ding i hiam? Mi kimkhat in bang bangin huhna i pia zongin cimawh mi bei lo hi, ci-in kuamah huh lo uh hi. Na huh theihzah, na huh zawh zah tawh huh lecin, mi khat teitei-in phattuampih ding hi lo ahi hiam? Jesuh Khrih hong pai mateng hih leitungah gimna, gentheihna bei lo ding hi. Jesuh mahmah leitungah mihingin a hong nuntaklai-in gimna khempeuh beisak lo hi. A omomna ah thupha bawl hi. Eiten zong kimlepaam a om mite eima hih zawh zahzah tawh hehpih, huh ding kisam hi.

KIKUP DING DOTNATE:

1.   Koi bangin na pawlpi in lungsim kitamte, dongtuak cimawh gentheite aa dingin damna mun, mun muanhuai suak thei hiam?

2.   Mi tampi in “ Bang hangin Pasian in hong huh lo hiam? Bang hang hiam cihleh a mite in Amah kin lo uh hi, ci uh hi. Hih thu nang bang na cih muh hiam? Hih bang ngaihsutna khial nasa hiam? Dwight Nelson, Pursuing the Passion of Jesus ( Idaho: Pacific Press, 2005).

3.   “Deihsakna tawh i pulaak kammal khat mal nih, kithupi simna, cihte in lunghimawhna, lungmanna hemkhia thei hi. Lungsim siangtho neite in Khrih bangin mi hehpih uh a, lungsim takpi tawh nasepna khat peuh tungtawnin Kha Siangtho in mihing lungsim lawng hi.” Ellen G. White, 9T., 30. Hih thu in a dah, a gimte 

To get the latest update of me and my works

>> <<