MUC

Print Friendly and PDF

Monday, June 20, 2016

LESSON 2 | JULY 2 – 8

LESSON 2         JULY 2 – 8

UKZAWHNA NGAHKIK DING


TU KAAL SUNG SIM DING: Pian. 1: 26 – 28; 2: 15; Late 8: 3 – 8; Pai. 20: 1 – 17; Rom. 8: 20 – 22; 1: 25; 2Thess. 3: 10.

KAMNGAH: “ Tua ciangin Pasian in, “ Eima lim eimah hong sunin mihing bawl ni. Tuipi ngasate tung, huihlak vasate tung, ganhingte tung, le leitung a a bokvakte khempeuh tungah ukna neisak ni,” a

ci hi. Piancil 1: 26.

Adam le Eve in mawhna a bawl manun Pasian tawh maitang kimuhtheihna ngah nawn lo banah siatna leitang uk hi. Pasian tawh maitang kimuhtheihna dingin tatkhiatna kisampah hi. Piancilin na khempeuh in Adam khut sungah om hi. Ahi zongin mawhna sung hong tung uh a kipan Satan’ ukcipna sung hong tung hi. Tua hi-in Satan in hih leitung kumpi le ukpa hong hi ta hi. Adam ngah ukna khempeuh tu-in Satan in hong neita hi. Ahi zongin Khrih in mawhna’ thaman sihna hong thuakin mihing hong tankhia banah Adam tungah kipia ukna hong ngahsak kik ding hi. Adam masa hangin i sup khempeuh Adam nihna in hong ngahsak kik ding hi. Ellen G. White, Signs of the Times, Nov. 4, 1908.

Mawhna om banah nate tungah ‘uktheihna’ bei hi. Mi tampi in hih ‘uktheihna’ cih pen a hoih mah hi ding hiam ci-in, ngaihsun uh hi. Adam le Eve tungah kipia ‘uktheihna’ i cih in bang hi ding hiam? Mawhna hangin i tan thuphate ngah kik nadingin koi bangin pawlpi in hong huh hiam?


SUNDAY JULY 3

UKNA NEI DINGIN HONG KIPIANGSAK

Mi khat in Pasian a um lo a lawm numei khat ii pulaak thu hih bangin gen hi. “Leitung in ama thu thu in a piangtawm mah hi ding hiam? Ka nuntakna, ka innkuanpihte a kipan nuntakna in ngimna, a manphatna nei lo takpi mah ahi diam?, ci-in pulaak hi.

Mawhna hong om a kipan mihing in thupha tampi kitaan hi. Pasian a langpan mihing banah khat le khat i kizopna-ah kilangneihna kigalneihna tawh a nungta mihing i suak hi. Piansak nate tawh kizopzia dongin hong sukha hi. Hih bang thute hang mahin “ Pasian om kei” a ci mite in mihing a kipan na khempeuh amau thu-in a hong piangtawm hi-a, “nuntakna in khiatna nei kei. Na khempeuh a mawkna pi hi,” ci-in Piangsak Pa in ngimna tawh nate a piansakna thu phawk thei lo uh hi.

A nuai-a thute in mihing a hong kipiansakna thu bang thupaak uh hiam? Pian. 1: 26 – 28; Late 8:3 -8; Isa. 43: 6, 7. “ Keima minthan nadingin ka piansak” cih thu in bang a khiatna nei hiam? Koi bangin nate ukna tawh kizopna nei hiam?

____________________________________________________________________

____________________________________________________________________

Mihing a hong kipiansakcilin piansak na khempeuh tungah ukna nei dingin Pasian in thu hong pia hi (Pian. 1: 26 – 28). Pasian in Ama vangliatna le minthannate Adam le Eve tungtawnin pulaak dingin a bawl a hi hi (Mang. 1: 5, 6). Piansak nate kemcing ding, a khoi dingin kisawl hi. Mawhna om kei leh a tawntungin amaute tungtawnin Pasian’ vangliatna le minthanna kilang tawntung ding hi.

Tu-in mawhna in leitung ukcip hi ta zongin Khrih a um mite, Ama thu a mang mite le Amah tawh nasem khawm mite in David mah bangin “Topa aw, na itna kip tawntung hi. Na sepsa na maban hong tun ta in,” (Late 138: 8.) pulaakkhawm ding uh hi.


Mi khat in na nuntakna in bang ngimna nei hiam? ci-in hong dong hi leh, koi bangin na dawng kik ding hiam?

MONDAY JULY 4
UKNA NEIH MIHING’ HAMPHATNA

Nate tungah ‘ukna nei’ cih thu in bang pulaak hiam? Pian. 1: 26 – 28. “ Uk” cih kammal in Hebrew laimal ‘radah’ panin hong pai hi-in, nate tungah thuneihna, ukzawhna le nate kepcing ding tavuan neihna pulaak kammal hi. Koi bangin thunei-in, uk ding le kemcing ding cih Lai Siangtho in a hong hilh loh hangin, susia lo ding, nate tungah thupha bawl ding kul hi, cih i theithei hi.

Pian. 1: 28 ah kizang kammal uk cih le Hebrew 2 sunga kizang ‘uk’ (Hebrew laimal kavash) in nate tungah uk na pulaak kammal hi. Thuciam Lui ah ‘kavash’ kammal kizatna Gamlakvakna 32: 22, 29; Jer. 34: 11,16; Esther 7:8; Neh. 5:5 cihte ah mihing tungah hong kipia nate tungah mihing i omna, ukna pulaak uh hi. Tua thu hangin nate a susia mi tungah Pasian’ hehna hi. Pasian in tua bangin ukna a hong piak hun mawhna omna in nate a sia-sak dingin thu hong pia hi lo hi. Pasian in nate a kepcing mah bangin mihing in zong piansak nate kemcingin ukna hong pia hi zaw hi.

Nate tungah ukna a hong piakna thu koi ah kimu beh lai hiam cihleh Pasian in Eden huan kemcing dingin Adam koih hi (Pian. 2: 15). Lokho ding, puah ding, a cing ding, a kem dingin ukna kipia hi. Nate tungah ukna i cih ciangin nate itna nei-in itna tawh kepcing ding cihna ahi hi. Adam le Eve in Pasian tawh hoih tak a kizop mah bangun nate tungah Pasian’ itna a kilangsak dingin ukna kipia ahi hi.

Tuhun ciangin nate uk cih thu in nate zawhthawhna, suksiatna vive in kizang khial hi. Lai Siangtho in tua bang dingin ukna hong pia hi lo hi. Mawhna omma Adam le Eve in nate tungah ukna tungtawnin tuhun aa dingin nate koi bangin kepzia ding na phawk thei hiam?

TUESDAY JULY 5

GAMGI CIANGTAN

Mihing in nate tungah a neih ukna in ciangtan a nei diam? Ciangtan nei mah hi. Adam le Eve in Eden huan sungah amau deih bangin gamta ding, Eden huan kemcing dingin huan sungah om uh hi. Na khempeuh amau khut sungah om hi. Ahi zongin amau khut sungah kipia lo om hi. Gentehna-in Adam le Eve in sia le pha theihtelna singgah tungah thunei lo uh hi (Pian. 2: 15 – 17). Huan sungah nasem dingin kikoihin, a nek loh ding singgah a nek manun piansak na khempeuh in kisia khin hi (Rom. 8: 20 – 22).

Pai. 20: 1 – 17 sim in. Bangci bangin Pasian’ thukham in ciangtan i neihzia pulaak hiam? Thukham in mihing in ciangtan nei i hihzia bang pulaak hiam?
_______________________________________________________________________

______________________________________________________________________

Satan in tanglai a kipan mi tampi a uk mah bangin leitung bei dong mah uk ding hi. Tua bang mite lak pan Pharoah, Herod cihte zong kihel hi. Amaute in Satan mah bangin hih leitung ukpa-in kingaihsun uh hi (Jn. 12: 31). Ukna zangkhial uh cih kimu hi. Ahi zongin tua bang ukna a nial mi tampi om hi (Matt. 25: 14 – 30; Lk. 19: 12 – 27). Mawhna hangin mawhna om ma-a Pasian’ hong piak ukna mihing in a neih nawn lo hangin tua ukna mihingte in nei thei lai veve hi. Gentehna-in, Khrih bulphuhin i gamtatzia ding ki-ukna i nei lai hi. Kim le paam nate a kipan singkung lapate a kemcing ding tavuan i nei lai hi (1Kor. 9: 25 – 27; Gal. 5: 22, 23; James 1: 17; Matt. 25: 14- 30). Thu-zui mi khat in ama hihtheihna kiciangtan hi mah taleh, kim le paam nate susia lo-in, a zuun a puah dingte i hi hi.

Na innkuanpihte, na lawm na gualte le naseppihte na ut bangin na khut sungah a omlohzia ngaihsun in. Tua thu phawk kawmin, Matt. 7: 1, 12 sim inla, na khempeuh i khut sung ahih lohzia ngaihsun in.

WEDNESDAY JULY 6

LEITANG KEPNA


Topa Pasian in mipa la-in, Eden huan kho-in a kem dingin a koih hi.” Pian. 2: 15. Singkung lopa, nuntakna nei khempeuhte tungah i lungsim puakzia ding bang hong hilh hiam?
__________________________________________________________________

_____________________________________________________________________

Mawhna om ma-in Pasian in Adam le Eve tungah na khempeuh a kem dingin muanna tawh ap hi. Amaute in ganhing, singkung lopa-te tungah ukna nei uh hi. Ahi zongin mawhna hong lut a kipan mihing in Pasian tawh a kigal mah bangin ganhing, singkung lopa in mite’ gal hong suak hi. Ganhing, singkung lopa, khua hunte tungah Pasian’ piak ukna a bei hi phial pah hi. “ Pasian tungah a cihtak laiteng Adam in piansak nate in ama nuai-ah om ahihlam uh phawk ciat uh hi. Ahi zongin Adam in Pasian tungah a cihtak loh a kipan tua ukna taan pah hi. Adam in Pasian a langpan a kipan ganhingte dongah a langpanna in hong lawhta hi. Tua hi-in mihingte banah ganhing khempeuh, singkung lopa, huihlak vasate dongin siatna hong thuak uh hi.” Education, 26, 27.

Tuhunin zong khuahunte kisiatna i thuak hi. Nisa, tuicin, huihpi namcin hong tam semsem hi. Tua manin mihingte in amau’ pilna siamna tawh kibawl set van tuamtuamte tawh khuahun puah dingin hanciam uh hi. Ahi zongin tua pilna in siatna tampi hong tun zaw sop hi. Kim le paam, khuahun cihte kisia-sak i hih manin, tua siatna ii gu i thuak pah hi. Mihing in teitang, kim le paam nate susia ahih manin mihing mahin gimthuak hi.

“SDA thu-um mite in bucing nunna, kim le paam a puah, a zuun ding i hi hi. Pasian in a bawl na khempeuh it-in kem hi. Mihing kitangsapna khengvalin, aituam, huaihamna hangin na khempeuh kisia mang khin hi. Tua bang nunzia a pelh dingte i hi hi.” Official Statement of the SDA Church on Environment,” 1955.

Leitang le a tunga om nate’ manphatna phawkin, puahin zuun ding kisam hi. Tua kawm mahin koi bangin manpha-sa lua liangin piansak nate biakna tawh kipelh ding na hiam? Romans 1: 25 in bang hilhkhol hiam?

THURSDAY JULY 7         
UKNA NGAH KIK DING


Adam le Eve a mawh a kipan Eden huan sungah om theihna ngah nawn lo uh hi. Nate tungah uk zawhna zong nei nawn lo uh hi. Tuate ngah kik nadingin Khrih hong pai hi. Khrih in eite aa dingin hong nungta-in, Pasian’ sapna ngah mi khempeuh in midangte tungah zong thupha a bawl ding le Khrih hong piak hotkhiatna hilhsawn dingin sapna ngah i hi hi. Khrih hong pai kik mateng i nasep kicing lo ding hi. Ama hong pai khit ciang dongah a bei lo ding thu ahi hi. Tu-in zong hih thu i hilh ding mi tampi om hi. Tu mahmahin zong tawntung puahphatna nasep a sem dingte i hi hi.

A nuai-a thute in mawhna hangin i tanlawh ukna ngah kik nading bang hong hilh uh hiam?

Thkna. 15: 7 – 12: _____________________________________

Luke 14: 12 – 14 : _______________________________________

1Pet. 3: 15:   _______________________________________

James 1: 27: _________________________________________

Isa. 58: 7: _____________________________________________

2Thess. 3: 10: _________________________________________

Pawlpi in na tampi sem zo thei hi. Pawlpi in a sep theih bangbang semin, huh kisam mite a huh ding ahi hi. Nuntak nading kisam anletui, silhleten a kipan om nading neilo-te a huh dingin Pasian in pawlpi hong sawl hi. Leitung nuntak khuasakzia bek tham lo-in, tuate sang a thupi zaw, mawhna sung pan a suahtakna kisam pen hi. A hoih zaw nuntakna a neih nadingun a hun, a mun, kuamah deidan lo-in huh ding ahi hi.

I kim i paam ah mite in nuntak khuasakzia kibang lo, ngeina tuamtuam om mah taleh mite aa ding khuavak, lametna a guan dingin Pasian’ sapna ngah mite i hi hi. Hih in hong it Pasian, hong honkhia Pasian aa dingin teti panna khat a hi hi. Kimlepam aa ding khuavak ding leh lametna a guan dingin Topa hong piak hatna tawh i sep theih bangbang sit nei lo-in na a sem ding i hi hi. Thu-um mi khat in a septheihna khiam lo ding hi. Tua bangin i sep nak leh midangte in Pasian zialetong mu thei ding uh hi.

Midangte kitangsap i va huh ciangin thuman a theih nadingun lampi kihong hi-in Kha Siangtho in tua bang mi’ lungtang lawngin thuman hong mu thei ding uh hi. Khrih in tua bangin nasem hi. Ama nungzuite in zong tua bang mahin a sem ding hong deih hi.

FRIDAY JULY 8
SINBEH DING: Ellen G. White, Temperance and Dietetics”, 202-206; “Discipline,” 287 – 290; “ Need for Self Mastery,” 73, 74; in Counsels on Diet and Foods; “ The Principles of Stewardship,” 111

– 113; “ Sharing in the Joys of the Redeemed,” 348 – 350 in Counsels on Stewardship.

Mawhna, siatna tawh kidim tuhun i nunzia hangin Eden huan a nop zia ding i ngaihsun thei kei hi. Lai Siangtho in mawhna kipatzia, na khempeuh kipatcilna hong hilh lo hi leh, na khempeuh in a piangtawm mawk hi, ci-in i ngaihsun kha thei ding hi. Nate kipiansakcilin leitung in tu-a dinmun bangin a piang dingin kipiangsak hi lo hi. hi.

Adam le Eve a kipiansakcilin tu-a dinmun bangin a nungta dingin kipiangsak hi lo hi. Ahi zongin mawhna a bawl uh a kipan na khempeuh kilamdangpah hi. Nate tungah ukna zong tan pah uh hi. Mawhna hangin supna in lian lua mahmah hi. Leitang mahmah in ling le guu namcin tawh kidim pah hi (Pian. 3: 17, 18); tuicin khit mun le mual kisia mang hi (Pian. 7: 2); mawhna hangin leitang mahmah kisia hi. Siatna namcin khempeuh panin a hong kihonkhia khin hi (Rom. 8: 19 – 22)” Handbook of Seventh-day Adventist Theology, 254.

KIKUP DING DOTNATE:

1.   Koi bangin Lai Siangtho in kimlepaam na khempeuh kemcing ding le a zuun ding a kisapzia hong hilh hiam? Pai. 23: 10 – 12; Thkna. 11: 11, 12; 20: 19, 20). Koi bangin piansak nate biak khak loh ding hong hilh hiam?
2.   Khuahun pai-zia, nate om zia ngaihsun in. Piansak nate in i gal hiam? Ahih kei leh phattuamna hong pia lawm bangin ngaihsun ding i hiam?
3.   Nuntakna in mannei hiam, ngimna a nei hiam, ci-in hong kidong hi leh, koi bangin na dawng diam? I dawnkikna in Pasian a um lo mite le piansakna thu a um lo mite’ dawnna tawh a kilamdang diam?

4.   Koi bangin piancil hun lai-a Pasian’ hong piak nate tungah ukna ngah ding i hiam? Ukna in a hoih mah a hi diam? Koi bangin tu hun aa dingin zong thu hoih hi veve lai thei hiam? 

To get the latest update of me and my works

>> <<