MUC

Print Friendly and PDF

Sunday, June 12, 2016

Ki susu sei lo in

Ih sepna peuh ah Kamsang  misiangtho te gamtat dan in gamta in,  a hi pen ahibangin gen ngam le hang, ih it Zomi tampi takte, Deekte nasem in ih om buang kei ding hi, nek ding kisam khasum te leh, vanleng letmat peuh iplahna in ih minam te galsim bangin ih sim pen a dah huai mahmah ah hi.  Maymyo ah ka om lai-in, ATI kipatna te leh a lim kilakte uh om leh laite om hi napi’n ih muan mahmah Pastor tampi tak in ATI sang ka thei kei hi ci-in laisiangtho nam in nial uh hi.  Tulai tak a Zomi pil kisa mahmah sia sem tampi tak in, Conference te khial hi na cih ngambangun, Mission deek tapong te khialhna kawk ngam pahpah hi leu ci’n Mission sungah om in, na minampih Zomi kici te thongsungah denna, biakinn te kikalh ciangin, nuam in, lungdamna laite gelh zuauhzuauh buangin na om kei ding uh hi.

A sungpan kipan in hih ding cihpen, tuma kum tampi lai pek in kigengen sa hi a, a beisa kum 50 val pan ong pai ding Zeisu ong kum dongin, na ngah vualeh, kipawlpih ding hi a, lungdam in kipan pih pah ding a hi hi, ahizongin, Deektapong te khutsungpan na ngah ding uh sangin Vantung leh leitung beimang zaw ding hi.

C te M tawh  kisai nawnlo  ci ci khin a,  zun leh ek ko in ko dikdek khin ih hihteh, M sungah na taw uh phah dihdiah unla,  no omna ah, nuamtak in na omlel un,   thu thei kisa mahmah ih hihleh, na innkuan sung vua ding thu tampi na gel unla, C te aading bangmah ong gel se kei un, huhna ong kingen a, nang lo in piang mahmah kei ci in ong ki thuum ngeungau a hih kei nakleh, C lai peuhmah ong gelh nawn dah uh,  Minam zuak, sum  leh khasum iplah,  C leh M lemtuah ding a, ong pai in vanlengsap ngah nading peuh in, C te gensia, pilna sang mahmah nei ki cici in, pilna neilo lo sila a, Zomi nam mipihte, zun leh ek in ko, biakinn khat pan khat ah, ih pai koikoi te nikhat niteh, Pasian in mangngilh kei ta hen!

Sum leh paai neih man lel in, zum kong mangkong ah zo ih sak nate, Pasian in gualzo in ong tuat mah diam, Topa Zeisu nei mite nuamna tua bangmah hiam?  Pasian a tungpan in ong en gige ta hen,   Zomi nampih zuak a, thumaanlo, Pasian langpan, kumpi langpan, pawlpi policy langpan mite nasepna ah nuam a sa, mite thongsung kikhum cianga, nuam a, ankam limte, biakinn tawh kikalh in nuam a, Pasian ong nasep na hi ci a, laigual gelh deudau te, Pasian in a tungpan ong vil gige ta hen!

Bawlsiatna thuak, maizumna thuak mite kiko na leh,  makai hihna, sumleh paai neihna hangin, zum kong mangkong ah, gualzawhna ngah a, Pasian biakinn kalhcipna thuak a, dah in kap in khituui naptui tawh  aki ko mite thungetna Pasian in guu neisak in,  a dawn nidingte ong mukhol sak ta hen! 

To get the latest update of me and my works

>> <<