MUC

Print Friendly and PDF

Tuesday, June 21, 2016

JULY 9 GALPHUAL AH LUNGMUANNA: Khen Khatna 3Q 2016


JULY 9

GALPHUAL AH LUNGMUANNA: Khen Khatna



Pastor Mark Igga.


2013 kum December kha sungin Rwanda gamah East-Central Africa Division vaihawmna tawh a kibawl Bible Conference kah dingin Malakal panin ka zinkhia hi. Juba ah gam sung buaina om cih ka za hi. December 15 ni-in Rwanda President le Vice President kikal ah kithu tuahlohna om hi. Hih thu hangin
gam sungah buai-na nasia takin hong tung hi. Mi tampi in sihlawhin, kumpi langpanna hong khuah semsem hi. December 24 niteh Malakal khuapi khanglamah nasia takin kido-na hong om hi. Ka innkuanun hih munah omkha ka hih manun zan thapaai lupna nuai-ah ka lum uh hi. Gamsung mi galte in khua sung a langphial bang zo khin uh hi. Tua leh galkapte hong pai-in do mangin amau zong taikhia uh hi. Tawlkhat sung hong daai zaw deuh hi.

Juba khua ka tung hi. Ka zi le ka tate thum, a u pen kum 10, a lai kum 7, a tum pen kum 4 hi-in hih khua panin ka paikhiatpih hi. Juba khua panin UN vanleng ka tuang uh a, January 13, 2014, Sunday ni-in Malakal khua ka tung uh hi. Khua sungah kuamah na om nawn lo hi. Mi khempeuh galtai khin uh hi. Gamsung mite in hih khua zong la dingin kithawi uh hih tuak hi. Kimkhat ahih leh Nile gun gallam ah kituah uh hi. Kumpi mawtaw tawm khat sim loh bang mah om nawn lo hi. Koi bangin innlam zuan thei ding ka lunghimawh mahmah hi.

Khua sung ukpipa tawh ka kimu hi. Ama inn ah ka innkuanin hong paipih hi. Ahi zongin suahtak theih nading lampi om lo hi. Zingsang tungin gamsung mite in khua sung umcih uh a, nitak nai 2 kim pawlin Malakal khuapi la uh hi.

Ka innkuan un ni thum sung koi mah pai khia lo-in lupna nuai-ah ka bucip uh hi. Pasian hong kepna ding bek mah ka ngenngen uh hi. Tua le Thursday ni hong tung a, pawlpi mite khat hong pai-in UN huang sungah kituah dingin hong gen hi. Inn ciah theih nading lampi a om lohlam hong gen hi. Gamsung galte pau thei lo ka hih manin, hong zui dingin ka ngen hi. Ka omna inn ka tun uhteh puansilh ding le ka computer ka tuahkhia uh hi. Inn pan ka pai khiatkhit lian uh leh, biakinn huang ka tung uhteh ka omna inn uh kigalmuhin, ka inn uh kiluhin, na khempeuh lakhin mai uh hi. Bang mah kicih thei lo hi. Bang hang hiam cihleh amau thau nei uh hi. Tua zan pen gamsung galte inn, Mathew B. Chol inn ah ka giak uh hi. Matthew in tua mun ah Adventist pawlpi na phuan hi. A tanu in ko hong makaih hi. Zan ciangin Matthew’ lawmte hong pai-in, hong mu le-uh hong thah sawm uh hi gige hi. Ahi zongin Matthew in amaute kiangah bang mah cih kei un, amah pen ka pastor uh hi, ci-in gen hi. Zingsang khuavakteh Matthew in mawtaw khat tawh UN huang ah hong paipih hi. Tua bangin ka pai-na lampi uah mi kithat tampi ka mu uh hi. Pasian in hong kem ahih manin Ama tungah ka lungdam uh hi.

Mai Sabbath ah zop kik ding.

2015 kumin South Sudan ah Adventist zumpi kikoih hi. Hih gam in East Central Africa Division sungah om hi. South Sudan nuai-ah Bahr el Ghazal, Equatoria Field le Upper Nile Field cihte om hi. South Sudan sungah pawlpi 59 om a, pawlpi mi 24092 om hi.

Juba ah biakinn khat na om a, ka kikhawm thei uh hi. Sabbath niteh naupangte om nading om lo hi. Khangno kimakaihna Path Finder cihte a mun ding om lo hi. Tu quarter Sabbath 13-na sumpi in Juba gama naupangte kimakaihna ding innte kilamsak ding hi.

MUC’ puakna ding: 2015 kumin guahtui menciim hangin Tuikhingzang kisiatna hangin a khua buppi-in mun dangah kituah uh hi. Tu quarter 13 Sabbath School sumpi in Tuikhinga biakinn lamkik nadingin kipuak ding hi.

To get the latest update of me and my works

>> <<