MUC

Print Friendly and PDF

Tuesday, June 21, 2016

JULY 30 | SIVUI KHITTEH KIKHEL 3Q 2016

JULY 30 | SIVUI KHITTEH KIKHEL

Florence Kolok

Florence Kolok in “ Nuam peuh mah ing” ci-in pulaak hi. “ Nuam mahmah ing bang hang hiam cihleh ka nasep sumh ing. Ka nasep sumh kei leng Pasian thei kha lo ding hing” ci hi. Nasep buai den ahih manin Pasian thu kan ding hun ngah kha ngei lo hi. Nasep loh niteh zong khual zinna ding om zel ahih manin Lai Siangtho sim hun, thunget hun cih nei ngei lo hi.

Florence Kolok in kum 60 cing khin hi. Meigong khat hi-in ta nei hi. A neu lai-in Kenya le Uganda gamah gamtaai-in om ngei hi. Tua panin Baptist University khatah sangkahin lokhawh lam le nek le dawn tawh kisai lamah degree khat ngah hi. A sangkah sungin Lai Siangtho zong sin kha ngei hi. Amah pen sangsia khat hi-in tua khitteh NGO le Catholic nasepna khat ah cidamna lam tawh kisai-in nasem hi.

South Sudan a om sungin cidamna le nek le dawn tawh kisai lamah nasemin om hi. Tua bangin nungta khuasa uh hi. Save the Children NGO ah nasem hi. A nasep nunung pen in Sudan kumpi nasep hi-in, gam sung khantohna department khat le innlamna tawh kisai department ah sem hi. Hih a nasep pen 2013 kumteh nasep khawl uh hi.

SIHGALNA PAN DOTNATE


Ni khat Florence in a lawm khat si vagal hi. Pastor pa in dah kei un, misi in vantung panin hong en suk hi. Ei aa ding amah dah zaw hi, ci-in thugen hi. Misi in Jesuh tawh om pah ahih leh bang hangin Jesuh hong pai kik kul ding hiam ci-in ngaihsun hi. Sihgalna pan inn ciah a, inn a tunteh sihna tawh kisai Lai Siangtho in bangci pulaak hiam ci-in Lai Siangtho hong sim hi. October 2014 a kipan Lai Siangtho thuman hong kan khia hi. A sanggam khat Adventist hi.Ahi zongin a sanggampa’ biakna pen khanglui vai lua-sa ahih manin thudon ngei lo hi. Tua bangin Florence in thuman a kanna tungtawnin Pasian in sihna tawh kisai thu le Sabbath thuman ama tungah pulaak hi. Adventist biakinn ah kikhawm.

Florence in a sanggampa kiangah na biakinn uah hong kikhawm nuam ing, ci-in a genteh, mai Sabbath pen mundangah kikhawm nungin, mundang Adventist biakinn khat mah ah na kikhawm in, ci-in kivaikhak uh hi. Florence zong Sabbath niteh Adventist biakinn ah va kikhawm hi. A sawtlo-in Pasian thugenna pawi pi om ding hi, ci-in a pulaak takteh Florence zong lawp mahmah hi. Tua thukigenna hong tun ciangin, Florence zong va kikhawm pah a, a theih nop thute hoih takin hong thei tel hi. Thugen kiman nai lo hi taleh, Florence in tuiphum ding khensat pah hi. Tu-in Florence in a pawlpi ah numei makaipi sem hi.

Florence’ tate bel Pentecostal pawlpi sung pan khangkhia uh hi taleh Lai Siangtho thuman a muhna uh tungtawnin Adventist pawlpi sung hong lut uh hi.

“ Ka Sungah Jesuh ka nei hi.”

Florence in “ Ka ngei ka bang nawn kei hi” ci-in pulaak hi. “ Hun khat lai-in gilo mahmah ing. Mi tawh kitawng pahpah ing. Ahi zongin Pasian in ka nuntakna hong khel hi. Bang hang hiam cihleh tu-in ka sungah Jesuh ka nei hi,” ci-in pulaak hi. Lai Siangtho bek mah sim-in, lungnopna tawh kidim hi. Ellen G. White’ gelh The Great Hope le The Desire of Ages laibu-te zong sim zelzel hi.

A kikhel khit zawh a cidamna zong tampi hoih zaw hi. Sikhum nei hi-in, ngap lo pahpah thei zel a, tha bei pahpah hi. A kikhel khit tua bang gimna om pakpak nawnlo hi. Pasian a theihna hang le cidamna tawh kisai nek le dawn, omzia kikhelna panin a ngah thuphate ahi hi. Nidangin coffee zong lim dawn mahmah hi. Sa ne mun mahmah ngei khat hi. A kikhel zawh sa zong ne nawn lo hi. A sikhum tampi tak kiam hi. Cih mah hunin tua bangin a sikhum kiam ngei nai lo hi.

A siavuanpa in tua bangin a omteh lamdangsa mahmah hi. Florence in bang pulaak hiam cihleh, Pasian thu a theih a kipan a nunzia zong kikhel bek tham lo-in a cidamna mahmah zong tampi hong hoih hi, ci-in pulaak hi. Pastor Elia in zong a pawlpi ah Florence a omna hangin lungdam mahmah hi. Catholic omna munah biakpiakna hamsa ahih manin Florence in 2014 kumin mun dangah kituah hi.

South Sudan gam ah a tamzaw innte in buan tawh kibawl inn vive hi. Kongkhak zong neisak lo uh hi. Leitungah a bei phialphial khin rhino ganhing a kang namte hih gamah om lai hi.

2015 kumin guahtui menciim hangin Tuikhingzang kisiatna hangin a khua buppi-in mun dangah kituah uh hi. Tu quarter 13 Sabbath School sumpi in Tuikhinga biakinn lamkik nadingin kipuak ding hi.

To get the latest update of me and my works

>> <<