MUC

Print Friendly and PDF

Tuesday, June 21, 2016

JULY 23 BIAKINN SUNGAH IHMU 3Q 2016

JULY 23

BIAKINN SUNGAH IHMU

David’ pa in “ tua biakinn na pai leh,inn panin paikhia in,”ci-in gen hi. “ Ka thu hong mang nuam lo, na ut bangin gamta na hih manin, hih inn ah om thei nawn kei niteh, pai khia”

David kum 16 a phakin Catholic Pawlpi ah meivak tawi khangno khat hi. A lawm Otto in David kiangah Sabbath thu gen zelzel hi. Otto in David kiangah “ ka biakinn uah hong kikhawm ve,”ci-in zawn zelzel hi. David in a innkuanpih theihloh kalin Sabbath niteh Otto zui zel hi. David in nuamsa ahih manin Sabbath kikteh zong kikhop ding ngaihsun hi. A Sabbath kikteh David pa in huansung ah nasem dingin sawl ahih manin David in huan sungah nasem kei ning, biakinn ah kikhawm ning, ci-in dawng ahih manin a pa in tawnggawp hi. Inn pan kihawlkhia ding a kicih hangin David in kikhawm dingin paikhia veve hi. David pa zong heh mahmah hi. A pa in gam sung vakin sa man thei zel a, ka mat peuhpeuh na nek kul hi. Adventist thu-umte in sa nek loh mah nei uh, tua bangin sa nek ding khaam kei uh hen, ci-in a tapa kiangah gen hi.

Sabbath ciangin David kikhawm lo ahih manin a lawm Otto in bang hanga hong kikhawm lo cih vadong hi. David in ka pa in hong tawnggawm, lau ka hih manin hong kikhawm ngam lo hing, ci-in dawng kik hi. Ahi zongin a Sabbath kikteh David va kikhawm hi.

Biakinn ah Ihmu


David in Sabbath kikteh kikhawm veve ahih manin inn ah om thei nawn lo ahih manin a om nading mun biakinn simloh mundang om lo hi. Biakinn ah zan thum giak hi. Sun ciangin sangkah hi. Uppa pa in David’ thu a zak ciangin district pastor tawh vapai-in David’pa tawh kimuh ding hong vaihawm uh hi. David’ omzia pen hoih mahmah hi. Ama aa dingin a hoih pen mah hong hi ding hi, cih pulaak ding geel uh hi. Ahi zongin district pastor Akena hong pai lo hi. Tua kumin David in laivuan a, buaina tuamtuam a om hangin David in hoihtakin laivuan thei hi.

Pawlpi mite in David kisap bangbang huh ciat uh hi. A masa lamin David’nu in David panpih hi. David in laivuan zo thei ahih manin Akena in Adventist sang khatah sangkah dingin gen hi. Sum bel huh zo lo hi. Ahi zongin David’ nu in a pa theihloh in David sangkahna ding vaihawmsak hi.

A sangkahna uah David lawmte in Lai Siantho sinpih uh hi. David in lungkhamna tuamtuam a thuak hangin Pasian in ompih ahih manin lungnuam takin sangkah thei hi. Pasian in van a leng vasa-te zong kemcing hi; i samzang nangawn Ama theihlohin mawkkhiat lo hi, cih Pasian kamciamte hangin lungmuang thei hi.

Sangkhak ciangin David inn ah hong ciah hi. David in a sanggam pasal, sanggam numeite kiangah Lai Siangtho thuman thute genin, amau zong tui kiphum ding lunggulh uh hi. Tua bangin a vekun tui a kiphum uhteh a pa un inn pan in hawlkhia hi. Inn pan kihawl khia ahih manun pawlpi mite kiangah om uh hi.

Mite in bawlsiatna thuak liang dingin bang hangin Adventist suak na hi uh hiam ci-in a kidotteh David in Matt. 10:39 siksanin, “keima hangin a nunna a sup lawh mite in nunna ngah ding uh a, ama nunna a huu mi in nunna suplawh ding hi, ci-in dawng kik hi.

Ama upna a dong peuhpeuhte kiangah David in hih bangin dawng kik hi. “Adventist pawlpi in pawlpi man hi. Pasian in Sabbath ni zang dingin hong deih hi. A nungzuite kiangah zong tua dingin vaikhak hi. Thuman mu ing. Pastor ka suak ding hi,” ci-in dawng hi.

Tu quarter Sabbath 13 sumpi in Juba gam a zato puahphatna ding, South Sudan ah biakinn lamna dingin kipuak ding hi.

MUC’ puakna ding mun: 2015 kumin guahtui menciim hangin Tuikhingzang kisiatna hangin a khua buppi-in mun dangah kituah uh hi. Tu quarter 13 Sabbath School sumpi in Tuikhinga biakinn lamkik nadingin kipuak ding hi. 

To get the latest update of me and my works

>> <<