MUC

Print Friendly and PDF

Tuesday, June 21, 2016

JULY 16 GALPHUAL SUNGAH UPNA 3Q 2016

JULY 16

GALPHUAL SUNGAH UPNA





Pastor Mark Igga Mona


UN huang sung ka tun uhteh Adventist pawlpi mite ka mu uh hi. Om nading mun, puanza, anhuan nading a kisam van khempeuh hong pia uh hi. Galtai-te letmat ka ngah uh a, amau tawh kibangin an hong kipia hi. World Food panin sathau a kipan a kisam bangbang hong pia uh hi.
UN in zong hong pia in, ahi zongin amau hong piak bek kicing zo lo hi. Tui hamsa mahmah hi. Nile gun panin tui kitawi ahih manin ni khat mankhop ding, anhuanna, kisilna, puansawpna aa dingin innkuan khat in liter 20 bek kingah hi.  Galtai-te omna ah kha nih ka om khit uhteh South Sudan Adventist zumpi tawh ka kithuza thei pan uh hi. President Clement tawh kiho-in, UN’ hong vaihawmsakna tawh Juba ka tung thei uh hi. Tu-in Juba ah ka om uh hi. Juba ah Adventists Upper Nile Field zumpi om hi. Gal sungah Adventist thu-um tampi in hong nusia uh hi. A suakta sunsun zong mun tuamtuamah Ethiopia, Kenya, Ghana, Sudan le gam sung mun tuamtuam ah kithehthaang mangkhin hi.

Kimkhat in UN zumpi ah nasem uh a, sawm-ah-khat hong khak thei uh hi. Amau’ sawm-ah – khat piakte le GC pan huhna tawh Upper Nile Field sungah pawlpi in tudong nasem thei hi. 2014 kum bei-in Upper Nile Field sungah Adventist thu-um mi 7369 om hi.

Gal vengin Malakal ah ka tun kik theih nadingun thu ka ngen uh hi. Gal omna hangin sanginn thum mei tawh kihal tum hi. A kizang thei ding bangmah om nawn lo hi. Pawlpi mi a om sunsunte in kikhopna ding biakinn nei lo-in, singkung nuai ah kikhawm uh hi.

South Sudan kumpi le gamsung mite in thukimna bawl uh hi. Gam sung kilemna hong ding hi, ci-in ka lamen uh hi. Pasian in na khempeuh sem thei hi, ci-in ka um uh hi. A sawtlo-in gam sungah galveng ding hi, cih ka lamen uh hi.

Juba ah biakinn khat na om a, ka kikhawm thei uh hi. Sabbath niteh naupangte om nading om lo hi. Khangno kimakaihna Path Finder cihte a mun ding om lo hi. Tu quarter Sabbath 13-na sumpi in Juba gama naupangte kimakaihna ding inn lamna dingin kizang ding hi.

South Sudan sungah 2015 kum bei-in gammi 12,042,910 om hi. A gam uh a dung a vai vekpi gawmin tai 248777 bang zai hi. Hih gam ah mite khantom uh hi. Kum 17 a cin nak uh leh zi, pasal nei thei uh hi. Dinka minamte in 35% bang hi-in Nuer minamte in 15.6 % bang om uh hi.

2015 kumin guahtui menciim hangin Tuikhingzang kisiatna hangin a khua buppi-in mun dangah kituah uh hi. Tu quarter 13 Sabbath School sumpi in Tuikhinga biakinn lamkik nadingin kipuak ding hi.

To get the latest update of me and my works

>> <<