MUC

Print Friendly and PDF

Sunday, June 12, 2016

Conference pianna hanga Hamphatna ngah

Khazih sungah laisim mimal,

1. 1987 kum in conference nget na Upper Burma ah a ki han ciam hun in, Union ulian ten Sia Lianpu leh Sia Mungno pan mun hoih tawh na zol khia zo uh a, Sia Mungno in conference a deih loh ki pat na hun hi pah hi. Khen nih i suak pah hi.


2. Deek te in Sia Mungno Student Visa a vai hawm sak uh teh conference deih te a bul a baal in long khia ding in hong lawp mah mah leu leu hi. Mailam thu khual na tawh deek te in a mau mi a suak ding in a pan tah na hi gige hi.

3. ATI sang vai pau lam in Sia Kham Khen ki hem khia in, Sia Kenneth Thang Suan Za Nang UMM President mun hong ngah leu leu hi. Sia Do Hen Pau in Union Treasurer a sep lai tak in Singunau siapi sem kim lai a sap suk hi. ATI sang pi hong khak cip in, 2001 ki tel na ah pawlpi ngei na zui lo a pal sat makai te lah ah khat hong hi pah hi. Kum cing lo pi in deek te mah in gaam sa lua in hong hem khia leuleu a, Tedim sang sia pi a sep lai tak a kong khak te a na zuak sim
na tawh za kia Sia Ngin Kok a mi ding in na sam suk man hi.

4. Myaungmya pan degree ngah hong tam semsem a, na sep ki khan beh thei lo a hih man in, degree ngah lo Upper Myanmar Mission worker pawl khat din mun hong ki ling ta hi. Tua hun lai tak in, conference deih Lay te a do ding in hih degree nei lo sia te hong ki pum piak ta hi. Sia Do Pau, Sia Suan Khek te hong hang san loh pha mawh ta hi. Za kiat theih na ding tam pi tak pan conference hu hau
in a na sep uh hong kip to to suak hi.

5. Sia Lam Cin zong conference a lang pan na pan a ut ut sum let ding UMM Treasurer din mun hong ngah lawh hi. Kawlpi ah sia pi a sep sung in Kawlpi khang no ten hong sim, Siama Vung inn ah conference ten meeting nei cih a ki pan zuau thu tuam tuam hong phuak to to hi. 

6. Sia Kelly Pauno zong section ah department director len ding in Taungngo pan ki la hi.

7. Sia Ngobem zong sum vai tawh Kachin gam pan za kia in Sawbua Yishin a tung kim lai conference hu hau in Paangpi ah siapi za hong ngah hi. 2007 kum a ki pan kumpi tung logo vai a khiat na tawh Sia Kai Dal leh Sia Kham Khen nung diak in thong hong lut  uh teh pah tawi na tam pi ngah in nuam sa phau phau mah mah hi. A hih hang in Sia Siangh President sep hun sung in a han ciam na sa te lak ah Kawlpi a Sanpya Clinic inn pi leh a huang i sup lawh hi.

8. Motor cycle a ngah lawh zong tam pi om hi.

9. A pa te' conference do na hang in a ta te' Spicer sang a tun lawh zong tam pi mah om hi.

10. Up mawh lo pipi Sia Do Thang in Central ah President, Sia Langh Sawm Mang in Southeast ah President hong ngah lawh hi.

11. Sia Tuankuh in conference te mission ah tam pi tak tui hong ki phum kik cih dan zuau thu tam pi phuak in Sia Saw Mae tung ah a khiat leh adeih deih sik taw lai khe tna ngah lawh hi.

12. Sia Mungno zong a inn kuan un kawlgam hong ciah zawh nang uh deekte in van leng sap sik ban ah van leng tual pi ah na dawn in pak kual na awk sak uh hi.

13. Cin Lam Tuang in zuau phuah na tawh Sia Saw Mae tung pan hand bag khat ngah lawh hi. Lam et na tam pi tawh tu in zong conference gen sia in han ciam pha mah mah hi.

Gen ding bel tam pi zong om lai kha in cin cim phawn na in phawk pak teng hong gual pak ing.









To get the latest update of me and my works

>> <<