MUC

Print Friendly and PDF

Tuesday, June 28, 2016

BANG HANG MOSES KI HAWL KHIA?


Pasian in Moses om ta kei leh Israel mite suahtakpih leh Ama hihtheihna tawh kingah mahmah ding hi. Ahi zongin a suakta ding pen Pasian hi lo-in Israel mite ahi uh hi, vai khempeuh Pasian makaih ding a hita zongin Israel mite sung mungtupah veina taktak a om mateng Pasian in kalsuan pih thei lo na hihi. Bangzahin khasiat huai hiam cihleh mungtupah akithuhual theih loh manun kum tampi a hanciamsa uh gelnate leh lametnate uh bei-in a geela makaite uh zong si khinin kum tampi mah ki sotto lai hi.

Israel mipite zong sal suah nading kalsuan zia ah vaipuak lak dan siam nai lo-in, makaite tung, Moses a kipan amau vaipuak ding bek dan suanin, mimal vaipuakna la nawn lo-in angsung khualin sup lawhna hong om ciangin nakpi-in hehin mawhsakziahziah uh hi. A tatakin mimal in vaipuak lak siamin kibatlohna teng gawmkhawm thei-in sal suahtakna ah cil lum tawh valh khawmin hanciam tek le uh kum tawmno sungin Egypt gam pan thu damin paikhia khin ding uh hi. Amau kipumkhatna ah Pasian in ompihin Egypt kumpi mahmah in neih leh lamh galvan aa kisam tuamtuam tawh suahtakna pia kha thei ding hi. Ahi zongin Egypt te Israel te pung leh khang sa in minam lian suakin Egypt gam a uk khak ding lau kawmkalah , ngong thu gelna tawh Moses in hiam zang hong do sawm na leh Moses leh mipite kithuhuallohna , mipi leh mipi ki thuhual lohna hangin nakpitak Egypt uliante in Israel te gawtin makaipipa Egypt gamah ut bang a tat theihloh na dingin Median gamah hawlkhia uh hi.


A buaihuai thu khatah, hih bang lungsim leh paizia tawh sal suahtakna ngah le uh gamthak leh leithakah Israel mite koici nuntak ding, koici ki-uk ding, suahtakna geelna nangawnah vaipuak la thei nai lo Israel minam kim in tua gamthak leh leithak koi cih mawk ding cih ahi hi. Israel mite'n a sin dingthu tampi om lai mahmah cihna ahihi. Moses aa dingin hatna pilna siamnate nei khin napi muibunin koici zat ding cih thei nailo hi. Theihna ahih leh a sin teng a laibupi phial liangin lot ngah kha ding hi, ahi zong mungtupah muibun takin koici zat ding kisamlai hi.

Mipite in suahtakna ngah nadingah a lungsim uh akuan hangin angsung sup thuakin vaipuak lak zawhna kipiakkhiatna om thei nai lo hi. Kibatlohnate uh gawmkhawm thei lo uh a, buaina khat buaina a bul lem kim ding cih sangin khat leh khat kinuakin, ki mawhsiatin mungtup lampi-ah lampi mial zah ding dong kilangneih zaw uh hi. A buai huai zaw kanah hi bang lungsim tawh gam thak leh lei thakah koici nuntak ding cih ahi hi. Hih teng mahmah thuhilhna leh thu theih nadingin a hun sau zaw lak kul na hi hi. Pasian mawhsak kha ding uh hi, makaipa zong suahtakna angah nuam mimal kisapna hi zaw ahi hi.

A ban zop lai ding.......


Conferencete kithuzakna Vol 2, April 2016...

To get the latest update of me and my works

>> <<