MUC

Print Friendly and PDF

Tuesday, June 21, 2016

AUG 6| “KA HUN MANPHA PENPEN” 3Q 2016

AUG 6“KA HUN MANPHA PENPEN”

Maureen Edward

Maureen Edward in “ Kei pen mi hoihlo lua hi keng” ci-in kipulaak hi. Lungdambawl simloh Lai Siangtho sim ngei lo hi. Ahi zongin 94.0 Salvation FM (radio) thugenna a ngaih a kipan Lai Siangtho sim lo-in nasem thei lo hi.

2012 kum a kipan hih radio tungtawnin Pasian thugenna kipan hi. Hih radio panin kigen thute ngai tawntung hi. Hih radio ah “Lametna” “Pasian’ kammal” cih program tuamtuam nei uh hi. A kigen thute theihbeh nuam ahih manin hih radio a nasemte tawh kithuza hi. Maureen in “ Hope Sabbath School” “ The Word of Today “ cih programte zaknopsa mahmah hi.

Radio a thugente in radio tawh thugenna kumcin pawipi ah Maureen sam uh hi. Amah zong radio thugenna phualpi ah vapai hi. Maureen in amau tawh kiho nuamsa-in a theihnop thute zong dong hi.


Sabbath kikteh kikhawm dingin Maureen zawn uh hi. Maureen in Saturday ni-a kikhop ding lamdangsa hi. Bang hang hiam cihleh Maureen in Sunday ni bekin kikhawm hi. Maureen bel kikhawm nuam lo hi. Ahi zongin thu hong ngetsak ding hi ung, ci-in kivaikhak uh hi. Hih mite in Maureen deihsak ahihlam uh Maureen in thei pak lo hi. Ahi zongin a sawtteh Maureen in nial nawn lo hi. Sabbath ni kikhawm khempeuh in nuamsa ciat uh hi. Maureen in radio a thugente tawh kithei khin ahih manin, mipi mai-ah kipulaakna neisak uh hi. Tua a kipan Maureen in “The Happiness Class”( Lungdamna thusinna) cih Lai Siangtho sinna kah den hi.

Maureen in pawlpi mite tawh zato ah pai-in natvehna, thungetsakna cihte nei uh hi. A sawtlo khat ciangin Maureen in tuiphum dingin pastor kiangah ngen hi. Lai Siangtho thusinna a neih khitteh, 2013 September kha-in Maureen in tuiphumna nei hi. Tui kiphum khit a kipan pawl sungah thungen pawl ah kihel den hi. A beisa hunlai-in mi lakah kihel ding hamsa a sak hangin tu-in mi tawh kikholh nuamsa mahmahin, zato, thonginn cihte ah vahawh uh hi.

Sabbath ni khatteh Maureen in thonginn ah thugen dingin kisawl hi. Bang gen ding thei lo ahih manin Topa kiangah thungen hi. A thunget khitteh Lai Siangtho Jer. 1: 6, 7 sung sim hi. “ Ahih hangin Topa in “ Naupang khat ka hi lel hi, ci kei in. bang hang hiam cihleh kong puakna khempeuhte kiangah na pai ding a, kong sawl peuhpeuh na gen ding hi. A sim khitteh a lau-na khempeuh beipah hi. Sabbath ciangin hoihtakin gen thei hi.

Radio tungtawnin kikhelna:

William Aruna Okum in 94.0 Salvation FM ah makai khatin thugen dingin Maureen a sawla, amah zong thugen dingin hansanna hong nei hi. Ama thugenna tungtawnin mi tampi in kikhelna ngah uh hi. Kumpi nasem ulian khat in tua radio panin thu kigen a nangaihna tungtawnin kikhel hi.

Juba khua in Nile Gunpi gei khata om khua khat hi. South Sudan khuapi Juba khua ah mi 400,000 val bang teng uh hi. Juba khua ah Radio 94.0 Salvation FM om hi. Hih panin Adventist thuman tangkona kinei hi. Zingsang nai 6 pan zan nai 10 ciang FM radion tawh thugenna kinei den hi. Radio set vante hoih taktak zo nai lo ahih manin deih bangin kiza thei lo hi. Tai 20 ciang khawng pan bekin kiza thei hi. Gamla pipi panin a kizat theih nadingin FM radio puah ding geelna om hi.

Pasian i it ciangin, ama nasem dingin kithawi lecin, Topa in hong makaih ding a, pilna hong guan ding hi. 2015 kumin guahtui menciim hangin Tuikhingzang kisiatna hangin a khua buppi-in mun dangah kituah uh hi. Tu quarter 13 Sabbath School sumpi in Tuikhinga biakinn lamkik nadingin kipuak ding hi.

To get the latest update of me and my works

>> <<