MUC

Print Friendly and PDF

Tuesday, June 21, 2016

AUG 20 |Nung Sabbath ni-a a zom 3Q 2016

AUG 20 | Nung Sabbath ni-a a zom


Kei hong thah sawm mite lakah thugen ka kipan hi. Na thah uh mipa aa dingin thungen na hih manin lungdam huai hi, ci-in ka thugen ka pan hi. Ahi zongin Lai Siangtho in bang gen hiam cih na tel ding uh kisam hi. Sih khitteh kuamah in hotkhiatna ngah thei nawn lo hi. Hotkhiat ngah theih hun in i nuntak hun sung teng bek hi. A nungta lai mite in si ding uh cih thei lai uh a, a si khinte in bang mah phawk nawn lo uh hi.
(Thsia. 9:5) Ahi zongin ka thugen hong zomsak lai unla, ka thugen na ngai un. Tu-in kei na hong thah uh hangin ni khat niteh sihna pan ka tho kik ding hi, ci-in thu ka gen hi.

Na mi thahte uh pen Hutu lah hi kei, Tutsis zong hi kei. Pasian’ tate a that that na hi uh hi. Namdang khat tawh kido do-in na kingaihsun uh hi. Ahi zong minam khat le minam khat kithat na hi kei uh a, Khrih le Satan kido do hi zaw hi. Tutsi minamte a thah in na kingaihsun uh hi. A taktakin amau pen Pasian’ tate hi, ci-in thu ka gen hi.

Tua bangteng khitteh 1Pet. 2:9 – 10 ka simkhia hi. Tua bangin ka gen laitakin mi kim khat a khitui uh luang hi. Kha Siangtho in amaute lungtang lawngkha hi, cih ka mu hi. Minute 15, 20 bang ka gen khitteh tu-in thu ka ngen ding a, ka thunget ka mankhitteh nong phum nading uh hankhuk a to ding ka hi hi, ci-in pulaak hi. Tua bangin ka thugen ka manlian leh, amaute lak pan mi khat hong awng khia-in, hih thugenpa a that a om peuh mah leh mithahna sisan tawh kipeuh lo ding hi, ci-in genkhia hi. Midang khat in amah that lo ding hi hang. Suahta sak ding hi hang,ci-in awng leuleu hi. Tua leh a makai pa un, “amah that ding a ci kei mah hing. Cikziat huai takin sisak dingin ka geel uh hi.Ahi zongin tu-in amah that nawn lo ding hi hang, ci-in pulaak hi. Pasian’ hehpihna hangin suakta hing, cih ka thei hi. Kua ka hiam? Vangliatna nei bang mah nei keng, Pasian in a hehpih Pasian hi.

Kamciam.

1994, April 7 pan July kha lang ciang dong Tutsi le Hutu minam kithat ngekngek uh hi. Mi 1,000,000 val bang in sihlawh ding hi. Sihna ding tam veipi ka tuak kha phial zongin Topa in ka nuntakna hong hu hi.

Tua bangin minam kithat laitakin Topa tungah kamciam ka pia hi. Ka suahtak leh ka pianna khua ah ka pai ding a, ka innkuanpih a hong thahsakte kiangah thu ka gen ding hi, ci-in ka kiciam hi. Gal venkhit ciangin Kigali khuapi ah nasem dingin hong kisawl hi. Nasep bel tam mahmah hi. Khua sung mun 43 ah Pasian thugenna ka nei hi. Bang bang hi taleh ka manlap zongin ka pianna khua ah Pasian thugenna nei ding ka hanciam veve hi. A taktak in ut masa lo hing. Ahi zongin Pasian in “ Pai in” ci-in hong sawl hi, cih um ka hih manin ka pai veve hi. Tua bangin thu ka gen ciangin mi 120 in tui kiphum uh hi.

Hehna om nawn lo nunna

Hih bang gimna lianpite kantan zo thei na hiam ci-in hong kidot ciangin, Pasian in hoih taktak hi, c-in ka dawng kik hi. Mi tampi in innkuanpih nei nawnlo, nulepa, sanggam u le nau nei nawnlo uh hi. Ahi zongin Pasian a it mite tungah Pasian in a ompihna ka muh ciangin Topa tawh kizop tawntung ding ka phawk sansan hi. Lai Siangtho sim den ding hoih hi. Bang hang hiam cihleh hamsatna, lauhuai-na khat peuh i tuah khak ciangin, hong huh hi. Thu i nget ciangin Pasian in i thunget hong dawng hi. I thuak gimnate kimangngilhin, Topa Pasian in hong kemcing hi, ci-in kilungmuang thei hi. Tua bangah lungkham, hingim mite zong i huh thei lai hi.

Galven khit:

2000 kum ciangin Phodidas in AIIAS, Philippine ah Lai Siangtho sin hi. 2006 kum ciangin PhD va ngah hi. Khristian thu-um mite khat le khat kithahna a om theihna a hang cih thu limtakin hong kankhia hi. Tu-in Dr. Phodidas in Kigali khuapi a om Adventist University of Central Africa ah professor (laihilh) semin, Philosophy of science and Religion, Bible doctrines, Greek le theology cihte hilh hi.

Tu quarter Sabbath 13 sumpi in Adventist University of Central Africa sangpi ah zatui tawh kisai innpi khat lamna dingin kipuak ding hi. Sangnaupangte giah na ding le annekna ding inn kilam ding hi.

Cidamna pen thupi mahmah hi. Hih sangpi a kahte in cina koihzia, kepzia sin ding uh hi. Cina koih hi bek lo-in Pasian thuman hilh thei kawm ding uh hi. Cinate tawh thungen khawm, Lai Siangtho sinpih cihte nei ding uh hi. MUC’ puakna ding mun: 2015 kumin guahtui menciim hangin Tuikhingzang kisiatna hangin a khua buppi-in mun dangah kituah uh hi. Tu quarter 13 Sabbath School sumpi in Tuikhinga biakinn lamkik nadingin kipuak ding hi.

To get the latest update of me and my works

>> <<