MUC

Print Friendly and PDF

Friday, June 10, 2016

A theihhuai leh akikhel huai thu

Thupat na: 

Conference nasep in khasiangtho nasep hi, Nidang aa 
Sunghta, Nuphal, Makta, kilem lo te kilem sak kik hi. Hi mun ah, Pawlpi vai, biakna vai leh minam vai khentuam lian theih om sa keng. 



Gentehna: Sia Mungno leh Daltawng, nidang in ui leh keel  abang, kiho ngeilo hi napi, Conference movement leh makai Sia KAI  DAL, SIA KHEN te ong om ciangin ong ki uitui mahmah kik uh aa, Mission te gum in, nidang aa Conference mapang pi tegelgel hi napi, SDA Conference akingah loh nading thuvai hawmpi te ong hileh bung uh hi. Thu man tellah ih cih te hi te hi.

1. Conference nasep in, khasiangtho nasep hi. Pu Pum Za Lian in “  Hih Conference te pen apanpih khat om hiding hi ci hi.” Khasiangtho  nasep in mawhna khialhna te pulaak na leh lahkhiatna ahih mah bangin,  Union makai te khialhna te, minam vai aa onggawt nate, akihhuai aa  agamtat nasa te uh Pasian Khasiangtho in Conference movement tungtawn  in ongpholaak khia hi.

2. Union makai pi Muller Kyaw in akhialh lam pulaak khia hi napi,  Memory Tun in asia zaw in ongzom to veve hi.  Dal tawng aw, Khasiangtho nasep nacihcih koi ah om peuh  mah ahiam? Zomi SDA tultampitak disband piak na in, khasiangtho nasep  mah hi ci na hiam? Lawmlawm ve teh!!

Khialhna Te


1. Ninam vai aa sep na tawh khialh na:

Hih thu tawh kisai in na lai at nathupat na ah “ Gupna thu ah ahi zongin, Leitungthu ah ahi zongin” na ci hi. “ Biakna vai,  pawlpi vai te Khaa thu ahi hi, Minam vai / thu hilo hi” na ci kawikawi hi. Nang leh nang kitukalh gawp hi teh.  Pasian na upna in, na Biakna hi, na minam abia  hizenzen lo hiteh! Biak na mi hih na in, minam pih, sang gam u le nau, ongpiang sak Pasian na it na onglak hi. Sia Dal tawng aw, nang nakhen nop hangin, na si nasa in ongkhentuan lo ding hi. Spiritual, Physical, Social..mentality  khentheih tuam omlo hi. Trinity thugawm Pasian abang hilel hi.

2. Pan mun kituh na hang in khialh na

Union ah makai pi ding, minam dang kua mah pialo ding  aci masa kua minam te ahiam? Chin (Tedim) kuamah ngahsaklo ding ci aa a generation huam aa a vai hawm den te kua hi photphot hiam? Memory Tun in Sia Kham khen Union ah makai khat in ongkoih nung na Conference Planning pan khawl in ci-in zol hi, Sia khamkhen in kei Panmun ( Position) deih aa, ATI aphuan hi keng, Conference Planning pen panmun kadeih man hikei cih san hi. Memory Tun in a zumsung (office) sungah Sia Khemkhen sam in, Sum nakisap zah tawh ong huh ning ci-in sum tawh nazol leuleu hi.

Sia Dal tawng aw, Panmun kitut nacih akhialhna nang ngaihsut tawh kileh bulh hi. Na motive khial hi zaw ding hi.

3. Kiteelna (election)

Mission te’n khial ungci, akhial ten khial ung aci mah ke,! Cih cih leh sepsep thuah lailai, cilcil leh neknek thuah cih tawh kibang hilel. MUC in akhialh loh pi banghang khial ung ci zenzen ding.. sawdawi!

Mission te’n khial ung ci nacih zongh zau pi, Union te hizaw Muller Kyaw in khial ing ci , Memory Tun in ana sia zaw aa ongbawl to! Makai  pi te thong sungkhum! Ko sep hi kei cilailai, Division te mawkngawk mikmek! Sia Mang (kai mang) in Division te adot leh SSD president pan  ko thei kha kei ve ung ee, cin lamdang sa! Sia Dal Tawng aw, hi ciang dinmun ding in ong ngaih sun kha ngei peuh mah keng..nong thusuah sak peuh mah! Nang leh nang kitok gawp hiteh.

4. Tithe (1/10) leh Offering Vai

Na lai at na ah, “ Tithe leh sumpi te pen Pasian Pawl ih hih na membership fee hi” Sia Dal tawng, Pa Dal Tawng aw, Pasian in na lai at sim kha leh kei sang heh zawlai mai in teh!

Pasian pawl suah nadingin fee ( membership fee) bangzah piak kul ding ahia? Nang Pasian hizen le teh, abangci Pasian hizen ding nahiam oo..Nangpawl bel ongsuak kei tak ning!

Tithe te pawlpi membership fee hi Pasian in cilo hi, Upna tawh Pawlpi kisuak hibek hi, Sumpi cih te pen Pasian ih upna, ih muan na, amatungah cihtakna ih lah nadingin Pasian in kei kiangah ongpia un ci hi. 

Nangbel atello hikei cin, Conference agensia nuam lua kisa aa, adeih 
laklua kha hiteh! Hih zongh khialh na nacih te lak ah top 1 in kihel in teh. 

Tithe leh sumpi Pasian kiangah napiak hi, MUC or Mission te tungah napiak hizenzen ahiam? Pasian pia in, na lungsim zongh Pasian kiang ah om ding hipah hi.

5. Disband leh disfellowship vai

Pentecostal pawi in khasiangtho nasep na tawh mi tul thumval  kituiphum hi, Conference movement ongom ciangin, Khanin nasep na  hangin, Union ten, Zomi SDA tulthumval local church board committee  khentat na omlo pi in, thumanlo tak tawh Zomi te SDA pan disband pia  mikmek uh hi. Khialh na pi khat hi. 

Conference status hangin disband piak ding ahih leh, Leitungbup SDA GC te piak masak penpen ding hiven, Pa Dal tawng aw.



6. Ngaihsut khialhna!

Thubel akingaih sun khial khazel mah hi, na cih mah bangin, 
Conference GC tawh kizom himah leng zongh, ih nasep pih dingte Mission, Union, Division te mah hi, midang kua mah om tuan khang, up na kibang, zuih kibang, Sabath tang, voksa nelo, 28 thuguipi len tek hi hang. 

Mission vanzat, C te vanzat kituttut se kei ni. 
Tua ahih man in, Conference ih ngah takpi ding ong haza lua 
mahmah ten, ahih theihtawp un ongbawl siasia uh nahi gige hi.


Thukhupna: 

1. Conference pen GC , Division, Union te piak hilo hi. Pasian 
piak hi. Tua ahih man-in, langpang in om kei zaw in, na kampaai zaw 
ding aa, na mavang zaw ding hi.

2. Sia Dal tawng lai kongthuh tawh kisai in, kong cih giapgiap na 
zongh om hi, khauh paai mahmah, mipi lak ah thu ih suah sak te, ki 
hilh cian setset mah leng, ih lungkim na hi. Khasiat dingin tuak kei 
ni. Manlo ih sak te kigen ziahziah lel ding hi hang. 

“Biakna leh Pawlpi vai ah Khaa thu bek it kei inla, ami zongh it in, 
Leitungvai (politics) ah ami bek it kenla, akhaa zongh it veve in” by 
Thang Kim Khai (khaipu)

Sia Daltawng Laithukkik: Thang Kim Khai (khaipu)
1507 Michigan Avenue,
Winter Park, Orlando,
FL, USA.
Cell phone 407 406 4525 

To get the latest update of me and my works

>> <<