Thupatna:
Nong thudot tawh
kisai-in: atom-in,
1. Taw Liat
kammal-ii Context:
Pr, Ngul Khua Pau(Sia
Pau) in "Taw liak un" acih pen. 2003 kum January/February
kipat lam hi. Amun pen Tahan A biakinn sung hi. Tua hunin M le C vai tawmtawm
in gingta hi.UMM ah layte in 1987 lai-a ki organised Conference Planning
Commitee zom kik uh hi.
Tua ciangin, MYUM in
buaina om cih thu azak ciangin MYUM ulian pawlkhat Seminar kawm in UMM paisak
hi. Tua laitak in MYUM lamte in thugenna nei uh-a, Pr. Pau zong MYUM lamte in
cial uh hi.
Tua lai-ah ATI sang
kikhak vai khawng kidong uh ci, MYUM/UMM lamate in thei kei ung ci uh ci. Tua
ciang Pa Khen(Nang Khen) zong hehin, no thei lo nahih uh leh koi lai pan uite
in ATI khak sak hiam cih dongin kici uh hi, ci.
Conference vai tawh
kisai in bel Pr Muller Kyaw in bel Upper Chindwin teng Conference in la un ci.
Layte in lakveve UMM bup ci uh dan in ki hoho uh ci.
Tua sungah Negative in Conference
ngahzolo ding cih zong ging sak uh hih tuak. Tua thu tampite comment in thu
agenna ah, Pr Pau in, Zomite in Dekte taw liak un acih leh zong liah suk lel
ding hi, cin kammal zang hi ci hi. Acihnopna ah Amau cih bangbang asuk ato in
mang leng met zaw ni acih na hi. Pr. Pau pen kammal zat asiam mahmah ahih mah
bangin, hihkammal muibun lua hi. Hih kammal pen nidanglai Zomite lak ah,
naupangte in ek tha leh "Ciuh---ciuh----!" ci in ui kisam-a
naupang taw-a ekbangteng pen ui in kiliak sah hi. Tua dan kammal
azang ahi hi.
Tua dan hi leh Zomite
adingin Human Dignity a om nawnlo suak ding hi.
2. 1987-2006 UMM
Khimzin tawh kisai:
Hih sunga ibuaina pen
Khimzin cih kam mal i zang hi. Ahizongin mihingte khimziin pen Pasian in
khuavaak a laknuam ahihman zong hi thei zel zaw hi: MYUM/UMM buaina pen doctrinal buaina
hilo mah hi. Tua sungah Administrator le Lay cih group nih ong om hi. Lay lam
panin Conference deihin hoihtakin ngeen uh hi. Administrator lampan-in trick
tuamtuam zangin langpan, susia den hi. Atawpna ah PAWLPI LANGPANG/PASIAN LANGPANG,
GC/DIVISION/UNION/MISSION tawh
kizomlo, GUPNA NGAHLO DINGTE ci-in Conference deihte mawh paih-in
Anti-Christ nangawn ci phial lianguh hi.
Tua ban-ah Mission
uliante in Thukhen zumte ah sumtampi bei, neihgil Sanpya Huang langkhat zuak,
mimal tungah sum kidong, Zuauphuak-in Teti ding lai bawltawm liangin
Conference deihte Thukhen zum ah khia uh hi.
Hih dan-a ngaihsutna in
MYUM sunga makaite le siate-ii theology pomdan aniam mahmahna ong dawk sak hi.
Bangte Pasian langpanna hi-a, bang cite Anti-Christ hiam cih zong atello dinmun
ah i omkik tawh kibanghi. GC, Division, Union tawh kizopna lam citak bilbel
napi hangin, Pasian tawh kizopna mangngilhin, Thukhen zum-a zatding Zuau
Lai(Tettii Laidal) bawltawm uh hi. Hih in Thukham icihcih hang Thukham azuilo
ngentang bulom hihna lak hi. Thukhen zum lam ah kikhiat denna in MYUM sungah
Grace, Reconciliation, le Forgiveness ahi Pasian zia letongte kimang ngilhin,
Thumanna Justice cih khat bek ultung sak uh hi. Tua in Grace mangngilhin,
Legalism tun hi.Legalism in Pasian Itna le Hehpihna thuguipi mansuah sak hi.
3. Asia sungpan ahoih
lakdingte lakah:
a) Pr. Kyaw Balay, MYUM
President in UMM-te Conference theih in ong pilsak cihi.
b) 2003-2006 kikaal
buaina sung panin, mipi theih ding athupi ah: Nidangin Zomi SDA tampi in Local
Church, Section, Union, Division, GC, Pasian cin kizom diu-deu in ki ngaihsun
hi. Tua kizom diu-deu sungah omlote gupna ngahlo ding dan in siapi tampi in gen
uh hi. Ahizongin, Lai Siangtho sungah, Organization (GC?Division/ Union
cihte) in gupna ong pialo hi, cilo hi, GC tawh kizopna pen gupna zonna
hilo-a, nasep kipawlna bek hi, cih thumuhtelna ong guan hi. Hih
pen khalam ah Laisiangtho bulphuh-a khuavaak muhthakna(mitkeuhna)khantohna khat
ahi hi.
c) MYUM le MUC kumpi zum
ah kikhia in thu kinei uh hi. Kilem dingin MUC in a kut hangin MYUM lamte utlo
hi. MYUM makaipite in Zuau phuakin laidal atuh bawltawm in thukhen zum ah MYUM
in thu zawh sawm uh hi. MYUM sep peuhpeuh, GC tawh kizop manin, a man den
dingin(Infallible) mitampi in ngaih sun hi. Ahih hangin mitampi mah in
tua bangin ngaihsun nawnlo hi..
Hih pen khantohna
khat ahi hi.
d) Zomi SDA sungah
"Tawliak lungsim"(Pr. NK Pau kammal zat) or "sila
lungsim(Dr, Lianpu kamzat ngei) pan eile ei Pasian bel-in kimuanna
lungsim ong kibehlap hi. Hihpen organization tawh kisai-a ipicinna khat ahi hi.
Ei le ei kimuanna lungsim neih manin midang tawh kipawltheilo ding cihna hituan
lo hi.
Gentehna: Mission
sungah na kasep lai-in, katate anu tawh inn ah om den hi. Kinusia ngeilo hi.
Tan 10, college tungta uh hi. Anu zin, kei zin khia. Amau bek nusiat kul.
Kinusai ngeilo uh ahihmanin amau le amau ding theilo uh hi(lungsim neu den hi)
Katanu neupen bang lungleeng lua ahih manin, anuno kiang va hawh in, anuno tawl
khat en gega-in ciah kik hi. Alawmte kiangah "Ka nu ngailua ingh in, ka nu
Lun va en ing, tun ka lungleen pha tuam" ci zen hi.
Tun bel nusia zel,
Maymyo ah anuno khat kiangah Computer le Copy(meihtu Ku set) nasep huh in kha
2, 3 bang va om zela, lung leeng nawnlo hi. Nu le Pa khualzin leh zong inn ah
akisamteng na semthei ta uh hi.
Zomite zong midangte
tungah kinga,(tawliak---muibun mahmah napi kammal khumlo), bel den
hihang. Tun M le C buai ciang C teng tuam om. GC/SSD cihte beltheilo(Union in
khak). Abelh dinguh Pasian bek om ta. Pasian muang in kalsuan, Goliat tawh
akibang MYUM in doden thapai napi, Pasian huhna tawh tun kum 10 vaal
nungta zo.
Hih in Gupna le kipawlna
pen Pasian tung bekah kinga ding cih ong lahna hi-a, "taw
liahna"/sila lungsim" pan suahtakna lungsim khat ahi hi. Tua
bang ciangin i dinmun, i masuan le vai khem peuh masuan neihna kiphawk theina
ong om in leadership role vive ah ding kisinna hi pah hi. Hih pen
leadership lama ikhantohn pawl khat hi.
Thukhupna:
Hih apiangsa tungpan
Lesson ilak dingte pen, Mimal khat ciat le Pasian kizopna pen Organization
imuan sang thupi zaw ahihna, Organization pen nasepkhop thahat nadingin thupi
ahihhangin Gupna ngah nading lampi hilo cih thuman muhtel ding kisam hi.
Leitungah akhial
ngeilo, akitawng ngeilo omlo-a, tua bang buaina a om ciang, kihokhawm, kikum,
kilem, kipumkhat cih kalsuanziate pen Pasian zia le tong hi-a, makaite in zong
zatsiam ding athupi hi.
Pawlpi pen Khavai hi-a
vai/buai aomciangin Company nasep bangin Legalism bek kizang theilo-a Pasian
zia i et kul hi.---Pasian zia pen Law and Grace(Justice and mercy kiss
each other Ps 85:10) hi-a, hih thukhunpi i zat thei ding thupi
ding ahi hi.
Zomi SDA sungah M le C
om hangin Upna le deihna kibang hi. Tua manin, dawi le kau gimneih bangin ki
muhkhialna pen akha vai hetlo ahilamtak i telsiam ding kisam ding hi. Mimal
khat/angsung khualna le minpha zonna le maivilna-in i minamte lang-ah
pangin i lehhek loh ding zong thupi mahmah ding hi. Kitelkhialnateng a
bei theihna dingin apiangsa thuhoihlote pan lesson la-in mailam ah ipilvaang
ding thupi ding hi.--Biakbuk thu SS Lesson ah isin hi--biakbuk pen Akikhensa
Pasian le mihing kigawm kik nadinga Pasian gelna lampi thu vive ahi hi. Ih sin
SS Lesson in ong zawh kei-a, izat theih kei leh i Lai Siangtho theihna a
mawkna suak ding hi.
Thu le la mannai lo ahih
manin, buaina hanga khantohna zong tuateng hi, cih ding kim nai lo ding
hi.Khuadak lai ding kisam ding hi.
Kawlgam SDA
Tangthu Retrospective le Prospective in a en den,
Sia Khen
Kham Khen Pau
