MUC

Print Friendly and PDF

Sunday, April 10, 2016

KAMSANGTE SITTELNA



Ahab, Israel te kumpi gilopa, in Syrian te khut sung panin Ramoth-gilead khua hong lakik nuam hi. Ahih hangin amah guak tawh zolo ding ahih manin ahuh dingin ahoih Judah Kumpi Jehoshaphat agal do pih dingin cial hi. Jehoshaphat in zong kong huh mah ding hi, ahih hangin amasa pen-in Pasian dong masa ding hihang ci-in dawng hi.

Ahab in kum tampi sung Topa taisan khinta a, milim Baal pasian abia hi, tua manin acial kamsang mi 400 te samin kumpi nih te mai ah thugensak hi Kamsang zuauthei te in, “Pai unla Syrian te do un, na zo ding uh hi,”ci uh hi. Ahih hangin Kumpi Jehoshaphat in Pasian kamsang maan khat tung panin ka zanuam hi ci hi. Tua ciangin Ahab in dawngin Micaiah kici, Jehovah kamsang khat bel omlai mah hi, ahih hangin “Amah ka mudah hi, bang hang cihleh amah in kei ading thu hoih khat vei beek hong gen ngeikei a, asia bekbek hong gen hi,” ci hi. Aneu 8.

Jehoshaphat in ih sam ding hici ahih manin, Ahab in a nasem khat sawl iin Micaiah kamsangpa sam sak hi. Ahangsan kamsangpa in azaknop huai hetlo genkholhna thu hong gen a, Ahab pen Syria te tawh kidona ah si ding hi ci hi. Thuhoih agen kamsang 400 te thu um zaw ding maw ahih kei leh mi khat bek ahi Topa kamsangpa gen um zaw ding cih Ahab in a khensat ding hong hita hi.

A lungsim khauh Ahab Kumpipa in Micaiah kamsangpa gen thusim kul kei ci-in Jehoshaphat zol teeiteei in galsim dingin hong kuan khiata uh hi. Topa sangin thei kisa zaw-a luum leh tei silh-in gal mailian [front lines] ah pai kei peuh leng ci-in ngaihsun hi. Ahih hangin Ahab in, Pasian Kammal pan na suakta hetkei ding hi, cih pen phawk hak kha hi. Gal kidona sungah thaltang khat hong lengin Ahab galdal luum te kimatna kikal ah lut in kha-a asii tampi luangin a sakolleng tungah si hi Ni nunungni ciangin kamsang zuauthei tampi hong piang ding uh hi, ci-in Zeisu in hong hilhkhol hi (Matthew 24:11). Tua manin eite in amaan leh amaan lo ih khentel theih ding kisam hi. Hih in nuntaakna ahikei leh sihna ding thu hikha ding hi!

1. Topa in agel nunung pen thu te kua tungah lak hiam?
Amos 3:7. 7 Hi takpi hi, Thupipen TOPA in
ama geelna, a nasem kamsangte tungah
a laak lohin bangmah a sem kei hi. (ZIV)

Dawnna: ____________________
2. Ni nunung ciang kamsang maan leh maanlo aom ding hiam?
Matthai 24:11. Kamsang kineihkhem mi tampi hong piang ding a, mi tampi tak umkhialsak ding uh hi.
Sawltak Tangthu 2:17. "Pasian in, ‘Ni nunungte ah mi khempeuh tungah
ka Kha ka sungkhia ding hi.
Na tanute na tapate un kamsang ding uh a,
na tangvalte un mangmu in,
na putekte un mang a man ding uh hi. (ZIV)

Dawnna: ____________________
Phawk Ding: He om ding! Hun nunung ciangin kamsang maan leh maanlo hong om khawm ding uh hi. Laisiangtho in hong hilhna ah kamsangte pen numei zong hithei pasal zong hithei ci hi.

3. Laisiangtho in a genkhiat diak a phalloh bangci bang kamsang maanlo nam te hiam?

Thu Hilhkikna 18:10.No lakah biakna-in a tanu ahi-a a tapa ahi zongin mei sungah ba khul, aisan, khongkhai, mangsan, aitawi, (ZIV)

B. “Khongkhai [astrologer].” Thuhilhkikna 18:10.
C. “Ma-angsaan [magician].” Thuhilhkikna 18:10.
D. “Aitawi [female psychic].” Thuhilhkikna 18:10.
E. “Mibum [person who casts spells or charms].” Thuhilhkikna 18:11.
F. “Sikha hopih [spirit medium].” Thuhilhkikna 18:11
G. “Sikha tawh kiho thei[male psychic].” Thuhilhkikna 18:11.
H. “Misi te thu dong [person who claims to consult with the dead].” Thuhilhkikna 18:11.

Dawnna: ____________________
Phawk Ding: Thuhilhkikna 18:9-12 sunga banga a sem peuhmah Topa adingin “akih huai hi”ci hi. Tua ahih manin Christian te in tua bang mite tawh ih kipawl loh ding ahi hi.

4. Hun nunung Pasian’ pawlpi in kamsanna silpiak anei diam?
Maangmuhna 12:17. Tua ciangin tua numei tungah gulpi heh mahmah a, tua numei' suanlekhak dangte ahi, Pasian' thupiakna zui-in, Jesuh thu-ah kiptakin a om mite a sim dingin kuankhia a

Maangmuhna 19:10. Hih thu ah amah bia dingin a khe phungah ka bok hi. Ahi hangin amah in, "Hih kei in! Kei zong Jesu ading teci a pang, nang le na sanggamte tawh nasem khawm khat mah ka hi hi. Pasian bia in! Ahang in, Jesu teci panna in kamsanna kha ahi hi," hong ci hi.

Dawnna: ____________________
Phawk Ding: abaanglai Pasian pawlpi in “Zeisu teci pan na” ahi “kamsanna kha” nei hi. Mangmuhna 19:10 leh 22:9 etkak leng, vantungmi in John ii “sanggam te” acihnopna in kamsanna kha nei a “kamsangte” leh “hih laibu sunga thute a kemcingte” ci hi.

1 Corinthians 1:5-8 sungah, Paul in a gelhna ah pawlpi in Zeisu nih veina hong pai dongin “Zeisu teci pan na” leh “khalam letsong kisap na nei kei uh hi” ci hi. Tua ahih manin hun nunung Pasian pawlpi in kamsanna silpiak nei ding uh hi
.
5. Kamsang maan te Pasian in bangci lam tawh hopih hiam?
Gamlak Vakna 12:6. Topa in, “Ka thu za un: Note' lakah kamsang a om leh Topa keimah in ama tungah maangmuhna tawh ka kilak a, amah tawh mang sungah ka kiho hi.

Gamlak Vakna 12:8. Amah tawh maitang kituahin ka hopih hi;
khiat lai ding hi loin a kitel sinsen hi;
amah in TOPA pianzia a mu hi.
Tua ahileh bang hangin ka nasempa Moses
langgen ding lau lo na hi uh hiam?" a ci hi. (ZIV) .

Zechariah 4:1. Kei tawh a kiho vantung mi mah hong paikik a, a ihmu kimlai a kiphong bang keekin kei hong khanglosak hi.

Dawnna: ____________________
Phawk Ding: Topa in a kamsangte ma-ang te tungtawn, mangmuhna te tungtawn, kimaingat iin leh vantungmite tungtawnin hopih hi. Aisaanna, khutlam etna, khongkhaina, phuisamna, misisa te thudotna cihte tawh Pasian in kamsangte hopih lo hi.

6. Nalamdang bawltheihna in kamsang maan cihna ahi hiam?
Maangmuhna 16:14. Amaute, a lamdang limte a lak thei dawite kha hi uh a, leitung bupa kumpite kiangah pai-in, Thahatpen Pasian ni lian ni-a galdo dingin amaute a kaikhawm dinga kuan khia uh ahi hi. (ZIV)

Dawnna: ____________________
Phawk Ding: Hilo! Nalamdang bawltheihna in kamsang maan cihna hilo hi. Amau hong lah in—nalamdang bawltheihna nam khat bek hi. Hih nalamdang bawltheihna pen Pasian kiang pan ahihkeh Satan kiangpan zong hithei hi. Tua manin Topa in eite tungah: “kha khatpeuh um kei un; ahangin leitung ah kamsang zuau tampi paikhia khin ahi manin amaute kha Pasian pan hi hiam, hi lo hiam cih sittel un.” hong ci hi. 1 John 4:1.

7. Kamsang maan sittelna dinga athupi penpen in bang hiam?
Isaiah 8:20. Thukham le tecipannate bek ngai un. Amaute in hih kammalte tawh kizui-in a pau kei uh leh amau adingin phalvak khuavak a nei lo suak uh hi. (ZIV)

Dawnna: ____________________
Phawk Ding: Laisiangtho Lui in, “Thukham leh teci panna” acih pen “Laisiangtho bu” ahi hi. Adangkhat iin gen leng, Pasian kamsang hing akici mi peuhmah Laisiangtho tawh sittel hamtang ding ahi hi. Kamsang maan leh maanlo pen Laisiangtho tawh sittel ding hi-a, Laisiangtho pen kamsang khat peuh tawh sittel ding hilo hi. Pasian kamsang maan ahihnak leh agen khempeuh 100 ah 100 Laisiangtho tawh kituak ding hi. Tua pen sittelna maan ahi hi.

8. Kamsang maan sittel nading anihna in bang hiam?
Johan Masa 4:2.Pasian Kha na khentel theih nading uh hih bang ahi hi: Jesu Christ mihingin hong pai hi, ci-a a sang kha peuhmah Pasian pan hi-a, (ZIV)

Dawnna: ____________________
Phawk Ding: Kamsang maan ahihnak leh Zeisu pen Pasian hi-in mihing bangin hong piang hicih thumaan hong gen ding hi. Kamsang maan te in Zeisu hong domsang dinga, amau leh amau kidomsang lo ding hi. A tamzaw kamsang zuauthei te-in Pasian Thu (Kammal) panin mite ngaihsutna kaikhiain amau ngaihsutna lam ah paipih uh hi.

9. Kamsang maan sittel nading athumna in bang hiam?

Matthai 7:16. Amaute a gah un na khentel thei ding uh hi. Lingkung panin lenggah kilo ngei ahi hiam? Thangling kung panin theigah kilo ngei ahi hiam? (ZIV)

Dawnna: ____________________
Phawk Ding: Kamsangte kicingtaak sitset ding uh hi cihna hilo hi. Pasian' khamsangte in atawntungin khialhna nei kha ding uh hi. Bang bang ahi zongin kamsang maan te in agen bangun nungta ding uh hi.

10. Kamsang maan sittel nading alina in bang hiam?

Jeremiah 28:9. Ahi hangin kilemna hong tung ding hi, ci-a a genkhol kamsangpa, TOPA kamsang hi taktak ahi hiam cih ama gen banga a tun ciang bekin kithei pan hi," a ci hi. (ZIV)

Dawnna: ____________________
Phawk Ding: Kamsang maan khat in a maanlo genkholhna te gen lo ding hi. Pasian kamsang maan ahihnak leh agen khempeuh hong tangtung ding hi. Agen bang atangtunna bek tawh zong kamsang maan hi cihpah ding zong hilo hi. Thuhilhkikna 13:1-3 sungah, kamsang maanlo tampi te in zong agenkholh te uh tampi atangtung ding gen thei uha, ahih hangin amau nungzuite pasian dangte nungzui suaksak uh hi. Kamsang maan ahih leh Laisiangtho tawh kituak iin Pasian bia dingin mite makaih ding uh hi.

11. Genkholhna tawh kisai Paul in thu thum agen bangte hiam?
Thesalonika Masa 5:20, 21. genkholhna thute na simmawhbawl kei un. 21 Na khempeuh sittel un. A hoihte kiplet un. (ZIV)

Dawnna: ____________________
Phawk Ding: Paul in genkholhna silpiak na simmawh bawl kei unla, zong nial kei un ci hi. Ahi zongin kamsangte thugen te Laisiangtho tawh sittel iin thumaan thutak ahih leh zui-un ci hi.

12. Amaan kamsangte thu ih nial ciangin kua thuhilhna anial ih hi hiam?
Luka 7:28-30. Ken kong geninah, numei sung pana suakte lakah Baptisepa John sanga lianzaw kuamah a om kei hi; ahi zongin Pasian gamah a neupen nangawn amah sangin a lianzaw hi," a ci hi.

29 (Mi khempeuh, siahdongte nangawn in Jesu thugen a zak uh ciangin Pasian lampi a maan hi, ci-in a sang uh hi; bang hang hiam cih leh amaute John in baptise khin hi. 30 Ahi hangin Pharisee-te le thukham siamte John in baptise kha lo ahi manin amau ading Pasian ngimsak na a nolh uh hi. (ZIV)

Dawnna: ____________________
Phawk Ding: Amaan kamsangte thugen ih nial ciangin Pasian thuhilhna anial ihi hi. Ngaihsut ding thupi! Laisiangtho in Pasian’ kamsangte leh kamciamte ngai-a kamsang maan te thuhilhna azui te lawhcing ding uh hi ci hi. Khangtangthu Nihna 20:20 Topa na Pasian uh um un; tua hi leh note na kip ding uh hi. Ama kamsangte um un; tua hi leh na mavang ding uh hi,” a ci hi.

13. Pasian in tudongin kamsangte tungtawnin thugen a, amaan kamsangte kammalte in nang mimal tungah “Zeisu teci” hong pang uh hi. Tua manin tukhang-a kamsangte Laisiangtho tawh sittel iin a thuhilhna te uh Lasiangtho tawh akituah leh zuih ding na lunggulh hiam?

Dawnna: ____________________

HILHCIANNA 1

Tukhanghun-a Kamsang
Portland, Maine ah December 1844 kum iin Methodist nungakno pawlkhat in khukdin iin thungen uha, kum 17 apha adamlo nungakno Ellen Harmon in a masa pen a mangmuhna hong ngah hi. Ellen pen Pasian nasem James White tawh hong kiten ciangin Ellen White kici hi. Ama tungah Pasian in a lah bangin hong septoh ciangin, asih 1915 kum dong ma-ang te leh mangmuhna te kum 70 sungbang hong ngah tosuak hi.

Laisiangtho sunga amaan kamsangte mah bangin, a mangmuh laitakin akitheitham alamdang Ellen White ii pumpi tungah tung hi. Kamsang Daniel mah bangin, a mangmuh laitak naak hetlo iin khat veivei thazawm iin om hi (Daniel 10:8, 17). Pawlkhat a mangmuh te nai 4 bang sawt a, a tua sungbup naak hetlo hi. Siavuante in zong a mangmuh laitakin ahi takpi ahihna va sit ngiat uh hi.
Adang hun te ciang, alamdang thahatna kipia hi (Daniel 10:18, 19). Amah pen pounds 95 bek pha hinapi a mangmuh laitakin pounds 17 agik innkuan Laisiangtho bu akhut zan iin minit 30 sung atawi, ateci te in mu uh hi. Hih te leh adang akitheitham pumpi tunga nalamdang cih te pen kamsangte tuahkhak ahi hi. Bangbang ahi zongin, hih alamdang te in Pasian kiang pan maw Satan kiang pan cih hong gen lo uh hi. Kamsanna silpiak ngah ci a nalamdang khat hong om ciangin, Christian te in amaan hiam ci-in Laisiangtho tawh sit pelmawh ding ahi hi.
Laisiangtho tawh Sittel nading nam Li te Zang ni. Enkhawm ni Ellen White nuntaakna leh a thugen te Laisiangtho tawh sittel nading nam li te tawh kituak-a kamsang maan ahi hiam?

Sittelna masa—Laisiangtho tawh Kituak
Ellen White laibu te khat peuh sim lecin Laisiangtho ah hong puak ahihna leh Laisiangtho tawh kituak sitset ahihna na mukhia ding hi. Ahi zongin, Laisiangtho behlap nadinga agelh hilo hi. A laigelh te in Pasian’ mite lungsim Laisiangtho ah puak ding leh thumaanna naak ahi Laisiangtho ah ciahkik nadinga sapna ahi hi. Phawk lai dingah Ellen White in upna zungpi pen Laisiangtho bek hicih bulphuh hi: “Tu ei khanghun iin mite a upna (doctrines) uh leh a sanna (precepts) te uh pan gamlapi pial khinta a, Protestant te thumungpi ahi—Laisiangtho, upna zungpi leh vaipuak ahi Laisiangtho bek mah ah ciahkik ding kisam hi.”1

Hih zong gelh lai hi: “A kigelh tecipanna te in khuavak thak hong pia hilo a, hong kilaksa hu kimuam thumaan thutak te ih lung sungah khauhtak-a hong tawsawn hizaw hi. Mihing te in Pasian tung leh a midang pih te tungah bang vaipuak nei cih Pasian’ Kammal in limtakin hong lak hi; himah taleh note tawmcik bek in hong kipia khuavak thu na mang uh hi. Thumaan thutak hong kiguan beh hilo hi. Ahih hangin Pasian in Tecipannate tungtawnin hong piaksa athuthuk thumaan thutak te hong telnopsak iin leh Ama teltuam lampi tungtawn iin hih thu te miteng tungah hong puak a, kuamah apeng theilo dingin hih thu te tawh lungsim te hong tawsawnin hong phawng hi.

Ellen White in ama laigelh te Laisiangtho zahin na ngaihsun peuhmah kei un acih hangin, a laigelhte Khasiangtho humuap mah ahi hi. Pasian’ kamsang lianpipi—Elijah, Elisha, leh Tuiphum John—te Khasiangtho humuap himah taleh uh Laisiangtho bu khat zong gelh lo uh hi. Ellen White laigelh te pen alianzaw khuavak, Laisiangtho, ah hong puak aneuzaw khuavak kici thei kha ding hi. A laigelh te in Laisiangtho deihna hong telkheh hu kimuam hi a, Laisiangtho mah a bulpi thunei pen hi veve hi.

Sittelna Nihna—Zeisu thu Thumaan Thutak Hilh

Ellen White laibu—The Desire of Ages, Christ’s Object Lessons, Khazih kiang Zuatna, leh Thoughts from the Mount of Blessing—hih te in sittelna tawh kituak hi ci-a teci te ahi uh hi. Hih laibu te ah ama thu agelhna om hetlo-in midangte Zeisu mitsuansak den hi.

Sittelna Thumna—Pasian Deihna banga Nuntaakna

Laihawm (The press) te in Ellen White sihna thu ah hibangin gen uh hi: “Mrs. White nuntaakna in mi khempeuh adingin etteh taakcing hi. … Kiniamkhiat-a Zeisu nungzui muanhuai leh na hoih asem tawntung khat ahi hi. … Numei gina khempeuh in a pahtawi uh leh a zahtaak uh hi a, angsungkhol lo-in mite lamto-a mikim phattuamna dinga nasem hi. Ama sihna in Pasian thu a ngaihsun makai leh kum sawmkua sung phial nasep hoih semkhia a, kamkhum pau iin, mikim ading nakpi thu a ngetsak nu ahihna phawk ding leh ciapteh dingin om hi.”3

Sittelna Lina—Genkholhnate Maan

Mailam thupiang ding Ellen White genkholh pawlkhat olno takin santheih dingin om hi. Anuai-a ih gen ding genkholnate tuzingsang-a laihawmthak (newspaper) bangin a kisim hangin, khualzin gamvak kikawmna ding vante akibawl mapek-in agelh khitsa hi. “Thakhatthu-a kikawmna pan tuahsiatna hong khang semsem dinga, buaina, lamkal ah tuahsiatna, khualzinna lam lianpipi te ah theihkholh loh sihna hong piang ding hi.”4

Siavuante in zatepna in tuap hoihsak hi acih hunlai un Ellen White a khangkhia hi. Zatui lam tuamtuam athei aom hangin, science tawh lahna taktak om nai lo hi. Cidamna ding ante a kithei nailo science ahih hunlai te-in Ellen White in cidamna ding neek leh dawn tawh kisai (nutrition) thu te tampi na gelh khin hi. Cornell University a cidamna lam professor a hingei Dr. Clive McCay in hibangin gen hi: “science lam te-in cidamna ding thu (nutrition) a muhkhiat mapek un Mrs. White in ahang leh athu teng agelh khitsa hi a, ama laigelhte sangin a hoihzaw tuni dongin
khat beek omlo hi.”5

Laisiangtho in ni tawpni ciangin kamsanna silpiak om ding hi ci-in hong genkhol hi. Laisiangtho in kamsang maan hibang hiding hi ci-a agen banglian-in kituak kim hicih kimu thei hi. Ama laigelhte abu nei-a na sim ding leh Laisiangtho hong thupiak zong zuih dingin kong hanthawn nuam uh hi, “genkholhna thute na simmawhbawl kei un. Na khempeuh sittel un. A hoihte kiplet un.” Thessalonians Masa 5:20, 21.
__________
1 The Great Controversy (Mountain View, CA: Pacific Press, 1950), p. 204, 205.
2 Testimonies for the Church (Mountain View, CA: Pacific Press, 1949), Vol. 2, p. 605.
3 Star (St. Helena, California), July 23, 1915.
4 Messages to Young People (Washington, DC: Review and Herald, 1930), p. 90 (reprinted from article in The Signs of the Times, April 21, 1890).
5 Clive M. McCay, “A Nutritional Authority Discusses Mrs. E.G. White,” Review and Herald, February 26, 1959, p. 10.

HILHCIANNA 2

Matthai 24:11. Kamsang kineihkhem mi tampi hong piang ding a, mi tampi tak umkhialsak ding uh hi.

Sawltak Tangthu 2:17. "Pasian in, ‘Ni nunungte ah mi khempeuh tungah ka Kha ka sungkhia ding hi. Na tanute na tapate un kamsang ding uh a, na tangvalte un mangmu in, na putekte un mang a man ding uh hi.

1 John 4:1 Kong it lawmte aw, kha khatpeuh um kei un; ahi hangin leitung ah kamsang zuau tampi paikhia khin ahi manin amaute kha Pasian pan hi hiam, hi lo hiam cih sittel un. (ZIV)

Isaih 30:21 Taklamah na kihei ciang uh ahi a, veilamah na kihei ciang uh ahi zongin, "Hih pen lampi hi, hih tawn un," cihna aw, na nunglam panun na bil un a za ding hi.
Hun nunung ah Kamsang maan leh maanlo hong om khawm ding ci ahih manin Pasian kamsang maw? Pasian Kamsang hilo cih sittel kul hi. Pasian mite in Pasian' Kamsang te tung tawn panin lamlahna ngah ding uh hi cih Lai Siangtho tungtawn in ih mu thei hi.

Pasian' kam sang a maante sit tel na te

I. Vision (mangmuhna) a neih lai takin, huu sang lo (huih dik lo) ding hi. Thaneih teng beikhina atha zawmgawp hi.
2. A mit phia lo in vantunglam ento hi.
3. A lungtang ki sai ding hi. (Daniel 10:8, 17)

Daniel 10 sungah Daniel zong a mangmuh lai takin hih a tung a nam 3 bang in om hi. Ellen. G.White ii mangmuh dan leh Daniel ii mangmuh dan ki bang lian ahih manin, Ellen G. White pen L.S.Tho tawh ki tuak hi.

4. A gen kholh thu khempeuh 100 ah 100 man ding.
5. Zeisu hot khiat na leh L.S.Tho thu tawh ki leh bulh lo ding.
6. Zeisu teci pan na leh Pasian' thukham 10 te tawh ki leh builh in thu gen,gamta lo ding. Isaiah 8:20.

7. A ma nuntak zia in L.S.Tho sung a, K.S.Tho gah a gen te tawh ki leh builh lo ding. Galati 5:22,23

8. Kamsang zuau leh a maan pen a hun ngak in sit tel kul hi. Ellen.G.White pen Mangmuhna leh Kamsanna hong neih lai tak in, Methodist pawlpi sunga aom lai tak hi in, S.D.A Pawlpi in ki sang pah lo in kum 10 sung a hunla in, ki sit tel phot hi. Pasian' bawlsa Aksi thu a gen na te ah, Aksi lam pilna anei ten a nung muh teh Ellen G. White pen Kamsang maan hi ci-in, teci pang uh hi.

5. Ellen.G.White in L.S.Tho bupi pound 17 agik pen, a khut lang khat tawh a lu tungah lam to in, (daniel 10:18) a mekawk tawh L.S.Tho kawk kawm in et loh sa in mum tampi tak a sim lai tak tangval 2 in sit tel in a vekpi in man kim hi.

6. A mah pen laitan tan 3 bek hi na pi-in laibu tam pi gelh in thoh khia hi. Leitung ah thugen siam minthang mah mah Bigligraham laibu tau ah tam mah mah cih thu ki gen hi.

7. Ellen.G.White lai bu te pen Lai Siang Tho sang thupi zaw cih na hi lo in, Lai Siang Tho ih tel zawl loh thu te hong hilh cian hi cih thu ahi hi. (gentehna : Rev 22:1-3) sim suk leng, Jerusalem khuapi lai zang ah nuntak na guntui luang in, tua guntui lang tuak ah nuntak na singkung po hi cih pen, Kamsangnu E.G.White in hi bang in na gen hi; Tua singkung pi ii a zung 2 in gun kal kak in gun Lang tuak ah po in, a tung lam pan kung khat in ki zom kik hi na ci hi. Tua ban ah gen kholhna thu (Prophesy) te ah athuk zaw leh à zai zaw in hong hilh cian hi.


8. Ellen.G.White in 2000 vei bang a mangmuhna ah, a khat vei na pen Pasian' thukham 10 lak ah a 4 na pen ni' suum bang in tang pem pam ci hi. Sabbath thumaan na ki lak masa pen hi. Hih amangmuh laitak in amah S.D.A hi nailo in, Methodish sungah omlai hi. Tua lo a dang dang tampi om in a theih beh nuam ten Kawl lai tawh a ki at (Ellen.G.White ii အတ္တုပ)laibu ngah in sim sawm tek ni. Laisim mimal kim Topa'n thupha hong pia kim ciat ta hen.

Source: Amazingfact

To get the latest update of me and my works

>> <<