MUC

Print Friendly and PDF

Monday, March 21, 2016

Sabbath School Lesson 4 | Tho Inla Pai in, Upna leh Damna

LESSON 4 | APRIL 16 – 22



“THO INLA PAI IN:”  UPNA LE DAMNA


SABBATH NITAK : 

TU KAAL SUNG SIM DING: Matt. 8; 9: 1 -8; Siam. 13: 44 – 50; Dan. 7: 7, 8; Jn. 10: 10; 1 Jn. 1:9.

KAMNGAH : “ Na mawhnate kimaisak zo hi,” cih ding baihzaw ahi hiam? “ Tho inla pai in,” cih ding baihzaw ahi hiam? Mattew 9: 5.

Na thuak khak hamsat nasak penpen pulaak in hong kici leh, bang na pulaak ding hiam? Innkuan sung pan sihna ahih kei leh nang mahmah a si ding dinmunah na om hun cihte hi kha thei ding hi. Hih bang gimnate mihing bulphuh, leitung bulphuh vive hi. Leitungah i nunna mah i lungkhampih pen hi. Pasian in tua bang gimna i tuah ciang hong hehpih hi. A taktakin tawm khat sungin a mangthang nunna, i lunggimpih lianpi bel a kul mah hiam? Tuate sangin Amah tawh kizopna hoih i nei kei a, tawntung sihna i tun kha ding i lunggim pen ding hi zaw hi. Pasian in zong tua mah thupi-sa penpen hi. Zeisu in cinate damsak hi mahta leh, tua in tawl khat sung bek damna hi. Zeisu tawh a thokikkhawmte lo buang, damna ngahte hun khat ciangin si veve uh hi. SDA Bible Commentary, Vol. 5., 550. Ellen G. White, The Desire of Ages, 786.

Khrih in tawntung manthan nading pan a hong hotkhiat khit hangin leitung pumpi taksa natna le sihna tawh a kipelh thei kuamah a om kei hi. Hih thute siksanin pumpi cidamna le upna cidamna thute ngaihsutdih ni.


SUNDAY  APRIL  17

LAWNLOH DING NIINTE LAWNG

Khrih in Mual Tung Thuhilhna man khin, Pasian Gam tawh kisai thubulpite a pulaak khit ciangin, Satan’ vangliatna, mawhna le siatna khempeuh tawh kidim thute thuak hi. Tua bang siatnate lakah sinkham huai mahmah natna in phaak natna ahi hi. Miriam a phak ciangin Pasian’ hehna thuak hi, ci-in a ngaihsut uh hang, (Pai. 12: 9 – 12), phak natna pen Satan’nasep khat ahi hi.

Matt. 8: 1- 4 sim in. Jesuh in phak natna nei-pa va lawngin damsak hi, cih thu in bang thu pulaak hiam? Siam. 13: 44 – 50.
________________________________________________________________

________________________________________________________________

Mi phakpa in Jesuh mai-ah khukdin kawmin, “ Nong damsak nop leh nong damsak thei hi,” ci-in thuum hi. Zeisu in damsak theihna vang nei hi. Tua vangliatna in nunzia kikhelsak thei hi. Zeisu in damsak nuam ahih manin, thakhatthu-in mi phakpa zong dampah hi. Zeisu mi phakpa a va lawn manin mipite’ muhna ah kihhuai mahmah hi. Lawng lo-in ‘dam in’ ci-in thupia ziau leh zong dam veve ding hi. Bang hangin Zeisu in lawng teekteek hi ding hiam? Hih mi phakpa a damsak thu in mawhna sung pan a hong siantho-sakna pulaak hi. Jesuh kiangah hong pai mi phakpa’ pum tung khempeuh phak mang khin hi. Mi phakpa in Zeisu a lawn khak dingin nungzuite in phal lo uh hi. Tua bangin lawng leh, Zeisu pen a sianglo suak ding hi. Mi phakpa a lawng peuhmah a niin hi, ci-in kiciamteh hi. Ahi zongin Zeisu in tua mi phakpa a lawn hangin niin tuan lo hi. Ama’lawnna in nunna piangsak zaw hi. Mi phakpa in damna ngah hi. Tua mah bangin mihing’ tha le ngal, hanciamna tawh a dam thei lo ding phak a bang nunna, tu in Khrih in hong damsak hi. Ellen G. White, The Desire of Ages, 266.


Zeisu in mi phakpa a va lawnna thu in bang zahin mawhin khial kha phialta lehang mawh maisakin eite tawh hong kikhawl nuam Pasian hi, cih pulaak hi. Tu laitakin mi phak khat bangin mi khat peuh na nawlkhiin a om hiam? Koi bangin Zeisu bang mahin tua bang mi tawh kizopna hoih nei thei ding na hiam?

MONDAY  APRIL  18

ROMAN MITE LE MESSIAH

Daniel in Roman tawh kisai tampi pulaak hi (Dan. 7: 7, 8, 19 – 21; 8: 9 -12, 23 – 25). Khrih hun lai-in Roman mite gualzo mahmah uh hi. Ahi zongin Roman ulian khat Jesuh kiangah va pai hi. Bang zahin lian-in, mi thupi khat ahih hang, hih Roman ulianpa in a thuah khak thute hangin cimawhin hi. Ulian makai, a hau mi tampi in nisim a tuah khak uh thute’ hangin cimawh uh hi. Pasian in amaute ompih kei leh lamet nei lo uh hi.

Matt. 8: 5 – 13 sim in. Upna le upna nei i cih ciangin bang a pulaak, a khiatna bang hiam? SDA thu-um mi khat na hihna tawh kizui-in bang hamphatna pulaak hiam?

________________________________________________________________

________________________________________________________________

Hih Roman galkap makaipa in galkap 80 – 100 a uk makai khat hi. Galkap sungah kum 20 sung bang om khin ahih manin innkuan tawh om lo hi. Amah pen inn nasem khat tawh om hi. Tua hun lai-in Gentiltes mite sangin a kihzawk uh mite in mi phakte ahi hi. Zeisu in hih galkap mangpa’ inn ah pai ding phamawhsa lo napi, galkappa in Zeisu sam ngam lo hi. Zeisu a va hawh ta kei leh, thupia peuh leh silapa in damna ngah ding hi, cih upna nei hi. Zeisu’ kammal in Ama’ lawn mah tawh kibangin vanglian hi. Zeisu in hih galkap mangpa’ ngetna piak ding hamsa sa lo hi.

Matt. 8: 11, 12 sim in. Hamphatna tampi ngah mite’ tungah bang vauhilhna na thei hiam? SDA thu-um mite in hamphatna tampi ngah hi. Kidop huai hi lo hiam? Nisimin khensatna bang na nei hiam? Koi bangin na khensat thute in upna huzaap hiam? A picing zaw tektek upna a nei dingin koi bangin khensatna nei ding na hiam?

TUESDAY      APRIL 19

DAWITE LE VOKTE

Matt. 8: 25 – 34 sim in. Pasian’ vangliatna bang pulaak uh hiam? Koi bangin hih thute in cimawh genthei-in i om ciang lungmuanna nei ding i hiam?
______________________________________________________________________

_____________________________________________________________________

Jew mite in Pasian bek mah in nate le dawite tungah vangliatna nei hi. Zeisu in a thupiakna tawh huihpi a daihsak khit ciangin (Matt.8:23–27), Galilee Tuipi pan nisuahna lam manawhin paikhia-in Gentile mite le dawite omna mun khat va nawk hi. Mark 5: 1- 20 le Luke 8: 26 – 39 in dawi veipa tawh kisai a kicing zaw-in pulaak hi. Hih dawite in amau le amau ‘tampi’ ci-in kipulaak uh hi. A vekpi un 6000 bang pha ding uh hi. Tua kimaha om vok 2000 sungah tua dawite lut uh hi.

Mi tampi in bang hangin dawite in vok sungah lut ding ngen uh hiam, ci-in dong uh hi. Dawite in kuama ut lohna munte ah nuamsa uh hi, ci-in a ngaihsun om hi. Mi kim khat in dawite in tui kihta uh ahih manin Jesuh mahmah in leikeu mun khat zong hi, ci uh hi (Matt. 12: 43). Topa hong pai ma-in dawite khempeuh kisusia mang ding hi, ci-in a pom zong om hi. A thupi penah, hih dawi vei mipa bangin Satan in Pasian’ mite bawlsia nuam hi. Ahi zongin Zeisu in amaute’ nunna puahphatsak hi. Satan in Pasian’ tungah a ki-ap mi peuhmah tungah bawl dingin a ngimkholhsak thute Zeisu in suksiatsak hi. Tua lo-in Satan i zo kei ding hi.

Satan tawh kipawl maw, Zeisu tawh kipawl zaw, cih namnih bek om hi. Khat zaw zaw-ah i om kul hi. “ Zeisu in kei hong koppih lote ka langa pang hi-a kei hong kaihkhoppih lote a thehthang ahi hi,” ci hi (Lk. 11: 23). Mimal khat ciat in a khensat ding ahi hi.

“ Gutate ahih leh a gu ding le a siasak ding beka pai ahi hi. Kei ka hih leh amaute in nuntakna a neih nading, a dim a neih nadingun hong pai ka hi hi,” ci hi (Jn. 10: 10). Koi bangin hih thu na nuntakna ah kimu thei hiam? Koi bangin hih kamciam tawh nungta ding i hiam?

WEDNESDAY  APRIL  20

“ THOTO INLA PAI IN”

Monday ni-a i pulaak khitsa galkap mangpipa’ upna bangin Israel sungah upna om lo hi, ci-in Jesuh in pulaak hi. Ahi zongin tua hun laitak mahin Israel mite lakah pumpi taksa a dam ding sangin a nuntakna cidam ding a lunggulh zaw mi kimu thei hi.

Matt. 9: 1- 8 sim in. Bang bang mawhna le siatna tawh kidiah ta lecin mawhmaisak lamet kamciam na muang thei ding hiam? Rom. 4: 7; 1 Jn. 1:9; 2: 12 zong sim in.

________________________________________________________________

________________________________________________________________

Zeisu kiangah pumzaw mi khat kipaipih a, Zeisu in cina-pa a muh phetin mipa’ nunzia a pulaak kammalte lamdang hi lo hiam? Zeisu in cina-pa’ dinmun tel lua mahmah hi. Pumpi zawngkha mah taleh, tua sangin a kisam zaw, cina-pa’ nunzia ahi hi. Leitung mawhna hangin tua bangin zawngkhal ahi hi. Zeisu in cina-pa’ kitangsap lian pen thei ahih manin, “ na mawhna maita hen” ci ziau hi. Hih sangin a zaknop kammal bang om ding hiam? “ Cina-pa in natna pan damna ngah ding lunggulh hi. Mawhna pan suahtak ding a phawk kha loh hangin, mawhmai nading Khrih muh ding lunggulh hi. A nungta-a, a si zongin Pasian tawh kilem ding lunggulh hi.” Ellen G. White, The Desire of Ages, 267.

Upna thu i pulaak tawntung a cina damsak nadingin a kisam pen hi, i ci kei hi. Kim le paam nate muan le suanin nei lo-in Pa Pasian bek muanngamna in upna khempeuh lak pan a lian penpen upna hi. Thu i nget ciangin nisim nuntakna ah kisam thute i pulaak hi. Jesuh in Mual Tung Thuhilhna ah “ Pasian’ gam, le Ama’ dikna zong masa un. Tua hi leh na kitangsap khempeuh hong kipia ding hi.” Tawmvei sung bek kimang thei nate sangin a tawntungin kimang ding nate kinhuai zaw tham hi.

Bang bang gimna i thuak zongin tawm vei sung bek a thuak ding i hi hi. Bang hangin hih thu mangngilh loh ding thupi hiam?

THURSDAY   APRIL  21

“MISI IN MISI VUI HEN”

Matt. 8: 18 – 22 sim in. Zeisu nungzui mi khat ii nunzia bang thute pulaak hiam?

________________________________________________________________

________________________________________________________________

Zeisu a zui nuam mi nih in Zeisu kiangah va pai uh hi. Zeisu zui nuam takpi mah uh hi. Ahi zongin a nungkaih khat om hi. Zeisu in mihing’ lungsim mu thei ahih manin tangtakin thu dong pah hi. Khat pa in a lupna nusia-in Zeisu zui pah dingin kiging hi. Zeisu a zui mite in a neihsa na khempeuh suplawh mang ding cihna hi pah lo-in, Zeisu a zui dingin a tawntungin kiging den ding hi. Zeisu in a nihna mipa kiangah dong leuleu hi. Na khempeuhte sangin Zeisu a masak zaw ding hiam? ci-in kidong pah hi. A nih tuakun a pa uh vui masa phot ding geel uh hi. Bang hangin Jesuh in a pa si vui sak photin, tua khit teh, kizui sak lo hi ding hiam? “Na nu le na pa zahtak in,” cih thupiak a om bangin ta in pa vui ding masuan nei hi. Ahi zongin tu-in a pa si nai lo si baih ta ding cih zong hi lo hi. Tuate in Jesuh kiangah ka nu ka pa tawh kisai kasep ding khempeuh va sem phot ningin, tua khit teh na nung hong zui ning, a ci hi gige hi.

Nungzui dingin sapna ngah mi khat, kuamah in a thusim loh nawlkhin thuak, siahdong Matthai (Matt. 9: 9 – 13) ahi hi. Lungsim tawng thu a thei Zeisu hi. Matthew in Jesuh’ sapna mang ding hi, cih theikhol ahih manin kuamah pimuh loh mi khat ahi phial zongin Ama nungzui dingin sam veve hi. Mihing’ ngaihsutna bang hi leh, Matthew pen Zeisu nung a zui dingin kilawm lo hi. Ahi zongin Lungdamna Thu in mi khempeuh hong sam hi, cih hong hilh hi.

Matt. 9: 13 sim in. Meihal biakna le Zeisu hong sihna thu in thupaipi bang hong laak hiam? Biakna, thuzuihna cihte in Pasian tawh kizopna takpi mah ahi hiam cih sittel huai hi lo hiam?

FRIDAY APRIL  22

SINBEH DING: Ellen G. White, The Desire of Ages, 262 – 271 sim in.German paunak khatah, hih leitungah khat vei bek i nungta ding a i nung ta kik kik nawn kei ding hi,’ ci uh hi. Thursday ni-a i gensa bangin Zeisu in a sap mipa in “ ka pa va vui phot ning in, tua khit teh na nung hong zui ning,” ci hi. Tua ciangin Zeisu in, “ Ka nung hong zui in. Misite misi mahin va vui uh hen, ci-in dawng kik hi (Matt. 8: 22) Jesuh in a hinglai mi khat misi, ci-in a gen teh a khiatna bang hi ding hiam? Tawntung nuntakna thu a um mite a’ dingin hih leitungah nuntakna pen Zeisu’ muhna ah misi tawh kilamdang lo hi. I nuntak hun sungin hotkhiatna thu a nial mite in a tawntungin a mangthang ding uh ahi hi. Tomno hun sungin a kisia ding hih leitung nate sangin tawntungin a kip ding nate i kin zawk ding hong hilh hi.

KIKUP DING DOTNATE :

1.      A pa sivui ding mipa le Zeisu’ kiho-na ngaihsun in. Tawntung nuntakna thu kin ding kisam mahmah hi lo hiam? Koi bangin Pasian’ thu intawn tung nuntakna thu hong theitelsak thei hiam?

2.      A tawntungin pumpi taksa cidam zo kei zongin tatsat lo-in upna,Pasian tawh kizopa a cidam ding kisam hi. Na upna a cidam ciangin Pasian tawh na kiho-na, thungetna, hong huzaap hi lo hiam?

3.      Bang nate manpha hiam? Gual suk in. Koi masak pen ding na hiam? Manpha nasak nate in Pasian tawh na kizopna le mite tawh na kizop na huzaap hi lo hiam? Koi bangin Pasian a um lo mite tawh na kilam dang hiam? 

To get the latest update of me and my works

>> <<