Kawlgam tualgal kipatcil lai-in, innkuan kitawng ahihmanin, Chin
leh Kachinte'n kuamah panpihtuam neilo-in omding, ci'n kiciam uh hi. Bo,Hrang
Thiao kiangah U Nu pai-in a mai-ah bokin thum hi. Mipil masate siamdan hibang
hi. A kihta hilo. A zahtak lah hilo. A thuk khem lua hi. "Hong huh
in,katanu hong pia ning" ci hi. Kipan pah mawk hi. A huhlo a dangte pen,
kumpi langpang suak ding ahihmanin a dangte'nzong huhloh phamawh ta hi.
Bo, Hrang Thiao pen U Nu tanu thalawhin, galhang mahmah sawnsawn
hi. Galten kapliam petmah. Zato kipuak hi. Tua hunlai-in Zato nurse naseem pen
kumpi tawh a kido minam ngentang ahi hi. U Nu in vaveh hi. Sih ding theihsa. Si
kei leh a tanu piak kul ding. Nurse leh physicians tenglah a gallam ngentang
himawk. Sihloh phamawh. " Gal gum, galin si," kici hi. U Nu tanu taw
liak manloin si ngaw ngaw. Ciampel minam heek, sawt nekei mawk! En Conference
ih ngetlaitakin, hizah thuak dingin kiging hetlo hihang.
Ih ngah hangin minam tawh kisai Khanglammite supna ding taangtang
cia zong omlo thamlo-in GC Fund hampha zawlai ding uh hi. Amau minam
lungsimtawh, hazaatna, thusimlohna, neu-etluatna sihsanin hong khaktan beklo-in
sukzan acihin hong suzan mawk uh hi. Ei lakah SDA Hrang Chiao nih leh thum hong
om a, tuate zangin, sanggam teng mihoihlo hong suaksak hi. Khanglamte pumgupin,
amau tangin a khutlum hong nga mawk uh hi. Minam heek, naseppih heek, tatsia
lawmlawm pen, satan bangin khansau phial taleh, Khasiangtho piak lungnopna
bei-in patauhna, launa, dipkuatna, lungmuanglo a omna, meikuang bangin lungsim
tawldamna mulo ding hi.
Ei zaa deih manin pianpih sanggam honghum hongkem ding teng
zuakin, zaataan lawh toto leng nuam lo taktak ding hi. Tuhunin Pawlpi GC dongin
buainathu kituntun hi. Direct aa thuman kawkkhia ding Seer=kamsaangnu omnawnlo
ahihmanin GC in zong a theihtelloh thu kipuak bangbang aa a khen om ding hi.
Tua khempeuh direct mawhsakna ding omlo hinapi, zungkan telkan ding kisam hi.
Amau nasep ahi hi.Penglo ding uh hi. Upna-27 behlap aa 28 hong hihsak zong,
honkhat GC tawh kikhenlawh hi. Kamsang makaihloh manin Corruption icih bangte
hiam, ci-in zong kitheilo zah ahihi.
Ahizongin ei-leh-ei kizuak zahdong aa i om ciangin SDA
Christianity pen dahhuai lua mahmah ta hi. Buaina pen om tawntung hi. A pua aa
kinilkhia ding dongaa thu i zon pen lamdang mahmah hi. A tawpna-ah, koimun
koimun i tung zongin Upna thuguipi khahsuah loh ding thupi hi. Gupna lamsang
pen launa ding omlo hi. Nilkhiatna a thuak eiteng beek khat leh khat kihuai
kikemin naseem khawm ding hoih hi. Ki-it ding kisam hi. Kimaisak ding kisam hi.
A pil kituh lo-in a siam kituh ding ahi hi. Eisung mipum kimuh khelhna khawng a
pualam tawh kop a kivaat mawk ding hilo hi. Khialhna i nei zongin mipi zak a
kithuhilh se ding hilo hi. Ei mimal sangin Society priority aa koih ding kisam
hi. Paulek hong zaksak antang thunget ni phawk ciat ni. Pasian in , mihing
telzawhloh lampi nei hi. Nalamdang lianpi hong lak ding hi. Hong hon ding
hi.
