MUC

Print Friendly and PDF

Wednesday, March 23, 2016

May 28 | Kei Mah bangin Migilo

Philip le Maureen


Philip Vaki pen kum 30 sung bang thongkia migilo mahmah khat hi. Mithat, buluh, siatna kici khempeuh a gamta hi mai hi. A 
thongkiat sungin a sungte in a zi kiangah “na pasal nusia in”ci-in a zi kiangah vagen ngei uh hi. Tua bang pasal tawh kiteng dingin kilawm keiteh ci uh hi. A zi Maureen ahih leh tua bangin a pasal migilo khat ahih hangin nusiat ding cih pen ngaihsun thei lo hi.

Maureen in Port Moresby khuapi-a om company khatah nasem hi. Tua a nasepna-ah mun tuamtuam pan hong zin mite tawh kimu kithei kha uh hi. Tua bangin a kitheihpih mite lakah Dennis Perry min nei Adventist thu-um mi khat tawh hong kithei-kha uh hi. Amah pen Adventistte neih cidamna an bawlna company khata nasem khat hi. Tham lo-in Dennis Perry pen cimawh genthei-te huh kawikawi mi khat hi.

“Lametna nei lai”

Dennis Perry in Maureen pasal thongkia cih a theih ciangin thong sungah a pasal in a sim ding laibu “The Great Controversy” (Kido-na Lianpi) bu khat pia hi. Philip in tua laibu simin ahi zongin mai khat a simkhitteh sim nuam nawn lo hi. A zi Maureen pen thu-um innkuan sung pan khangkhia khat ahih manin a pasal aa ding nitak sialin thungen hi. Bangbangin a pasal tatsia taleh ni khat niteh hong kikhel ding hi, ci-in a zi in lametna lianpi nei veve hi.

A pasal Phillip in thong sungah Topa ompihna hangin khat vei lai-a a simnop loh laibu hong sim nuam kik hi. Tua laibu bangah The Desire of Ages laibu zong sim toto lai hi. Tua bangin a simna tungtawnin a ngaihsutna tampi kikhel hi.

Kaal simin Pacific Adventisti University panin sangnaupangte thonginn ah vapai-in thongkia-te thungetpih, Lai Siangtho sinpihna nei uh hi. Tuate lakah Phillip zong kihel hi. Tua bangin a thusinnate hangin Phillip in tuikiphum ding khensata thonginn sung mahah tuikiphum pah hi. Ama theih thute hawmsawn:

Phillip in Adventist pawlpi ah tui a kiphum a kipan a upnate midangte kiangah hawmsawn hi. Thonginn ah a zi Maureen hong pai ciangin Phillip in a zi in zong tua laibute a sim dingin hanthawn hi. Maureen in a pasal kikhelna a muh ciangin lungdam mahmah hi. Tua hang mahin Maureen in zong tua laibute sim nuam pah hi. A pasal sawl bangin laibu-te a simsim ciangin a zi Maureen zong tui hong kiphum hi. Thong makaite in Phillip kikhelna a muh ciangin thong pan suakta-in pawlpi upa dingin kiseh hi. Tua banah thong sunga nasem Operation Food ci-in thongkia mite anpia makai khatin kiseh hi.

Kote lunggulh in itna hi:

Tu-in Phillip in Operation Food for Life (nuntak nading anpia cih nasepna) ah makai khat in om hi. A zin Maureen zong a nasep nusia-in a pasal Phillip tawh nasem khawm uh hi. Mite in amau nupanasep a muh uhteh itna tawh nasem hi, cih mu thei uh hi. Amau inn ah khangno (30) bang koihin pantah uh hi. Hih khangnote pen tagah, dongtuak vive hi. Hih bang naupang le khangnote pantah nasep pen nuamsa mahmah uh hi. Hih naupang le khangnote kimakaih lo ahih manin guihtheih, khamtheih zang uh hi. Pantah kisam mahmah uh hi, cih phawk ahih manin Phillip le a zi in ahih theihzahun pahtah uh hi.

Phillip le a zi in a nasepna uh Operation Food for life ah khangnote nasem dingin hanthawn hi. Lamet bei mite, dongtuak cimawhte in lametna nei hi, cih thu a theihtel ding uh kisam hi, ci-in pulaak tanghtangh hi. Phillip in a khangno hun lai-in lamdungah vakthap ngei ahih manin, tua hunte ngaihsun kha zel a, tua bang ciangin, lamdung a om khangnote hehpih mahmah hi. Pasian in ama nunzia khel thei ahih manin a kisia khangnote zong khel thei ding hi, cih lametna nei hi.
Tua tawh khangnote pantah hi. Khangnote a siat khit uhteh puahphat sangin a siatma-un hoih tak pantah ding hoih zaw hi.


Phillip le a zi Maureen in mi cimawhte huh ding, Operation Food for Life ah kihel ding uh khangnote hanthawn hi. Khangnote tua bang nasepnate ah kihel le-uh a hun uh mawk beisak lo-in, siatna tawh kigamla zaw ding hi.

To get the latest update of me and my works

>> <<