MUC

Print Friendly and PDF

Wednesday, March 23, 2016

May 14 | Palikpa Lungtup


Sergeant David Laumatea

Pastor Norman Hurlow in a lawmte tawh khua sung mite aa dingin thungenkhawm zelzel uh hi. Papatoetoe Adventist pawlpi pen Auckland khua New Zealand gamah omin, Pasian nasepna-ah a lawp mahmah pawlpi khat hi.

A LAMET UH:


Palikte in bangci bangin guta, migilote a mat theihna zia ding uh ngaihsunsun uh hi. Thong sung mun khempeuh bang pen mi a dim hi phialta mai hi.Pawl khatte thongtuak khin uh hi leh, siatna khat a bawl manun thonginn sung hong tung kikkik uh hi. Tua bangin thongkia kikkik mi a tamteh palikten zong bangcih leng thongkia-te kikhel thei ding hiam cih hong ngaihsun uh hi. Tua bangin a ngaihsutna panin bang hong phawk khia uh hiam cihleh thonginn sung hong lut khempeuh in laisim le uh hoih ding hi, ci-in hong kikum uh hi. Tua bangin a laisimna tungtawnun kikhelna khat om dingin ngaihsun uh hi. Tua leh Crime 2 kici laibu thong sungah hawm uh a, tua laibu sungah thongkia mite kikhelin Khrih a upna thu tuamtuamte kigelh hi. Ahi zongin thongkia khempeuh ngah kim dingin laibu kicing zo lo-in, lei beh kul ahih manin pawlpi khat tawh kikop kul hi, cih thong makaite in hong ngaihsun uh hi.

Tua leh nitak khat palik sergeant khat in zanin a mang sungah numei khat in laitawi-in, tua a laitawi tungah “ Seventh-day Adventist” cih kigelh mu hi. A muh khitphetin sergeant pa zong khanglo-vatin a mang sunga a muh thute lai-in ciamteh pah hi.

Palik sergeant pa in bang ngaihsun hiam cih leh Adventist pawlpi in thongkia mite sim ding laibu hong vaihawmsak theihpih kha ding hi, ci-in lamen hi. Tua bang laitakin a lawm palik khat in “ kei pen Seventh-day Adventists thu-um mi khat hing, ci-in hong kipulaak hi. A thu dan a kigen ciangin pastor Sergeant pa in zong Adventist pawlpi in laibu kisamte hong vaihawmsak zo ding uh hi, cih pulaak hi. Tua leh sergeant pa in Pastor Hurlow tawh hong kimu hi. Pastor pa in zong palik tawh kikhopa nasep ding thukim hi.

Pasian in kei hong sawl hi:

Tua leh nupi khat palik makaite in nasep a zak ciangin huhna sum pia dingin hong pai hi gige hi. Thongkia mite sim ding laibu Crime 2 bawlsak dingin huhna vapia hi. Pasian in kei hong sawl hi, ci-in ngaihsun hi.Tua nupi in laibu bawl nadingin $ 10,000 pia hi. Palik makaite le pastor Hurlow zong nuam mahmah hi. A Kisam sangin tam ngah zaw:

2015 march kha a kipan laibu hawmkhia thei uh hi. Pasian in a kisam bangin huhna hong pia ahih lam pastor Hurlow in lamdangsa mahmah hi. Tua bangin thongkia mite sim ding laibu bawl pen Pasian makaihna khat hi ding hi, cih hong um semsem uh hi.

Papatoetoe pawlpi mi khat in magazine laibu aa dingin lim tuamtuam bawlsak hi. Pastor Hurlow in khua sung pawlpi tuamtuamah pai-in hih laibu hawm vai tawh kisai va pulaak kawikawi hi. Auckland khua sung bek hi lo, New Zealand gam sunga om thonginn khempeuh ah laibu hawm ding zong lunggulh uh hi. Palik makaite in zong tua dingin lunggulh uh hi. Tua bangin laibu a simna tungtawnin a kikhel thongkia mi 7 bang om khin hi.

New Zealand gam mite in biakna khin het lo hi. Ahi zongin tua bangin pawlpi in palik tawh kopin nasem thei uh hi. Tu quarter 13 Sabbath School sumpi in New Zealand gama hih bangin nasepnate ah kizang ding hi.MUC in MMCC aa dingin zek ding hi.

To get the latest update of me and my works

>> <<