MUC

Print Friendly and PDF

Wednesday, March 23, 2016

June 4 | Pawlpi in Ka Innkuan Hi


Stanley

Stanley in kum (15) pha khangno khat ahih hangin siatna namcin tawh kidiahkhin hi. A pa pen a nasepna panin zu khamsa-in inn hong ciah den hi. A pano tawh kitawngin a pa-no in a pa lutang a satte khawng Stanley in a mitkha ah mu den hi. Tua liamna hangin zato kipuaka, a damsa-in zato pan hong tuak uh hi. A pa in a zi nusia-in mundang khua-ah taisan hi. Tua khua ah a pa in zi dang khat nei kik hi. Stanley ahih leh a nu in kemin hamsa takin hong khangkhia uh hi. A nu in pasal dang khat nei kik a, tua pa in Stanley simmawhin a inn panun a pa-kik in hawlkhia hi.

Tua laitakin Stanley pu si hi. A innkuanu a pusihna hangin kimu khawm uh hi. A nu-kik in Stanleyte unau hamsa takin a pakik tawh om cih a zak ciangin a nu-kik in sangkah sak ding hong geel hi. Tua bangin Stanleyte unau zong sang hong kah thei uh hi. Kum khat khitteh a nukikte omna Port Moresby ah hong hawl uh hi. A pa-kik kiangah a ciah ding uh a nu-kik in phal lo ahih manin Lorna kici nupi khat kiangah omsak dingin hong geel hi. Hih nupi nu pen tagah a kem nupi khat hi.
Missionary nasepna khat:

Lorna le a pasal in tanu Grace kici khat nei uh hi. Grace pen kum (3) pha pan hi napi, missionary nasem hi. Grace pa pen nidangin Adventist thu-um mi khat hi ngei-in, Adventist pawlpi pan a tawpkhinsa khat hi. Grace nu bel Lutheran pawlpi ah kikhawm hi. Ahi zongin Grace ahih leh Adventist sangah sangkah hi. Tua sangah Grace sanggamte zong sangkah uh hi.

Sabbath ni hong tunteh siamahte in na nu na pa ciat uh tawh hong kikhawm un, ci-in vaikhak thei zel hi. Tua bang hun ciangin Grace in a nu le a pa zong Sabbath ni-in kikhawm dingin zawn zel hi. A nu le pa in zatepin, kuunza khawng a haai uhteh Grace in a nu le pa kiangah, “ ka siamahte un tuate zang lo ding, hoih lo hi,” ci-in hilh pahpah hi.

Thuman Muthei:

Grace in a kikhopna SDA biakinn ah Pasian thu genna om hi, cih a theih ciangin a nu le pa zong kikhawm dingin zawnpah hi. A nu le pa zong a tanu tawh thugen ngai dingin kikhawm pah uh hi. A kikhopsialun Lorna-te nupa in a zak ngei loh uh a zakteh sang thei mahmah hi. Thugen manteh Lorna in tuikiphum dingin khensatna zong hong nei hi. Tua a kipan za zong tep nawn lo, zudawn nawn lo pah hi. Tua kipan Lorna in a nuntakna uhah suakta kisa mahmah hi. A pasal zong tui kiphum ding zawn napi, a pasal in a hun a cinteh kiphum ning, ci-in ut nai lo hi. Ahi zongi a tanu Grace lungkia lo-in a pa kikhel nading thungen tawntung hi. A pasal zong a cidam lo, natna hau ahih manin zu, za cihte a zat loh ding hanthawn tungtawn den hi.

“ Naupangte innah om thei lo ding”

Stanley le a sanggamnu in Grace-te innah hong hawh uh hi. Grace in amaute kiangah bangci hiam cihleh Sabbath niteh inn ah kuamah om thei lo ding, ko biakinn ah pai ding” ci-in gen hi. Stanley in Adventist innkuan tawh om ding hamsa sa lo hi. Bang hang hiam cihleh Grace-te innkuan sungah kikhelna lianpi om hi, cih pen aman thei hi. Stanley in Pathfinder ah lutin nuamsa mahmah hi. Upa-te khat in Stanley lawnzia le a kiniamkhiatzia a muhteh Branch Sabbath School (SDA omnailohna mun khat ah Sabbath ni kikhopna nei) ah a pai dingin zawn thei zel hi. Upa pa in Stanley aa dingin etteh takcing hong suak hi. Stanley pen inn panin nu le pa hawlkhiat thuak ahih hangin a pawlpih mite panpihna tawh SDA sungah nuamsa mahmah hi.

Papua New Guinea gamhuam sungah tuikulh tampi om hi. Hih gamah mi 7300000 bang om hi. Papua New Guinea gamah pau kibang lo nam 700 bang om hi.

Tu quarter 13 Sabbath School sumpi in Papua New Guinea gama biakinn nei nailo-te aa dingin biakinn lam nading le naupang kipantahna tuamtuamte aa dingin kipuak ding hi.MUC in MMCC aa dingin zek ding hi. 


To get the latest update of me and my works

>> <<